Musavat.az
Musavat.az




Müsavat » Xeberler» Xeber

“Dövlet başçısı müsteqilliyin qiymetini hamıdan çox bilir ve…”

12 Ekim 2016

9:36 pm


13/10/2016 [01:32]: xeber –
sayt oktyabrı Müstəqllik ayı elan edib və 25 yaşlı dövlətimizin qurulmasında xidmətləri olan şəxslərin yubiley təəssüratlarını və düşüncələrini öyrənərək oxuculara təqdim edir.Bu dəfə də istiqlalçı və iqtisadçı millət vəkili Vahid Əhmədovun fikirlərini öyrənmişik:”Bilirsiniz ki, cənab prezident müstəqilliyimizin 25 illiyi münasibətilə sərəncam imzalayıb və bununla bağlı xüsusi tədbirlər planının hazırlanmasını tapşırıb. Ötən əsrin əvvəllərində Cümhuriyyətimizi quranlar onu 23 ay ayaqda saxlaya bildilər, amma biz indi 91-ci ildə əldə etdiyimiz müstəqilliyimizin 25 yaşını qeyd edirik. Dönüb dörddə bir əsrə baxanda bu müstəqilliyin Azərbaycana verdiklərini sadalayası olsaq çox vaxt aparar. Təbii ki, itkilərimiz də az olmayıb və on minlərlə şəhid vermişik, torpaqlarımız şəhidlərimizin qanı ilə suvarılsa da 20 faiz Vətənimiz hələ də düşmən tapdağındadır. Amma müstəqilliyin qan-qada və çoxsaylı itkilər hesabına əldə olunması və saxlanmasının özü də bir tarixi nailiyyət hesab olunmalıdır. Dövlət müstəqilliyimizin ötən 25 ildə dünyada və regionda baş verən keşməkeşli olaylara baxmayaraq qorunub saxlanılmasında iki faktorun həlledici əhəmiyyəti olduğu qənaətindəyəm. Birincisi, 94-cü ilin 20 sentyabrında haqlı olaraq “Əsrin kontraktı” adlandırılan neft müqavilələridir ki, dünyanın bir sıra nüfuzlu dövlətlərinin transmilli neft şirkətləri Azərbaycanla həmrəylik nümayiş etdirərək əslində müstəqilliyimizdə qarant rolu olacaqları barədə öhdəlik götürmüş oldular. Heç tərəddüd etmədən söyləmək olar ki, bu kontrakt məhz həmin vaxt imzalanmasaydı, ola bilsin ki, biz indiki qüdrətli Azərbaycanda yaşamırdıq və müstəqlliyimizin qorunub saxlanılması da sual altında ola bilərdi. Amma nəhəng dövlətlər Azərbaycanla iş birliyinə imza atmaqla eyni zamanda ölkəmizdə stabilliyin və inkişafın davamlı olmasına da zəmanət vermiş oldular. İkinci həlledici faktor kimi mən cənab prezidentin təşəbbüsü ilə imzalanan 40 milyard dollarlıq TANAP və TAP qaz kontraktlarını göstərə bilərəm. Bu da sadəcə iqtisadi müqavilə deyil, əksinə, deyərdim ki, daha çox strateji və siyasi mahiyyət kəsb edən bir anlaşmadır ki, bununla da Azərbaycan təkcə regionda söz sahibi olmaqla kifayətlənmir, eyni zamanda təhlükəsizliyinə və müstəqilliyinə ikiqat beynəlxalq zəmanət almış olur ki, bu da İlham Əliyevin tarixi nailiyiyyəti və müstəqlliyin qorunmasındakı müstəsna xidmətləri kimi xarakterizə edilməlidir. Bu mənada ikinci sövdələşməni də 21-ci “Əsrin kontraktı” adlanıra bilərik. Xatırlayırsınızsa həmin qaz kontraktları imzalanan zaman Azərbaycana qarşı çeşidli təzyiqlər oldu, amma buna baxmayaraq dövlət başçısının peşəkarlıqla bu təhdidləri dəf etməsi nəticəsində ölkəmiz bu cür möhtəşəm uğura imza ataraq Avropanın qaz təchizatında əsas oyunçulardan biri olmağa hazır olduğunu ortaya qoya bildi. Bu yaxınlarda cənab prezidentin müşavirədə Dağlıq Qarabağla bağlı səsləndirdiyi fikirlər də çox önəmli idi və açıq mətnlə ermənipərəst dünyanın Azərbaycana qarşı hansı basqılar etdiyini ifşa etdi. Heç kimə sirr deyil ki, Azərbaycanın müstəqil siyasət yürütməsi çoxlarını rahatsız edir və hər vəchlə bizi təhdid edirlər. Amma dövlət başçısının siyasi iradəsi onların bütün cəhdlərini alt-üst etdi”.Millət vəkilindən istiqlalçı deputatlarla bağlı prezident tərəfindən hər hansı addımın atılacağı barədə gözləntisinin olub-olmaması ilə maraqlandıq. Üstüörtülü şəkildə də olsa dövlət başçısından gözləntilərinin olduğunu gizlətmədi:”İstiqlalçı deputatlar 43 nəfər olub, o cümlədən də rəhmətlik Heydər Əliyev də həmin 43 nəfərdən biri olub. Onlardan 15 nəfəri haqq dünyasına qovuşub və hal-hazırda 28 nəfər qalmışıq. Təbii ki, mən də belə hesab edirəm ki, onların əməyi hansısa formada qiymətləndirilməli və adları müstəqil Azərbaycanımızın tarixinə qızıl hərflərlə yazılmalıdır. Artıq müstəqilliyimizin 25 illiyidir və bu yubileyin möhtəşəm keçirilməsi üçün döpvlət başçısı tapşırıq verib. Ola bilər ki, cənab prezident öz müstəsna səlahiyyətlərindən istifadə edərək bu yubiley günlərində bununla bağlı hansısa qərar versin. Təbii ki, bu onun səlahiyyətində olan bir şeydir və müstəqilliyimizin əsas qarantı olan dövlət başçısı müstəqilliyin qiymətini də hamıdan çox bilir və bu müstəqillikdə az-çox payı, haqqı olanları qiymətləndirmək onun haqqıdır”.    


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler