Musavat.az
Musavat.az




Müsavat » Xeberler» Xeber

Dede Şemşirin müasiri olmaq bele xoşbextlikdir…

22 Eylül 2016

7:16 pm


22/09/2016 [23:12]: xeber –
Arif Süleyman oğlu Fərzəliyev 1958-ci ildə Ağdərə rayonunun 70 kilometr qərbində Pir dağının, Aydoğan dağının əhatəsində Taxtabaşı düzündə Narınclar kəndində doğulub. Bu dağlar o dağlardı ki, zirvəsinə qalxanda Kəlbəcərlə, Murovla üz-üzə qalırdın, Tərtərin qıvrıla-qıvrıla Sərsəng su anbarına qovuşmağa tələsdiyinin şahidi olurdun.O, Ağdam şəhər 3 saylı orta məktəbində təhsil alıb, Çingiz İldırım adına Azərbaycan Politexnik İnstitutunu bitirib.“Kirovneft” NQÇİ-də çilingər, Ağdərə Rayon Rabitə Şöbəsində, SSRİ Rabitə Nazirliyinin  TUSM-3-də müxtəlif vəzifələrdə çalışıb, “Aztelekom” İB-də baş mühəndisin müavini, magistral radio-rele xətləri qovşağının rəisi, Teleradio İB-də mühəndis, baş mühəndis, “ULTEL” LTD-də mühəndis, “Komstar” MMC-də texniki direktor, “Aztelekom” İB KMTQ-də rəis müavini vəzifələrində işləyib.Arif Fərzəliyev hazırda Teleradio İB Mərkəzi Radioteleviziya yayım filialının rəisidir.Bilmirəm Kəlbəcərin suyundanmı, havasındanmıdır insanların şirinliyi, mehribanlığı, simsarlığı… Görünür, o dağların qoynunda doğulanlar, o göylərin təmizliyinə, o çiçəklərin saflığına, saflıqla yoğrulu duyğular daşıyıcısıdır.Kəlbəcərdə doğulan Arif Fərzəliyevdə də kəlbəcərlilərə xas el-oba təəssübkeşliyi, dərdçəkərlik, başqasının halına yanmaq, dərdinə, əzabına şərik çıxmaq hissi, duyğusu güclüdür.“Ötən bu illər ərzində bircə günüm belə Kəlbəcərsiz olmayıb” deyən Arif müəllimin keçirdiyi hislər, duyğular mənə də doğmadır. Çünki Kəlbəcər hər bir kəlbəcərlinin qəlbində gəzdirdiyi nisgildir, ağrıdır.– Uşaqlıq illərindən aşıq yaradıcılığının vurğunu olmuşam. Bəlkə, dünyanın ən xoşbəxt anlarını sazda səslənən o əzəmətli, şirin, əsrarəngiz xallarında da axtarmışam, tapmışam. Bilirsiniz, heç bir musiqi alətində sazdakı qədər əzəmət, ruh, coşqu yoxdur. Xüsusən ustad sənətkar Dədə Şəmşirin əllərində saz bir başqa möcüzə idi. Çünki Dədə Şəmşir o nağıllarda, dastanlarda eşitdiyimiz haqq aşığı idi. Dədə Şəmşir, bəlkə də, Kəlbəcərin xoşbəxtliyi idi. Çünki uşaqdan böyüyə hamının sevgisini qazanmaq, dilinin əzbəri olmaq xoşbəxtliyi az-az adama nəsib olur. Aşıq şeirinin bütün formalarında bənzərsiz sənət nümunələri, inciləri yaradan Aşıq Şəmşir fitri istedad sahibi olduğunu zəngin yaradıcılığı ilə sübut etdi.Üstəlik bu ailə ilə qohumluq əlaqələrim Dədə Şəmşir ocağına olan bağlılığımı, sevgimi daha da artırdı. Qəribədir, Aşıq Şəmşir irsinə yaxından bələd olduqca o böyük sənətkar sənin gözündə ucalmaqla yanaşı, özün də saflaşırsan, ucalırsan. Dədə Şəmşir yaradıcılığı hər kəsin yolu üstündə sanki bir kompasdır. Burada böyüyə, kiçiyə, ata-anaya hörmət, ehtiramdan tutmuş vətənə sədaqət, sevgi hisləri tərənnüm edilir, mərdlik, cəsurluq, kişilik qabarıq verilir. Əslində, Dədə Şəmşir şeiri bir tərbiyə məktəbidir.Şəxsi həyatı ilə ədəb-ərkan nümunəsi olan Dədə Şəmşirin ocağının odunu özündən sonra ləyaqətli övladları qoruyub, ucaldıb.Qənbər müəllim təkcə Kəlbəcərin yox, bütövlükdə respublikamızın ən sayılıb-seçilən nüfuzlu şəxsiyyətlərindən biridir. Onun hələ gənclik illərindən atasına olan böyük ehtiramı, sevgisi dillər əzbəridir. O, ictimai fəaliyyəti yaradıcılığı ilə də sübut etdi ki, bu ocağın layiqli övladıdır.Böyük kişilər, parlaq şəxsiyyətlər hər xalqın bəxtinə yazılmır. Bir elin-obanın tərcümeyi-halı, simvolu olmaq xoşbəxtliyinə haqq etmiş Dədə Şəmşirin müasiri olmaq, onu görmək, dinləmək xoşbəxtliyi də bizlərə nəsib olub. Bu da bir tale payıdır.Bu gün Dədə Şəmşirin sözü, sazı dünənkindən daha çox bizə lazımdır. Çünki torpaqlarımız işğal altındadır, bizim rahat olmağa, seyrçi mövqe tutmağa haqqımız yoxdur. Bunu Dədə Şəmşirin ruhu da deyir.Cəmilə Çiçək,Prezident təqaüdçüsüCəmilə Çiçək (İsbəndiyarova). Sazımız ağlayır dağlar başında. Bakı, “Azərnəşr”, 2014, 624 s.


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler