Musavat.az
Musavat.az




Müsavat » Xeberler» Xeber

“Ekstremal jurnalistlerin tecrübe poliqonu telimleri” başa çatdı

03 Ağustos 2016

8:48 pm


04/08/2016 [00:43]: xeber –
Artıq hamıya məlumdur ki, XXI əsr informasiya müharibəsi dövrüdür. Və bu müharibənin əsgərləri də məhz jurnalistlərdir. Söz savaşında qalib gəlmək jurnalistlərdən peşəkar hazırlıq tələb edir.Son dövrlər Azərbaycan və Ermənistan arasında baş verən qısamüddətli döyüşlər bir daha onu göstərdi ki, ölkəmizdə ekstremal stiuasiyalarda çalışan jurnalistlərin hazırlanmasına ciddi ehtiyac var. Bu məqsədlə Müdafiə Nazirliyi, Azərbaycan Respublikası Prezidenti yanında QHT-lərə Dövlət Dəstəyi Fondu və Dinc Dünya Araşdırmalar Mərkəzinin birgə təşkilatçılığı ilə “Ekstremal jurnalistlərin təcrübə poliqonu təlimləri”nə start verildi.“Azərbaycan müstəqillik əldə edəndən bəri müharibə vəziyyətindədir. Bu prosesdə çoxlu jurnalistimiz ekspromt edərək, döyüşdən informasiya gətirib. Amma indiyə qədər Azərbaycanda nə jurnalistika fakültələri, nə də o qədər təcrübəli olan jurnalistlərimiz bunu auditoriyaya daşımayıblar. Bizim məqsədimiz bu layihələri keçirməklə kütləvi şəkildə jurnalistlərimizə savaş jurnalistikasını öyrətməkdir. Buna görə təlimlərimizi birbaşa cəbhə zonasında keçiririk. Sabah döyüşlər başlayarsa jurnalist buna hazır olmalıdır. Layihənin əsas məqsədi də budur. Savaş prosesində jurnalist necə davranmalıdır ki, öz sağlamlığını qorusun, riskləri minumuma endirsin və redaksiyanın tapşırığını düzgün yerinə yetirə bilsin”-deyən layihənin rəhbəri, peşəkar jurnalist Əlisafa Mehdiyev bu istiqamətdə fəaliyyət göstərmək istəyən jurnalistləri öz ətrafına topladı.Ekstremal jurnalistika ilə bağlı təlimin keçirilməsi bu sahə ilə maraqlanan bir çoxları kimi məni də sevindirdi. Belə bir təlim respublikamızda ilk dəfə idi ki, keçirilirdi. Onu da qeyd edim ki, adı çəkilən təlimlərin birinci mərhələsi qış aylarında baş tutmuşdu. Həmin təlimlər Ali Hərbi Məktəbin Təlim Tədris Mərkəzində keçirilirdi. Burada ordumuzun döyüş texnikası, silah-sursat təchizatı, jurnalistin ekstremal şəraitdə davranış qaydaları haqda nəzəri və praktik biliklər əldə etmişdik. Budəfəki təlimlər isə bir həftə boyunca cəbhəyanı bölgələrdə, sırf təcrübə poliqonlarında keçiriləcəyindən hər şeyin daha da maraqlı olacağı şübhəsiz idi.Təlimlərə start verilirTəlim sahəsinə yollanmazdan öncə psixoloji testlərdən keçdik. Testlərin nəticələrinə əsasən təlim iştirakçılarının sayı 40 nəfər müəyyənləşdirildi. Hər komandada 20 jurnalist olmaqla iki qrupa bölündük. I qrup 24-30 iyun, ikinci isə 7-14 avqust tarixində təcrübə poliqonlarına yollanacaqdı.24-30 iyun. Təlim zonalarındaTəlimlərin keçirilməsinin əsas məqsədi jurnalistlərə ekstremal şəraitdə özünü necə qorumaq, sağ qalmaq üçün relyefe uyğunlaşmaq, bu vəziyyətdə informasiyanı necə əldə etmək və ötürmək, hərbçilərlə ünsiyyətə qurmaq yollarını və s. öyrətmək idi. Bunun üçün isə bizi hələ qarşıda bir həftə vaxt gözləyirdi.İyunun 24-ü Şəmkir rayonunda yerləşən N saylı hərbi hissəyə gələrək burada yerləşdik. Hərbi hissənin daxili nizam qaydaları izah edildikdən sonra əsgər yeməkxanası, tibb məntəqəsi, çamaşırxana və hərbi hissənin digər əraziləri ilə yaxından tanış olduq. Burada əsgər və zabit heyəti üçün yardılmış şəraitin dövlətimizin orduya göstərdiyi diqqət və qayğının bariz nümunəsi olduğunu tam əminliklə deyə bilərəm.Növbəti gün təlim poliqonuna yollandıq. Burada qoşunların hücum əməliyyatı zamanı jurnalistin dura biləcəyi mövqelərdə yer aldıq. “Jurnalist döyüş zamanı necə etməlidir ki, həm öz işini görsün, həm də hərbçiyə mane olmasın?”, “Operator və ya jurnalist səngərdə necə hərəkət etməlidir?”, “Atəş altında düşmən gülləsinə tuş gəlməmək üçün jurnalist özünə necə düzgün mövqe tutmalıdır?” kimi suallar peşəkar hərbçilər tərəfindən cavablandırıldı. Daha sonra isə səngərdən erməni kəndlərini müşyiət etdik.Təlimlərin üçüncü günükəşfiyyatçıların döyüş hazırlığı, hücum əməliyyatlarının planlaması metodlarını öyrənməklə başladı. Qarşıya çıxa biləcək müxtəlif maneələrin dəf edilməsi qaydalarını göstərən, kəşfiyyatın bəzi özəlliklərini bizlərə açıqlayan kəşfiyyat komandiriistifadə etdikləri silahların təyinatı barədə də ətraflı məlumat verdi. Bundan başqa istehkamçı qurğuları ilə tanış olduq. Minanının növləri, onların partlama zamanı təsir dairəsi və s. haqda məlumatlar aldıq.Təlimlər zamanı bir gün meşədə qaldıq. Burada necə davranmaq lazım olduğunu haqda əvvəllcədən məlumat verən hərbçilər jurnalistlərə hər cür şəraitdə sağ qalmaq metodlarını öyrtədilər. İlan, tısbağa, qurbağ və ya digər heyvan və bitkilərlə necə qidalanmaq, təmiz suyu necə əldə etmək , özünü vəhşi heyvanlardan necə qorumaq üsullarını izah etdilər.Həmin gün soyuqda, yağışın altında və kimsəsiz meşədəyataq kisələrində gecələdik.Təlimlərin ən yaddaqalan hissəsindən biri də zirehli texnika ilə yaxından tanışlığımız oldu. Tankın üstündə və içində olamaqla müəyyən məsafəni qət etdik. Tankın altından keçdik. Kalaşnikov silahından 100 və 150 metrdə yerləşdirilən hədəflərə atəş açdıq. Bir sözlə, bu bir həftə ərzində ekstrimal stuasiyaya maksimum dərəcədə uyğunlaşmağa çalışdıq.Düzdür, təlimdə müəyyən çatışmazlıqlar da yox deyidir. Amma Əlisafa Mehdiyevin sözləri ilə desək: “…topladığımız təcrübələri bir yerə yığaraq növbəti ildə keçirəcəyimiz təlimləri daha universal təşkil edəcəyik. Ondan sonra biz Azərbaycanda ekstremal jurnalistikanın bir növ akademik modelini, ən azından universal modelini formalaşdıra biləcəyik”. (Davamı var…)Maral TürksoyFotoların müəllifi: Fərqanə Novruzova


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler