Musavat.az
Musavat.az




Müsavat » Xeberler» Xeber

DAK İran prezidentine mektub ünvanlayacaq …

29 Haziran 2016

4:04 pm


29/06/2016 [20:03]: xeber –
DAK mətbuat
xidmətindən sayt-a daxil olan məlumata görə, bu gün Dünya Azərbaycanlıları
Konqresinin növbəti konfransı keçirilib. İctimai- siyasi
qurumların və müxtəlif araşdırma mərkəzləri məsullarının, aydınların iştirak
etdiyi konfrans DAK –ın qərargahında gerçəkləşib. “Güney Azərbaycanda milli
haqlar uğrunda mübarizə- son durum” mövzusuna həsr olunmuş tədbiri giriş sözü
ilə DAK həmsədri Sabir Rüstəmxanlı açıb. İstanbulda məlum terror hadisəsi
qurbanlarının xatirəsinin sayğı duruşu ilə yad edilməsindən sonra Sabir Rüstəmxanlı
mövzu ətrafında geniş məruzə edib. Hazırkı İranda siyasi vəziyyətin çalarlarını
şərh edən natiq bu konteksdə Güney Azərbaycan milli azadlıq hərakatının istiqamət
məcrasından və inkişaf təzahürlərindən bəhs edib. “ Güney Azərbaycan milli hərəkatının
güclənməsi Güney Azərbaycanla birgə İranda bütün türklərin öz kimlikləri və
milli-mədəni haqlarının tələb və müdafiəsini də artırmışdır. İstər prezident
seçkilərində, istərsə də milli məclis seçkilərində Güney Azərbaycan toplumunun
bütün tələblərinin mərkəzində milli-mədəni və iqtisadi məsələlər dayanmışdı. Bu
o dərəcədə açıq və ardıcıl olub ki, İranın daxili siyasətində yeni dövrün
yaranmasına gətirib çıxarıb. Artıq, yerli məsullar o cümlədən Milli Məclis
deputatları, İslami Şura nümayəndələri, hətta ali dini liderin səlahiyyətli
nümayəndələri belə Tehranın qulluqçusu kimi davranmayaraq mübariz millətin tələbləri
istiqamətində ciddi atdımlar atmağa başlayıblar. Məhz bu səbəblərdən İranda
yeni siyasət dövrünün başlanması faktını qəbullanmaq mümkündür.

Mühüm
dəyişikliklərdən biri də odur ki, Tehranda müəyyən dairələrdən dəstək alan kürd
terrorizmi seçkilərdə ağır məğlubiyyətə uğradı.” Çıxışında son
dəyişiklikləri bütün detallarına qədər incələyən DAK həmsədri həmçinin Urmiya-Kərkük-Diyabəkir
üçbucaq strategiyasını izləyən kürdlərin seçkilərdə ağır məğlubiyyətə
uğramasının əsas səbəblərindən , Güney Azərbaycanlı türk millət vəkillərinin qələbəsindən
və İran parlament tarixində bir ilk olan “Türk Millət Vəkilləri Fraksiyası” nın
yaradılmasından danışdı və bütün bu faktlar arasındakı əlaqələrin inkişaf
yönümünü izah etdi. DAK həmsədrinin Güney Azərbaycan milli azadlıq hərakatının
son durumu haqda geniş bilgiləndirməsindən sonra başlayan müzakirələr fonunda
bir çox natiqlər də öz fikirlərini bildirdilər. Çıxış edənlərdən milli
aydınımız professor Firudun Ağasıoğlu , DAK İdarə Heyətinin üzvü Adil Minbaşı ,
DAK – ın Güney Azərbaycan təmsilçisi Babək Muğanlı , araşdırmaçı alim professor
Qafar Çaxmaqlı, DAK –ın Mədəniyyət Müşaviri Xəzər Emin məsələyə münasibət
bildirərək müəyyən təkliflər verdilər.

Ümid
Partiyasının Güney Azərbaycan Şöbəsi üzrə müavini Rüfət Muradlı da müzakirəyə
qatılaraq öz baxışlarını açıqladı . O, İranın daxilində
açıq siyasi mübarizənin mümkün olmadığı indiki məqamda xaricdə fəaliyyət göstərən
Güney Azərbaycan mühacir təşkilatlarının əlaqələndirilmiş fəaliyyətinin
vacibliyini vurğuladı və bu yöndə mövcud boşluqların necə doldurulması
metodlarını göstərdi. Sonda DAKSAM sədri Yasəmən Qaraqoyunlu da mövzu ətrafında
məruzə etdi. O, izlənilən müəyyən inkişafla yanaşı həm də axsayan cəhətlərdən və
onları doğuran səbəblərin aradan qaldırılması yollarından danışdı. Güney Azərbaycan
milli hərakatının rejimə qarşı bütün müstəvilərdə əks hərəkətə keçməsinin gərəkliyinini
bildirən Yasəmən Qaraqoyunlu hərakatı parçalaya biləcək din amilini ortadan
qaldırmaq üçün “şiəlik” faktoruna yeni elmi və milli yanaşmanın labüdlüyünü dilə
gətirdi. Bu yöndə optimal yol göstərən natiq, həmçinin müzakirə boyu səsləndirilən
bütün fikirlərin və təkliflərin dəyərləndirilməsini uyararaq Azərbaycan
Respublikası hökümətinə DAK adından müraciətin ünvanlanmasını zəruri saydı.
Konfrans tədbir iştirakçılarının İran prezidentinə Güney Azərbaycanda mədəni
haqlar və ana dili tələbini ifadə edən müraciətin qəbul edilməsi qərarıyla başa
çatdı.

 




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler