Musavat.az
Musavat.az




Müsavat » Xeberler» Xeber

“Dövletime qarşı çıxanın başı da kesiler…” – Reşid Mahmudov

17 Temmuz 2016

10:48 am


17/07/2016 [14:45]: xeber –
Hər zaman
maraqlı fikirlərlə çıxış edən tibb elmləri namizədi Rəşid Mahmudov sayta
açıqlamasında Türkiyədə baş verən son hadisələrə münasibət bildirib.

R.Mahmudov dövlət
çevrilişinə cəhdin Türkiyəni gözü götürməyən xarici qüvvələrin işi olduğunu
deyib: “Türkiyədə baş verən hadisələr siyasi məsələlərdir. Son illərdə Türkiyə,
Rusiya, Çin və İran birləşdikdə böyük qüvvə olur. Bu birliyi də xarici
dövlətlər görmək, qəbul etmək istəmirlər. Sapı özümüzdən olan baltalar, Gülən
kimi adamlar gedib Amerikada oturub öz vətənini satır. Mənim vətəndaşım da, kimliyindən
asılı olmayaraq, gedib xaricdə dövlətimizi  satırsa, o, vətəndaş deyil, türk deyil və mən heç
həmin insanı türk kimi qəbul etmirəm.  

Dövlət
içində dövlət yaratmağa çalışırlar, dövlətin içindəki satqınlardan dövlətə
qarşı istifadə edirlər. Əsas məqsədləri güclü fiqur olan Ərdoğanı aradan
götürməkdir, çünki Ərdoğan dövlətini inkişaf etdirir, iqtisadiyyatını qaldırır,
yerin altından heç bir gəliri olmayan dövlətin demək olar ki, heç bir borcu
yoxdur. 2015-ci ilin may ayında Ərdoğan bizim heç bir ölkəyə borcumuz yoxdur dedi
və bu o demək idi ki, dünyada belə bir ikinci dövlət yoxdur.

Allah elə
yaradıb ki, 26 ərəb ölkəsi var və hamısının da torpağının altından neft çıxır.
Ən varlı dövlətlərdilər, ancaq pis gündə yaşayırlar. Bu ona görə belədir ki,
həzm edə bilməyən qüvvələr o dövlətləri pis vəziyyətə salırlar. İraqda, Misirdə
nə baş vermişdi ki, heç nə, ancaq İraqı, Misiri pis günə saldılar. İndi həmin
qüvvələr çalışır ki, Türkiyədə də özlərinin dövlətini qursunlar və elə ona görə
də bu hadisələr törədildi. Və bu hadisələr mənə çox pis təsir etdi, Türkiyədə
qarışıqlıq yaradırlar. Türkiyəni gözü götürməyən xarici qüvvələrin düzəltdiyi,
orada olan ermənilər və onlara qoşulmuş kürdlərdir ki, əlaltından türklərə
qarşı yönəldiliblər və bu dövləti məhvə aparırlar”.

 

Tibb elmləri
namizədi onu da qeyd edib ki, bu çevrilişə cəhd məhz Türkiyənin Rusiya ilə
barışdığına görə edildi:

“Türkiyə dövləti
qüvvətlənməkdədir. Ərdoğan 7-8 il ərzində Türkiyənin dövlət büdcəsini 900
milyarda qaldırdı, iqtisadi cəhətdən güclü bir dövlətə çevirdi. Ancaq Qərb
dairələri, o cümlədən Avropa Birliyi (AB) bu uğuru görmək istəmir. 2012-ci
ildən bəri deyirəm ki, nə Türkiyə, nə də Azərbaycan AB-yə qoşulmağa çalışmasın,
bizi orda qoymazlar. Çünki AB xaçpərəstlərin birliyidir. Türkiyənin uğurlarını
qəbul etməyən qüvvələr Ərdoğanın Rusiyayla barışmasının da əleyhinədirlər. Bəlkə
elə Rusiyanın təyyarəsinin vurulması da ABŞ-ın diktəsiylə olmuşdu. Amma Ərdoğan
nəhayət ki, Rusiyayla əlaqələri yenidən qurdu. Türkiyə NATO-nun üzvüdür, ancaq
NATO-nun üzvü kimi Türkiyəyə heç bir köməklik etmirlər, əksinə ABŞ AB ilə
birlikdə tamamilə Türkiyənin əksinə hərəkət edir. Türkiyə Rusiya ilə yaxınlıq
edən kimi hava limanında partlayış törədildi, nə qədər adam öldürdülər.
Əlaqələr düzəlib, yaxınlaşma gedən kimi də dövlət çevrilişinə cəhdə qalxdılar.

Türkiyədə
dövlət çevrilişi etmək istəyənlər Ərdoğanın yerinə kimi gətirəcək axı?!
Bakıdakı Atatürk mərkəzində tədbir keçirilirdi, həmin tədbirdə Türkiyədən gəlmiş
17-18 türk iştirak edirdi. Həmin türklər tamamilə Ərdoğanın əleyhinə idilər.
Deyirdilər ki, Atatürk dövlət qurub, ancaq Ərdoğan Atatürkün eyni zamanda səhvlərə
yol verdiyini deyir. Bəli, düzdür, Atatürk səhvlərə yol verib. Ərdoğan açıq
deyir ki, bizim xarici siyasətimiz düzgün deyil. Mən qonşularım Suriyayla, İraqla,
İranla, Ermənistanla düşmənəm, bütün qonşularla da düşmən şəraitində yaşamaq
mümkün deyil axı, belə xarici siyasət olmaz ki. Xarici siyasətdə qonşularla
düşmən mövqedə olmaq səhv fikirdir. Gördüm ki, həmin türklərlə mübahisəyə girmək
yersiz olacaq və onlara bir sual verdim. Dedim ki, yaxşı, Ərdoğan pisdir və onu
çıxardın, bəs onun yerinə kimi qoyacaqsınız? Ərdoğan  kimi gözəl siyasətçi, sənin iqtisadiyyatını
yüksəldən digər dövlət başçısı varmı?”

 

Rəşid Mahmudov
Türkiyə ordusu barəsində də fikirlərini bildirib:

“Dünyada türk
ordusu kimi qüvvətli, çalışqan ordu yoxdur. Səhv etmirəmsə, Hitler deyib ki,
əgər türklərin hamısı qırılsa və bircə nəfəri salamat qalsa belə, o, öz başına dəstə
toplayacaq, dövlət yaradıb intiqamını alacaq. Atatürkdən də belə bir miras
qalmışdı ki, səhv edəni hərbi qüvvə yıxmalıdır. Ancaq görün indi hərbi qüvvə nə
gündəydi ki, Türkiyə ordusu Pentaqona tabe idi. Yaxşı yadımdadır ki, Ərdoğan Pentaqona
qarşı mübarizə aparırdı, əsgərlərə vurun əmri verilirdi, Pentaqondan isə geri
çəkilin deyilirdi, ordu geri çəkilirdi. Ona görə də Ərdoğan dövlət quruluşunu
belə dəyişdirir və düşünürəm ki, düz edir. Demokratiyadır deyə Şimal bölgəm
gedib Dağıstana qarışsın, Cənub bölgəm İrana qarışsın, belə şey olmaz ki. Türkiyə
heç kimə heç bir torpağını verməyəcək, heç nəyi ayırmayacaq. Xarici qüvvələr kürdləri
də “sizə dövlət yaradacağıq” adı ilə ora salıb aldadırlar. Onlar da başa
düşməlidirlər ki, kürdlərlə türklər bir soydandırlar və hər zaman bir
olmalıdırlar. Bizim ölkəmizdə də ayrı-ayrı etnik qrupar var və onların hamısı
bilməlidir ki, bu ölkədə yaşayırlarsa, bu ölkənin torpağından, sərvətindən
istifadə edirlərsə, başqa dövlətə qulluq etməməlidirlər. Edərlərsə, bizim
düşmənimizə çevriləcəklər, eləcə də Türkiyədə.

Hesab edirəm
ki, düşmənə düşmən kimi baxmaq lazımdır, kim kimin başını kəsdi, niyə kəsdi,
necə kəsdi demək lazım deyil. Düşməndirsə, dövlətimə və dövlətçiliyimə qarşı
çıxıbsa, mən onun əleyhinəyəm. Dövlətin, torpağın qədrini bilmək, hər kəs
dövlətin inkişafı naminə əlini bir daşın altına qoymalıdır. Əminəm ki, Türkiyə
bu qovğadan da çıxacaq, çünki Ərdoğanın ətrafında müxalifət də birləşdi, dörd
partiya birdən bəyanat verib çevrilişə qarşı çıxdı. Heç bir xarici qüvvə
Türkiyəni məhvə apara bilməyəcək, çünki Türkiyədə dövlət var, dövlətçilik var,
millət var, qüvvətli enerjisi olan aktiv insanlar var. Həzm edə bilməyən
qüvvələr başa düşməlidirlər ki, Türkiyə dövləti yaşayacaq, inkişaf edəcək”.

 

Zəhra

 




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler