Musavat.az
Musavat.az




Müsavat » Xeberler» Xeber

Dünya edebiyyatının düşmen yazarları 

22 Ağustos 2016

1:48 pm


22/08/2016 [17:45]: xeber –
Yazıçıların məhəbbətlərini və dostluqlarını izah edən məktublarla tez-tez rastlaşmışıq. Amma ədəbiyyat o qədər də ağappaq bir dünya deyil. Ədəbiyyat aləmində də bir-birindən nifrət edən, “müharibədə” olan yazarlar olub. Bəziləri isə bu nifrəti kağıza, məktuba belə tökməkdən çəkinməyiblər və çəkinmirlər. Azərbaycan ədəbiyyatındakı polemikadan, bir-biriylə “düşmən” münasibətində olan yazarlardan az-çox məlumatımız var. sayt təqdim etdiyi bu yazıda bir-birini sevməyən, nifrət edən dünya yazarları haqqında məlumat verəcək. 1. Trumen Capote və Jack Kerouac… Jack Kerouac “Yolda” romanını yazanda bir çox yazarın qəzəbinə tuş gəlmişdi. Şimali Amerikanı başdan-başa qət etməyin ənənəvi roman quruluşuna zidd, dağınıq hekayəsi tam Beat ruhunu əks etdirirdi. Ancaq təəssüf ki, dövrün özünü təsdiq etmiş müəllifləri bu tərzə bir o qədər də etibar etmədilər. Xüsusilə də, Trumen Capote bunu heç bəyənmədi. Bir televiziyaya müsahibəsində də bunu ən sərt sözlərlə tənqid etdi: “Beat üslubunda yazanların heç birinin deməyə, yazmağa maraqlı, qeyri adi heç nələri yoxdur.  Heç cənab Kerouacın da yazdığına roman deyilə bilməz, bu, söz yığınıdır”.   2. Qor Vidal və Trumen Capote…“Tifanidə səhər yerməyi”inin müəllifi Trumen Capote də mübahisələrə yol açan bir yazıçıdır. Bəlkə də bizim Əli Mirəliyev kimi televiziya proqramlarında digər müəlliflərə söz atmağa meyilli olduğuna görə. Yazar Qor Vidal da buna görə onu sevməyib. Bir gün onun haqqında bu sözləri işlədib: “Qərəzli fikirləri ilə tam bir kansaslı ev qadınına bənzəyir”. Digər bir fikrində isə ondan nifrət etdiyini vurğulayıb: “Capotedən həqiqətən də diksinirəm, evə girmiş murdar heyvandan nifrət edərmiş kimi”. 3. Norman Meyler və Qor Vidal…Trupen Capoteni sevməyən Qor Vidal heç özü də digər yazarlar tərəfindən o qədər də sevilən müəllif olmayıb. Pulitzer mükafatı laureatı Norman bir televiziya proqramında Qor Vidalın üzünə baxaraq deyib: “Zaman zaman yaradıcılıqlarını qoxulamaq məcburiyyətində qalıram. Bunun sayəsində intellektual çirkinlik mövzusunda mütəxəssis olmuşam”.Vidalın da Meylerə dediyi bu sözlər ədəbiyyat tarixinə düşüb: “Nəticədə həqiqətən bir roman yazan, hətta bir yazıçı sayıla bilərmi, bilmirəm. Daha çox boşboğazdır. Fraqmentlərdən və parçalardan ibarətdir. Sanki bir kimlik axtarışındadır və çiy bir şöhrət sayəsində buna nail olacağına inanır”.Meyler Jack Kerouacı da sevməyib, onun haqqında bu ifadəni işlədib: “Zəngin bir fahişə kimi dəbdəbəli və çubuqlu nabat qədər içlidir”.4. Mark Tven və Ceyn Ostin (Austen)… Mark Tven onu tənqid edəndə zavallı Ceyn Austen çoxdan ölmüşdü. Mərhəmətsiz Tven məktubunda yazırdı: “Ceyn Austeni tənqid etmək istəyirəm. Amma kitabları məni elə dəli eləyir ki, dəli olduğumu oxucudan gizlədə bilmirəm. Və hər dəfə susmaq məcburiyyətində qalıram. “Qürur və Qərəz”i nə vaxt oxusam, Ceyni məzarından çıxarıb diz sümüyünü kəlləsinə çırpmaq istəyirəm!” 5. Con Apdeyk və Salman Ruşdi…Əslində, burada oyunun qaydası çox sadədir, Salman Ruşdiyə sataşmamaq lazımdır. O, illərlə ölüm təhdidlərinə məruz qalıb. Buna görə də ona təhqir etsəniz, çəkinmədən cavabınızı verəcək. Con Apdeyk isə vəziyyətin ciddiliyinin fərqində olmur və “Kloun Şalimar” ilə bağlı araşdırmasına belə başlayır: “Səbəb o idi ki, nə üçün Salman Ruşdi baş obrazlarından birinə Maximilian Ophuls adını verib?”Ruşdinin cavabı isə xeyli sərt olub: “Ad sadəcə addır. Səbəb isə, nə üçün səbəb olmasın ki? Las-Veqasda bir yerlərdə Con Apdeyk adında bir kişi fahişə də ola bilərdi”. Ruşdi bu cavabla da kifayətlənməyib  Apdeykin “Terrorçu”su haqqında bunları deyib: “Bərbaddan da betərdir. O, kiçik məhəlləsində oturub ər dəyişdirmə hekayələri yazsa yaxşı edər, onsuz da etdiyi budur”.  6. Virciniya Vulf və Jeyms Joys… Virciniya Vulf Jeyms Joysun “Ulis” romanı haqqında bunları deyib: ““Uils”i oxumayanlar bunu sevəcək. Üzündəki sızanaqları qoparan narahat bir yeniyetməyin işidir”. 7. Rut Rendell və Aqata Kristi… Detektiv əsərlər müəllifi Rut Rendell detektiv kraliçası Aqata Kristi üçün üçün belə deyir: “Roman obrazlarına kağız körpə desəm, kağız körpələrə təhqir etmiş olaram”.Hazırladı: Rumiyyə 


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler