Musavat.az
Musavat.az




Müsavat » Xeberler» Xeber

Dini radikalizme qarşı mübarizede genclerin rolu

27 Eylül 2016

11:24 am


27/09/2016 [15:22]: xeber –
Media və Mülki Cəmiyyət İctimai Birliyi şimal bölgəsində maarifçilik tədbirlərini davam etdirirMedia və Mülki Cəmiyyət İctimai Birliyinin “Şimal bölgəsində gənclərin dini radikalizm təzahürləri ilə mübarizə yönümündə maarifçilik aksiyalarının təşkili” mövzusunda layihəsi davam edir. Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə baş tutan layihə çərçivəsində Xaçmazda “Dini radikalizmə qarşı mübarizədə gənclərin rolu” mövzusunda dəyirmi masa keçirilib. Bu barədə layihənin rəhbəri, Media və Mülki Cəmiyyət İctimai Birliyinin sədri Xanoğlan Əhmədov məlumat verib.Layihə rəhbəri bildirib ki, dəyirmi masada Xaçmaz RİH-in İctimai-Siyasi və Humanitar şıbəsinin müdir müavini Ceyhun Musayev, Dini Qurumlarla İş Üzrə Dövlət Komitəsi Xaçmaz rayonu üzrə nümayəndəsi Samit Seyidov, gənclər, yerli ilahiyyatçılar, rayonun tanınmış pedaqoqları, müxtəlif dini konfessiya və müvafiq dövlət qurumlarının təmsilçiləri iştirak ediblər.X.Əhmədov tədbirdəki çıxışında layihənin başlıca məqsədinin şimal bölgəsində gənclər arasında dini tolerantlıq, multikultralizm dəyərlərinin təbliği və radikal ekstremizm, dini radikalizmə qarşı mübarizə istiqamətində həyata keçirilən dövlət siyasətinə dəstək verilməsindən ibarət olduğunu bildirib.Məruzəçi dini ekspert Rəsul Mirhəşimli dini radikalizmi cəmiyyətin təməl prinsiplərini sarsıtmağa yönəlmiş ciddi təhlükə adlandırıb. Onun fikrincə, təkcə dini radikallıq deyil, bütün sahələrdə radikal meyllər cəmiyyət üçün ciddi təhlükə doğurur və radikal qrupların meydana gəlməsinin səbəbləri müxtəlifdir: “Bu ayrı-ayrı ölkələrdə ayrı-ayrı səbəblərdən yarana bilər. Dini radikallıq isə dini biliklərin zəifliyindən meydana çıxır. Ayrı-ayrı missioner qruplar müxtəlif yollarla ölkələrə yol tapır, cəmiyyətin ayrı-ayrı təbəqələrini təsir altına salır və siyasi-ideoloji təbliğatlarını yaymağa başlayır”.Məruzəçi qeyd edib ki, dini radikalizmi yalnız islama xas məsələ deyil. Dini radikalizmi və ekstremizmi elementləri xristianlıqda, ən tolerant din olan buddizmin içərisində , hətta yəhudiliyin içərisində də dini radikalizmi var. Ona görə də dini radikalizmə və dini ekstremizmə qarşı mübarizə beynəlxalq xarakterli bir məsələdir. Buna görə də bütün dövlətlərin həmrəy olması vacibdir.Çünki dini radikalizmi və dini ekstremizmi nəticədə terrora gətirib çıxarır. Bu xristian terroru da ola bilər, müsəlman terroru da ola bilər. Terrorun da milliyyəti, dini və cinsi olmur. Ona görə də, burada dövlətlərin əməkdaşlığına böyük ehtiyac var. Digər çıxışçılar da öz çıxışlarında ölkədə dini maarifləndirmə və müxtəlif radikal dini cərəyanların doğurduğu təhlükəyə dair dövlət qurumları ilə birgə tədbirlərin davamlı şəkildə təşkil olunmasının vacibliyindən söz açdılar. Çıxışlarda qeyd olundu ki, bu səpgili tədbirlər cəmiyyətdə mənfi meyllərin qarşını almağa yardımçı ola bilər. Ona görə də, gənclər cəmiyyətdə radikallara qarşı mübarizədə fəal olmalı, cəmiyyətin inkişafına mane olan bütün meyllərin qarşısını almağı özlərinin vətəndaşlıq vəzifəsi bilməlidir.Əlaqə telefonları: 050 323 51 05, 077 323 51 05


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler