Musavat.az
Musavat.az




Müsavat » Xeberler» Xeber

DİN Baş Mühafize İdaresinin Gence Regional Mühafize İdaresi reisinden ŞİKAYƏT…

19 Eylül 2016

5:48 pm


19/09/2016 [21:45]: xeber –
sayt – ın elektron poçtuna aşağıdakı məzmunda şikayət məktubu daxil olub. Məktubda qeyd edilənlərin nə dərəcədə həqiqəti əks etdirdiyini araşdırmaq imkanında deyilik, amma qarşı tərəfə də cavab haqqı tanıdığımızı bəyan edərək daxili işlər naziri, çox hörmətli Ramil Usubova öz adımızdan müraciət edərək bu şikayətin araşdırılması üçün lazımi göstəriş verməsini xahiş edirik.sayt olaraq dəfələrlə hörmətli nazirin saytımızda qaldırılılan bu və ya başqa problemin operativ həlli üçün müvafiq tapşırıqlar verməsinin şahidi olmuşuq. Ümid edirik ki, bu dəfə də istisna olmayacaq və həqiqətin üzə çıxması üçün tədbirlər görüləcək:”Mən 2010-cu il tarixdən Daxili İşlər Nazirliyi Baş Mühafizə İdarəsinin Gəncə Regional Mühafizə İdarəsində kargüzarlıqda operator vəzifəsində işləyirəm.18.03.2016-cı il tarixdə Gəncə Regional Mühafizə İdarəsinin rəisi, polis polkovniki Şəmistan Bayram oğlu Kərimov məni otağına çağırıb sənəd verib onların kserosurətini çıxarıb ona gətirməyi tapşırdı. Mən həmin işi yerinə yetirib sənədlərlə rəisin qəbul otağına gəldim. Hiss etdim ki, rəisin otagında kimsə var, odur ki, qəbul otağında gözlədim. Bir neçə dəqiqədən sonra rəis otağından qəbul otağının qapısını açaraq nalayiq küçə söyüşlərilə məni təhqir etdi. Mən heç nə başa düşmədim, fikirləşdim otaqda olan adama hirslənib. Odur ki, mən öz xidməti iş otağıma gəldim. Ancaq o sakitləşməyib, əksinə, dəhlizə çıxaraq qışqıra-qışqıra yenidən nalayiq küçə söyüşləri ilə məni söyüb təhqir etdi. Bu zaman idarə işçiləri öz iş otağından çıxmışdırlar. Hamı çaşqın halda nə olduğunu anlamağa çalışırıdı. Bu təxminən 15-20 dəqiqə davam etdi.Sonra rəis məni öz xidməti otağına çağırdı. Mən otağa daxil olanda otaqda İdarənin bölük komandiri, polis mayoru Asəf Həsənov da orda idi. Mən içəri girər – girməz rəis məni təhdid etməyə başladı, mənim boğazıma bıçaq soxdurub, ailəmi şəhərdən itirəcəm deyərək təhdid etdi. Mən isə ona öz növbəmdə bildirmişəm ki, Sizə kim icazə verib məni, ailəmi təhqir edirsiniz.Bu hadisə barədə mən 19.03.2016-cı il tarixdə Baş Prokurorluğun 4925540 nömrəli telefonuna xəbər etmişəm.22.04.2016-dan 24.04.2016-cı il tarixlərdə DİN Baş Mühafizə İdarəsindən Gəncə Regional Mühafizə İdarəsinə polis polkovnik leytenantı, Ülvi Əfəndiyev ezam olundu. Bu müddət də bir neçə izahatlar alındı. Amma necə izahat alındısa bu barədə idarə rəisi Şəmistan Kərimov izahat verən əməkdaşlara onların nə yazması barədə bildiyini özlərinə bildirmişdi. (İzahat verənlər Məmmədov Əli Yusif, Məmmədov Rövşən Zahid, Hüseynova Sədaqət).Bu müddətdə özümə, atama, anama, qardaşıma bir neçə yerdən təzyiq və xahiş olunur. Hətta həyat yoldaşım da iş yerinə çağırılıb ona qarşıda minnət olunub. (Qeyd edim ki, həyat yoldaşım analıq məzuniyyətindədir.)DİN Baş Mühafizə İdarəsinin rəis mavini, polis polkovniki Sabir Quliyevin imzası ilə  05.05.2106-cı il tarixli 038-8738-1216 nömrəli məktubla mənə bildirmişlər ki, yuxarıda göstərilən faktlar təsdiqini tapmamışdır.Mən sual verirəm, əgər yalandırsa idarə rəisi, polis polkovniki Şəmistan Kərimov məni öz otağına çağırıb deyir məni bağışla, bir səhvdir etmişəm, gedim sənin qardaşından, valideynlərindən üzr istəyim. Sonra da qeyd edir ki, mənə Baş İdarə nə edəcək, uzağı bir töhmət verəcəklər. Bunların səs yazısı məndədir. Mən bilmək istəyirəm, əgər mən yalan deyirəmsə idarə rəisi nə səbəbə operatordan üzr istəyir. Bundan əlavə bölük komandiri,  polis mayoru Asəf Həsənovunda səs yazısı qeyd olunub.Bundan əlavə DİN Baş Mühafizə İdarəsindən Gəncə Regional Mühafizə İdarəsinə ezam olunmuş polis polkovnik leytenantı Ülvi Əfəndiyev 23.04.2016-cı il tarixdə mənim valideynlərimin yaşadığı Tovuz rayon Düzqırıqlı kəndində olmuş, vaxtilə Gəncə şəhər Baş Polis İdarəsinin İstintaq və təhqiqat idarəsinin rəisi işləmiş İlham Həsənovu (İlham Həsənov mənim həmkəndlimdir) mənim valideynlərimdən xahiş etməsini istəmişlər. Həmçinin həmin gün Baş Mühafizə İdarəsinin əməkdaşı Ülvi Əfəndiyev İlham Həsənovla birlikdə Gəncə Regional Mühafizə İdarəsinə gəlmiş (qeyd edim ki, onlar gələn vaxt iş saatı qurtarmışdı, saat 19:30 radələri idi) məndən ərizəmi geri götürməyimi xahiş etmişdir. Mən isə öz növbəmdə bildirmişəm ki, heç kim vəzifəsindən istifadə edib məni, ailəmi təhqir edə bilməz. İdarə rəisi cəzasını çəkməlidir. Baş Mühafizə İdarəsinin bir əməkdaşı Tovuz rayon Çeşməli kəndindən olan (qardaşımın deməsinə görə) Bakı şəhərində yaşayan, qardaşım Musayev Gərayla görüşüb ərizəmin geri götürülməsini xahiş etmişdir. Baş Mühafizə İdarəsində işləyən başqa bir neçə əməkdaş məndən ərizəmi geri götürməyimi xahiş etmişdir.  Mən sual verirəm, bu adamların nə maddi, mənəvi marağı var ki, xahiş, minnət elçiliyi edirlər? Demək onda mənim hüquqlarım maddi maraqla satın alınıb əsassız sayılır.Bu həmin Şəmistan Kərimovdur ki, 2013-cü ildən Gəncə Regional Mühafizə İdarəsinə rəis təyin olunduğundan şəxsən mən və digər əməkdaşlar əmək məzuniyyətindən 15-gündən artıq istifadə etməyə icazə vermir. Həmçinin bayram günlərində rəsmi iş günü olmadığı halda işə cəlb olunuruq, həftəlik beşgün iş günü olduğu halda həftənin altı günü xidmətə cəlb olunuruq və bizə buna görə heç bir ödəniş olunmur. İdarə rəisi tərəfindən iki nəfər – Oocayev Eyvaz Əli oğlu, Niyazov Mayıl İslam oğlu işə qəbul edilib, lakin işə çıxmırlar, ancaq məvaciblərini evlərində otura otura alırlar. İdarə rəisi tərəfindən idarə əməkdaşları 2013-2014-2015-ci illərdə 10-15 gündən artıq məzuniyyətə buraxılmır, bu barədə İdarənin kadr və peşə hazırlığı üzrə baş inspektoru polis kapitanı Sədaqət Hüseynovaya göstəriş verib ki, polis əməkdaşlarının və mülki işçilərin məzuniyyət raportlarını dəyişib 30-günlük etsin. Raport və ərizələrin bir neçəsinin məndə əslinin kserosurəti var.Yəni 10-12 günlük. Həmçinin polis və mülki işçilər adları məzuniyyətdə ola ola xidmət cəlb ediliblər.Lakin bu günədək DİN Baş Mühafizə İdarəsinin rəis müavini, polis polkovniki  Sabir Quliyev 05.05.21016-cı il 038-8738-1216,21.05.2016 cı il tarixli 038-21868/M-3216 və 29.06.2016-cı il tarixli 038 21868/4M-3216 nömrəli məktubla mənim şikayətimin təsdiqini tapmaması barədə bildirmişdir.Mən Sizə yuxarıda göstərdiyim faktları təsdiq edən sənədlərin kserosurətlərini təqdim edə bilərəm.DİN Baş Mühafizə İdarəsinin keçmiş rəis müavini, polis polkovniki  Sabir Quliyev 29.06.2016-cı il tarixli 038 21868/4M-3216 məktubunda bildirmişdir ki, məzuniyyətdən tam istifadə edirik, əmrin surəti (hətta 2014-cü ildə eyni əmrdən iki versiya üzrə verilib), bayram günlərində və şənbə günlərində xidmətdə olmağımız barədə davamiyyət jurnalınından bir neçə ksero surətlər, həmçinin nəzərə alın 2013-cü ilin aprel aından müqavilə sasında işləyən, lakin işə çıxmayan Oocayev Eyvaz Əli oğlunun adı belə davamiyyət jurnalında yoxdu, polis polkovniki  Sabir Quliyev hətta məktubunda bildirmişdir ki, mən “İanə” fondu komissiyasının mən üzvüyəm. (Əmrin surətini göndərirəm). DİN Baş Mühafizə İdarəsinin rəis müavini, polis polkovniki  Sabir Quliyev hansı əsalarla mənim vətəndaş hüquqlrımı tapdalayır? Mən Gəncə Regional Mühafizə İdarəsində İdarə rəisi, polis polkovniki Şəmistan Bayram oğlu Kərimovun öz səsilə məni təhqir etməsi barədə səs yazısını şəxsən təqdim etmək istəryirəm. Hətta araşdırmada izahatı olan idarənin ştat üzrə yardımçı fəhləsi Məmmədov Rövşən Zahid oğlu Gəncə Regional Mühafizə İdarəsin rəisi, polis polkovniki Şəmistan  Kərimov tərəfindən 02.05.2016-cl il tarixli 207 nömrəli məktubla DİN Baş Mühafizə İdarəsinə müraciət edib ştatı ləğv etdirmişdir.  Bu Nazirlikdə bir nəfər niyə sual vermirki idarədə adı yazılıb özləri işə gəlməyən, üç nəfər müqavilə ilə işləyərkən hansı səbəbə ştat ləğv olunur. Məncə hər şeyin qərəzli olmağı gün kimi açıqıdır.Sizə bir daha vətəndaş olaraq müraciət edirəm! Bu haqsızlığa qarşı biganə qalmayasınız.Çünki artıq altı aydır mənim yoldaşım, uşaqlarım qorxu içində yaşayır. Bu günədək bir neçə dövlət qurumlarına müraciət etməyimə baxmayaraq  heç bir dövlət qurumu tərəfindən tədbir görülməyib. Hətta İdarə rəisi, polis polkovniki Şəmistan Bayram oğlu Kərimov mənim işdən azad olmağıma az vaxt qaldığını belə bildirmişdir.Mənim iki övladım var. Yoldaşım analıq məzuniyyətindədir. Tək bir mən işləyirəm. Sizdən soruşuram, vətəndaşı təhqir etmək, çörəkləri ilə oynamaq bu qədərmi asandır? Bu özbaşınalığa əminəm ki, son veriləcəkdir”.


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler