Musavat.az
Musavat.az




Müsavat » Xeberler» Xeber

Ermeni prezident “at”ını niye deyişdi -Ohanyanın istefası…

05 Ekim 2016

5:56 am


05/10/2016 [09:52]: xeber –
“Seyran Ohanyanın Ermənistanın müdafiə naziri postundan uzaqlaşdırılması və onun yerinə mülki şəxsin təyin edilməsi əslində elə də ciddi hadisə deyil”.  Bu fikirləri  ehtiyatda olan polkovnik Şair Ramaldanov Xocalı soyqırımının əsas iştirakçılarından olan Ohanyanın müdafiə naziri vəzifəsində çıxarılmasına münasibət bildirərkən deyib. Ekspertin fikrincə, Ohanyanın son zamanlar diqqət mərkəzində olması, onun özünün və ailəsinin hərəkətləri ilə bağlı çoxsaylı məlumatlar, həmçinin  prezident  Sərkisyanla aralarında yaşanan problemlər sonda nazir dəyişikliyinə səbəb oldu.Ş.Ramaldanovun sözlərinə görə, silahlı qüvvələri idarə edən Baş Qərargah rəisidir. Bu səbəbdən də ekspert Xocalı cəlladlarından olan Movses Akopyanın Baş Qərargah rəisi təyin edilməsinə fərqli yanaşır: “Bu təyinat onu göstərir ki, Qarabağ məsələsində Ermənistanın siyasəti dəyişməyəcək. Onlar açıq göstərirlər ki, sülh danışıqlarına getməyəcəklər. İşğalçı ölkənin beynəlxalq səviyyədə sərgilədikləri azğın hərəkətlər, İrəvanda keçirdikləri hərbi parad da bunu təsdiqləyir. Yəni Ermənistan Qarabağdan əl çəkmək niyyətində deyil. Onlar xoşluqla heç bir kompromisə getmək istəmirlər”. Hərbi ekspert Azad İsazadə isə məsələ ilə bağlı modern.az-a bildirib ki, budəfəki dəyişiklik daha çox daxili siyasətin problemlərini həll etmək üçün edilib. “Bu  qruplaşmalar arasında olan toqquşmaların nəticəsidir. Aprel döyüşləri zamanı Seyran Ohanyan bacarıqsızlığı, səriştəsizliyin göstərdi. Serj Sərkisyan da aprel döyüşlərində Ermənistanın məğlubiyyətində Ohanyanı günahkar bilərək onu vəzifəsindən azad etdi. Ancaq prinsipial olaraq Azərbaycan üçün böyük bir fərq yoxdur. Ermənistan hərbiçiləri daha aqressiv, daha kompromissiz mövqe göstərdikləri üçün heç bir nəticə əldə edə bilməyəcəklər. Yeni gələn hərbi rəhbər obyektiv olmalıdır. Amma aydındır ki, bu gün Ermənistan praktiki çıxılmaz vəziyyətdədir. Bir tərəfdən başa düşürlər ki, döyüşlər başlasa növbəti uğursuzluqlarla qarşılaşa bilərlər, o biri tərəfdən də kompromislərə gedə bilmirlər, çünki daxili problemlərlə qarşılaşacaqlar. Çox güman ki, bu dəyişikliklər təkcə hərbi rəhbərlikdə olmayacaq, siyasi rəhbərlikdə də dəyişikliklər olacaq”. Ekspert bildirib ki, yeni hərbi rəhbərlik uğurlu əməliyyat keçirərək göstərməyə çalışacaq ki, o bu təyinata layiqlidir. “Hər bir zaman münaqişə qızışa bilər. Bəzən risk faizi azala, bəzən isə arta bilər. Qızışmaq üçün təhlükəli məqam o ola bilər ki, daxili vəziyyət gərginləşər və hakimiyyətdə qalmaq üçün döyüşləri başlaya bilərlər”.Ş.Ramaldanov da açıqlamasında  aprel savaşının təkrarını da istisna etmədi: “Ermənistanın siyasətindən müharibə havası gəlir. Bu, qaçılmazdır. Bizim bütün apardığımız işlər də hərbi qüdrətimizin artırılmasına yönəlib. Bizim dövlət də silahlı qüvvələrə aid məsələlərdə heç nəyi əsirgəmir. Artıq Ali Baş Komandan bununla bağlı növbəti göstərişlərini verib. Müharibə hər an başlaya bilər. Ancaq şübhəniz olmasın ki, işğalçıları ərazilərimizdən qovmaq üçün bizim hər cür imkanlarımız var. Biz zamanı gələndə öz sözümüzü deyəcəyik. Hər kəs bilməlidir ki, biz özümüz torpaqlarımızı azad etməliyik, başqa yolumuz yoxdur”. Ekspert danışıqlara start verilməsi istiqamətində göstərilən cəhdləri də faydasız sayır: “Beynəlxalq qurumlar da mətləbə çatanda deyirlər ki, ölkə rəhbərləri gərək ortaya iradə qoysunlar. Faktiki olaraq beynəlxalq qurumalar öz imkanlarından istifadə etmirlər. Onlar üçün münaqişənin bu formasının qalması daha sərfəlidir”.(musavat.com)


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler