Musavat.az
Musavat.az




Müsavat » Xeberler» Xeber

Deputat ölüm hökmünün berpasını isteyir – Edam cezası Azerbaycana da gele biler?

04 Kasım 2016

12:36 pm


04/11/2016 [16:35]: xeber –
Türkiyədə 15 iyul dövlət çevrilişi cəhdindən sonra qonşu ölkədə 1984-cü ildə ləğv olunan edam cəzasının bərpa edilməsi məsələsi müzakirəyə çıxarılıb.Artıq hakim Ədalət və İnkişaf Partiyası edam cəzası ilə bağlı parlamentə təkliflər paketi göndərməyə hazırlaşır. Qanun qəbul olunarsa, dövlət çevrilişi cəhdi edənlər, terror cinayətləri törədənlər və uşaqlara qarşı cinsi istismar tətbiq edənlər edam olunacaq. İki gün əvvəl isə Böyük Britaniyada da edam cəzasının bərpası məsələsi gündəmə gətirilib. Belə ki, Müstəqillik Partiyasının liderliyinə namizəd Paul Nuttall uşaq qatillərinin və təcavüzkarlarının edam edilməsini təklif edir. O, bu məsələnin tezliklə referendum çıxarılmalı olduğunu deyib. Ətraflı aşağıdakı linkdən oxuya bilərsiniz:  İngiltərədə edam cəzası bərpa oluna bilər – İmmiqrant əleyhdarından referendum təklifiBəs Azərbaycanda ölüm hökmü yenidən qüvvəyə minə bilərmi?sayt xəbər verir ki, BakiPost mövzu ilə bağlı siyasətçilərin fikirlərini öyrənib.Milli Məclisin Müdafiə, təhlükəsizlik və korrupsiya ilə mübarizə komitəsi sədrinin müavini Aydın Mirzəzadə ölüm cəzasının olmamasını özünü doğrultmuş praktika hesab edir. Onun sözlərinə görə, ömürlük həbs cəzası ən ağır işgəncədir: “Öldürülən insanın şüuru dayanır və artıq heç nə hiss etmir. Amma etdiyi əmələ görə bütün ömrü boyu 4 divar arasında ağır psixoloji cəza çəkmək cinayətkara verilən ən böyük cəza olur. Ayrı-ayrı ölkələrdə vaxtaşırı bu mövzu müzakirəyə çıxarılır, amma yenə də cəmiyyət ömürlük həbs cəzasının ən ağır cəza olduğu qənaətindədir.Digər tərəfdən də əlbəttə cəmiyyətdə aparılan profilaktik işlər, həmçinin ağır hadisələrin qarşısının alınmasına yönəlmiş fəaliyyət ölüm cəzasının tətbiq edilməsi hallarının azalmasına, bəzən isə tamamilə olmamasına gətirib çıxarır”.Deputatın fikrincə, ölüm cəzasının mövcudluğu cinayətlərin sayının azalmasına təsir göstərən amil deyil: “Tarixən hər zaman edam hökmü olub. Amma bu, cinayətlərin sayının azalmasına səbəb olmayıb. Çünki cinayətin törədilməsinə səbəb olan obyektiv hallar olur. Həmin səbəbləri aradan qaldırmaq lazımdır”.Milli Məclisin digər deputatı Aqil Abbas da edam hökmünün cinayətlərin sayına təsir göstərməməsi məsələsində həmkarı A. Mirzəzadə ilə həmfikirdir. Lakin A.Abbas ölüm cəzasının olmasının tərəfdarıdır: “Azərbaycanda ölüm hökmü 1998-ci il fevralın 10-da mərhum prezident Heydər Əliyevin sərəncamı ilə ləğv olunub. Ona görə onun yenidən bərpası mümkünsüzdür. Gündəmə gələ bilər, kimlərsə deyə bilər ki, olsun. Amma dövlət heç vaxt bu cəzanı Azərbaycanda tətbiq eləməz. Bunu əminliklə deyirəm.Amma mənim fikrimcə, elə cinayətlər var ki, onun cəzası adekvat olmalıdır. Mən yazıçıyam, humanist adamam, lakin bununla belə düşünürəm ki, elə cinayətkarlar var ki, onların cəzası edam olmalıdır. Amma bu o demək deyil ki, edam cəzası bərpa olunsa, ölkədə cinayətlərin sayı azalacaq. Edam hökmü Çində, İranda, ərəb ölkələrində mövcuddur. SSRİ-də də, Azərbaycanda da var idi, lakin bu cəzanın mövcudluğu həmin cinayətlərin azalmasına heç bir təsir göstərmirdi”. Müsavat Partiyasının Divan üzvü Nemət Kərimli isə düşünür ki, insanı həyatdan məhrum etmək düzgün deyil: “Hər zaman edam məsələsi müzakirə olunanda deyirlər ki, əgər insan azad doğulub yaşayırsa, onun dövlət tərəfindən canından məhrum edilməsi düzgün deyil. Kimsə adam öldürürsə bu cinayətdir, o adamı öldürmək isə cinayət hesab edilmir? Bu baxımdan mən hesab edirəm ki, insanı həyatdan məhrum etmək olmaz. Mən insanlara edam cəzası verilməsinin, güllələnməsinin tərəfdarı deyiləm. Ömürlük cəza daha yaxşıdır. Digər tərəfdən də başa düşülməlidir ki, əgər cəza ömürlükdürsə, o daha çox mənəvi işgəncə çəkir. Edam və ya güllələnmədə isə bir neçə saniyəlik əzab çəkəcək və canı qurtaracaq. Edam cəzasıyla o cinayətkara yaxşılıq etmiş olurlar. Çünki hamı əvvəl-axır öləcək, 5 gün tez və ya 5 gün gec. Həbsxana daha ağır işgəncədir. Mən edamın əleyhinəyəm”.


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler