Musavat.az
Musavat.az




Müsavat » Xeberler» Xeber

“Ermeniler qonşu kendlerine od vurub, sakinleri gülleleyirdiler…”

08 Ekim 2016

2:44 pm


08/10/2016 [18:40]: xeber –
Pənah Əhmədov ilə rayonda “Dəyirman” kafesində tanış olduq. Əslən Füzuli rayonundan olan Pənah dayının çox ağrılı həyat hekayəsi var. Bu dəfə çalışdıq ki, onun bu ağrılı həyat hekayəsini sayt – ın oxucuları ilə də bölüşək.- Pənah dayı, Füzuli rayonunun hansı kəndindənsiniz?- Mən Füzulinin Qarğabazar kəndindənəm, oğul. 1956 – cı il martın 8 – də həmin kəndə anadan olmuşam. Orta məktəbi 1974 – cü ildə bitirdim. Sənədlərimi İncəsənət Universitetinə verdim, amma çox təəsüf ki, kəsildim. Həmin il Rusiyanın Murmansk şəhərində iki il hərbi xidmətdə oldum. Hərbi xidmətdə nümunəvi əsgər olmuşam.- Hərbi xidmətdən sonra nə işlə məşğul olmağa başladınız?- 1980 – ci ildə ailə qurduqdan sonra Şərabçılıq zavodunun metroloji xidmət sahəsi üzrə işləyirdim və yeddi il Azərbaycanın demək olar ki, bütün rayonlarını gəzdim. İş yerimiz Bakı şəhərində yerləşirdi. 1987 – ci ildə elə oldu ki, şəhər mühiti xoşuma gəlmədi və yenidən öz kəndimizə qayıtdım. Kəndimizdə üzüm sahəsi götürmüşdüm və üzümçülüklə məşğul idim. 1993 – cü il avqustun 23 – də Füzuli rayonu işğal olunanda mən də ailəm ilə birlikdə Masallı rayonunun Təzə Alvadı kəndinə pənah gətirdim.- Füzulini rayonunun işğalını necə xatırlayırsınız?- Orda baş verən hadisələri deməklə qurtarmaz. Çox dəhşət idi. Erməninlər kəndlərimizin hamısına od vurdular. Ermənilər 1989 – cu ildən bu təxribata başlamışdılar. Həmin vaxtdı ətraf kəndlərimizə hücum edib mal – qaranı oğurlayıb, sakinləri güllələyirdilər. Həmin vaxtdı mən də Füzulinin qeyrətli oğullarına qoşulub postlarda keşik çəkirdim. 1993 – cü ildə Füzulini, ermənilər rusların köməyi ilə işğal etdilər.- Kəndinizdən necə çıxdınız?- Mən ailəmi öncədən Qoradiz stansiyasında yaşayan qohumlarımın yanına yola salıb özüm səkkiz gün öz evimdə tək qaldım. Avqustun 23 – də ermənilər ilə ruslar kəndi güllə – baran etdilər və biz də məcbur olub çıxdıq.- Evinizdən nəsə gətirə bildiniz?- Evimdən heç bir yorğan da çıxara bilmədim. Ancaq mal – qaramı gətirib çıxara bildim. Həyətdəki itimi də zəncirdən açıb buraxdım. Sonra gördüm ki, it arxamca Qoradiz stansiyasına gəlib. Vəfalı it idi… Ailəmi də götürüb Masallı rayon Təzə Alvadı kəndinə boş idarə binasında yerləşdik.- Bəs həyat yoldaşınızı necə itirdiniz?- 1993 – cü ilin dekabr ayında evimdə qaz partlaması nəticəsində həyat yoldaşım və kiçik oğlum yanmışdılar. Həyat yoldaşım dünyasını dəyişdi. Oğlumu isə həyata qaytara bildik.- Siz yenə də həmin binada yaşayırsınız?- Xeyr. Torpaq alıb ev tikdim. Üç oğlumu evləndirdim. Həyat davam eləyir neyləyəsən, oğul… Mən də ailə qurdum.- Pənah dayı, Masallıya gəlməyinizə səbəb nə oldu?- Mən şərabçılıq zavodunda işləyəndə rayonlara ezam olunurdum. Onda cənub bölgəsində olduğum zaman buranın adamlarının necə qonaqpərvər və necə istiqanlı olmalarının şahidi oldum. Elə torpaqlarımız işğal olunanda qərara gəldim ki, cənub bölgəsində məsgunlaşım.- Düşünürsünüz ki, buranın adamları başqa rayonların adamlarına baxanda çox qonaqpərvərdilər?- Bəli. Əlbətdə. Burda indi elə qaynayıb – qarışmışıq ki, çoxlu dost – tanış qazanmışam.- Aşbazlıq etmək hardan ağlınıza gəldi, yoxsa elə bu sənəti bilirdiniz?- Xeyr. Bir dəfə dostlardan birinin məclisində yemək bişirməyə adam tapmadıqlarına görə mən dedim ki, mən bişirərəm. Elə də yemək bişirdim. Amma əvvəldənçox həvəsim var idi bu sənətə…- Onda kiminsə yanında şagird olmamısınız.- Xeyr. Ustam olmayıb. Amma yemək elə bir şeydi ki, nə qədər dadlı bişirəsən qadından dadlı yemək bişirə bilməzsən. Qadın bişirən yeməyin dadı tam başqa olur.- Sizə bişirdiyiniz yeməyə görə “şabaş” göndərən olub?- Hə, çox olub.- Heç fikirləşmisiniz ki, bu yeməyi bişirim və mənə pul göndərsinlər.- Xeyr. Elə şey fikirləşməmişəm. Mən onu fikirləşirəm ki, yenəklərimi bəyənsinlər, müdriyyətə şikayətə gəlməsinlər. Mənə “çox sağ ol” demələri elə bəs edir. Bir çox şadlıq saraylarında da işləyirəm. Toy olanda dəvət edirlər.- Sizin üçün Qarğabazar kəndi ilə Təzə Alvadı kəndinin hansı oxşar və fərqli cəhətləri var?- Biz on beş ailə Təzə Alvadı kəndinə gəldik. İndi dörd ailə qalmışıq, qalan ailələr şəhərciklərə köçüblər. Hətta mənə də təklif ediblər ki, şəhərciyə köçüm, demişəm ki yox, mən bu kəndən heç yerə getmək istəmirəm. İnsanlarının mehribanlığı hər iki kəndə görə eynidi. Amma, bütün bunlara baxmayaraq Qarğabazara qayıtmaq istəyirəm. Təzə Alvadı kəndi mənə ona görə doğmadı ki, bu kəndin qəbristanlığında atam, anam və həyat yoldaşım dəfn olunub.- Siz həm də dostların dediyinə görə yaxşı muğam da ifa edirsiniz?- Muğam oxumaq bizdə irsidi. Mənim atam da oxuyan olub. Həm də “tar” ifa edib. Hər il Füzulinin işğalı günü deyirəm ki, kaş o yerlərə gedib dağlarda bir az muğam oxuyardım.- Sizə müsahibəyə görə təşəkkür edirik.- Çox sağ olun, siz də həmişə var olasınız.Vasif Əlihüseyn


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler