Musavat.az
Musavat.az




Müsavat » Xeberler» Xeber

Ermenistan hakimiyyetinde güc ve nüfuz müharibesi -Hedefde baş nazir Ovik Abramyandır

29 Ağustos 2016

5:08 am


29/08/2016 [09:04]: xeber –
Düşmən ölkə parlament üsul-idarəçiliyinə keçid ərəfəsində iqtisadi-siyasi təlatümlər yaşayır… Ermənistanda yaxınlaşan parlament seçkiləri öncəsi hakimiyyətin müxtəlif eşelonları arasında siyasi nüfuz mübarizəsi qızışıb.Çünki qarşıdan gələn parlament seçkilərindən sonra Ermənistan rəsmi olaraq parlamentli respublika sisteminə keçəcək.Bu səbəbdən düşmən ölkədə daha geniş səlahiyyətlərə və təsirə malik olan bu post bir çox nüfuzlu oliqarxın iştahını qabardıb.Məsələ ilə bağlı “Aykakan Jamanak” qəzeti maraqlı bir xəbərlə versiya ortaya atıb. Qəzetin yazdığına görə, Ermənistan Milli Statistika Xidməti 2015-ci ilin iyul ayı ilə müqayisədə 2106-cı ilin eyni ayında ölkədə iqtisadi inkişafın 5 faiz aşağı düşdüyünü təsbit edib.Statistika Xidməti bu barədə rəsmi məlumat da dərc edib. Qəzet yazır: “Statistikanın iqtisadi göstəricilərin aşağı olması ilə bağlı məlumatının Ovik Abramyanın  iqtisadi inkişaf barədə verdiyi bəyanatlardan sonra dərc edilməsi olduqca nümayişkəranə görünür. Hakimiyyət kulislərində gəzən söz-söhbətə görə, kimlərsə hakimiyyətin üst təbəqələrində Ovik Abramyana böyük ambisiyalardan əl çəkməyi başa salmaq istəyir”.Ermənistan hakimiyyətində güc və nüfuz müharibəsini Nazirlər Kabineti aparatının rəhbəri David Arutunyanla Nəzarət Palatasının sədri İşxan Zakaryan arasında gedən mübarizədən də görmək olar. Mübahisəyə əsas səbəb Nəzarət Palatasının hazırlamaqda olduğu yeni qanun layihəsi olduğu bildirilir. Belə ki, Nəzarət Palatası daha müstəqil olmağa çalışaraq büdcə vəsaitlərinə nəzarətlə bağlı yeni səlahiyyətlər ələ keçirmək istəyir. Ermənistanın ən varlı oliqarx nazirlərindən sayılan David Arutunyan isə buna şiddətlə müqavimət göstərir. Tərəflər arasında gedən müharibənin prezident səviyyəsinə qədər gedib çıxdığı iddia olunur.Ermənistanda vəzifədən getmək ərəfəsində olan nazirlərdən birinin də xarici işlər naziri Eduard Nalbandyanın olduğu deyilir.Bu günlərdə məlum olub ki, Rusiya prezidenti Vladimir Putin Nalbandyanı Rusiya Federasiyası və Ermənistan arasında dostluğu möhkəmləndirdiyinə görə medalla təltif edib.“Putin Nalbandyanı ömür boyu biznes klasda uçmaqla mükafatlandırıb”, – deyə 1in.am saytının yazarı Musa Mikaleyan yazır: “Bu adam bütün potensialını Ermənistanın suverenliyinin və mövcudluğunun neytrallaşmasına, onun Rusiyanın siyasətinə alət olmasına həsr edib. Bu məsələdə o, Ermənistan Xarici İşlər Nazirliyini formal struktura çevirməklə böyük uğurlar əldə edib” – deyə yazar əlavə edib.Erməni mətbuatı bu təltifi əslində Nalbandyanın mükafatla yola salınması kimi qiymətləndirib.Müxalifət isə bütün bu olub bitəni müşahidə etməklə məşğuldur. Mətbuat erməni müxalifətinin bundan başqa bir şeyə gücünün çatmadığını qeyd edir.Ermənistanın və onun müxalifətinin durumu barədə parlamentin müxalif deputatı Ruben Akopyan maraqlı fikirlər səsləndirib. Deputat Ermənistanın son hadisələrdə dövlət kimi uduzduğunu deyir. Ruben Akopyan 1in.am saytına verdiyi müsahibədə İrəvanda “Sasna tsrer” təşkilatının törətdiyi silahlı qiyamdan sonra dövlətin zəiflədiyini bildirib.Akopyan hakimiyyətin ölkənin silahlı qiyamdan daha möhkəm halda çıxması, müxalifətin isə ermənilərin millət olaraq ayıldığı və təşkilatlandığı barədə dediyi fikirlərə qatılmadığını söyləyib: “Bütün bu vaxt ərzində biz dövlət olaraq izolyasiya olunduq. Özümüzü əsas proseslərdən kənarda qoyduq. Bu gün dövlət beynəlxalq strukturlar qarşısında əvvəlkindən daha zəif vəziyyətdədir” – deyə Akopyan bildirib.Ruben Akopyan silahlı qiyamı törədənlərin geniş kütlələr tərəfindən dəstək görmədiyini də xatırladaraq, bunun əsas səbəbini qiyamçıların proqramının və fikirlərinin qeyri-real olması ilə bağlayıb: “Onların dediyi (qiyamçıların rəhbərlərindən Varujan Avetisyan silahlı mübarizəni Rusiyanın müstəmləkəçiliyi əleyhinə hərəkat adlandırmışdı -red.) hansı müstəmləkəçilikdən qurtulmaqdan danışmaq olar. İndi dövlət bu gündədirsə, heç kimi günahlandırmaq lazım deyil. Çünki biz hər kəsə qapı və pəncərələri açmışıq, hamını yataq otağımıza belə dəvət edirik. Məsələ burasındadır ki, biz özümüz müstəmləkə olaraq qalmaq istəyirik” – deyə Akopyan bildirib.Ruben Akopyan hakimiyyəti gücləndirən amillərdən biri olaraq müxalifətin öz içindəki böhranı göstərib: “Müxalifətin öz içində gedən mübarizə, iqtidarla aparılan mübarizədən daha şiddətlidir”. (musavat.com)


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler