Musavat.az
Musavat.az




Müsavat » Xeberler» Xeber

Dünyanı diksindiren veten oğlu – Mirze Xezerin doğum gününe ürek sözleri …

26 Ekim 2016

10:08 am


26/10/2016 [14:06]: xeber –
Nədənsə həmişə düşünmüşəm ki, payızın rəngi sarı deyil, heç qızılı da deyil…Əslində payızın rəngləri çoxdur..Lap çox.Bu rənglərin içərisində ən çox ürəyə yatanı,qəlb oxşayanı, ruhumuzu ovsunlayanı, bizə ilahi duyğular bəxş edəni, iheyrətləndirəni məhz NAR rəngidir. Narın yaqut kimi alışıb-yanan sehirli dənələrində bərq vuran ilahi çalarlara heç kəs bu günədək dəqiq, dürüst ad tapa bilməyib. Bəlkə də elə buna görədir ki, NAR heç vaxt sönməyən, unudulmayan, əbədiyaşar sevgilərin,məhəbbətlərin rəmzi olub. Vətənimiz Azərbaycan tarixlər boyu sevgi rəmzi Narla yanaşı, həm də ucalıq, qurur, yenməzlik rəmzi olan Çinarları ilə tanınıb. Nardan və Çinardan danışanda ilk növbədə yada məhz Şirvan elləri, Göyçay torpağı düşür. İlin bu çağlarında Göyçayın nar bağları nəhəng bir sevgi ümmanını xatırladır…Bu ümmana daldıqca həm də milli ədəbiyyatımıza, poeziyamıza, jurnalistikamıza böyük töhfələr vermiş ləyaqətli, vətənsevər, təəssübkeş, insanların işıqlı obrazı birər-birər göz önünə gəlir. Bu işıqlı simaların içərisində doğma yurddan uzaqlarda yaşamasına baxmayaraq ürəyi daima vətən və yurd eşqilə döyünən, hər səhərini vətən sevgisi ilə açan, doğulub boya-başa çatdığı doğma torpağın ətrini, rayihəsini, qoxusunu lap dünyanın o başında belə duyan və ondan güc, qüvvət alan “Azadlıq” radiosunun Azərbaycan redaksiyasına 27 il rəhbərlik etmiş Ustad jurnalist, qələm sahibi, milli müstəqilliyimizin rəmzi hesab olunan Mirzə Xəzərin özünə məxsus yeri var. Narlar və çinarlar diyarında dünyaya göz açan Mirzə Xəzər həmişə, harda olubsa doğma torpaqla, vətənlə – Azərbaycanla nəfəs alıb.Bu gün də belədir. Təsadüfi deyil ki, Mirzə Xəzər 70 il sovet imperiyasının pəncəsi altında inləyən Azərbaycanın öz milli azadlığı uğrunda apardığı mübarizədə öndə addımlayan Bayraqdar olub. 1990-ci ilin 20 yanvar gecəsində sovet əsgərlərinin Bakını gülləbaran etdiyi, küçələri, xiyabanları şəhidlərin al qanı ilə boyadığı, təklənmiş, unudulmuş insanların fəryadının ərşə bülənd olduğu, yerli radi və televiziyanın, mətbuatın susdurulduğu, xalqın səsinin, naləsinin heç yana çatmadığı, yetmədiyi bir zamanda Mirzə Xəzər “Azadlıq” radisonun mikrafonu qarşısında elə bir HARAY çəkdi ki, dünya diksindi. Bəli, Mirzə Xəzər dünyanı diksindirən ilk Azərbaycanlı oldu.İllər keçsə də bu Haray, bu səs, bu səda bu gün də qoca dünyanın qulaqlarından çəkilməyib və yəqin ki,heç vaxt da çəkilməyəcək.O, qanlı 20 yanvar gecəsində Bakının barıt qoxulu nəfəsini, şaqqıldayan silahların, vıyıldayan güllələrin səsini, partlayan qumbaraların ulartısını anbaan, saatbasaat yuxulu, yatmış dünyanın üzərinə yağış kimi yağdıran Mirzə Xəzər özünün “Azadlıq” radiosundakı son fəaliyyətinə qədər vətəni Azərbaycanın demokratiya və azadlıq uğrundakı mübarizəsinə əvəzsiz töhfələr verdi. Bu da bir həqiqətdir ki, Azərbaycanın üçrəngli bayrağını “Azadlıq”ın dalğalarında ilk olaraq vətənə – Azərbaycana məhz Mirzə Xəzər gətirdi. Bu gün Mirzə Xəzərin – bu böyük qəlbli, təəsübkeş,mübariz soydaşımızın, qələm sahibinin doğum günüdür. Bu gözəl gündə Mirzə müəllimə Nar dənələri qədər ömür, Çinar ucalığı qədər yaradıcılıq uğurları arzulayıram! Bir də … arzu edirəm ki. günlərin birində Mirzə müəllimlə vətəni Azərbaycanda görüşək.Onun illərdən bəri toplanıb qalmış NAR payını birlikdə yeyək. Doğum günün mübarək olsun, Mirzə müəllim!P.S. Gerçəkdə Mirzə müəllimin doğum günü oktyabrın 27 – nə təsadüf edir. Fəqət tale elə gətirib ki, ustadın doğum günü noyabrın 29-da rəsmiləşdirilib.Elə ona görə də dostları, doğmaları, eləcə də bütün Mirzəsevərlər ustadı ad günü münasibətilə iki dəfə təbrik edirlər. Bəli, bu da bir naxışdır, bir hikmətdir. Dünyada nadir insanlara nəsib olan bir alın yazısıdır, taledir, qismətdir.Cəlal Yaquboğlu


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler