Musavat.az
Musavat.az




Müsavat » Xeberler» Xeber

Dağüstü parkda Nuru Paşaya heykel ucaldılsın- Teklif

16 Eylül 2016

3:52 pm


16/09/2016 [19:48]: xeber –
Dünən bütün dünya azərbaycanlıları üçün olduqca önəmli bir gün idi. Tariximizə həm qanla, həm də qızılı hərflərlə yazılmış bir gün idi. Söhbət 1918-ci ilin 15 sentyabrında Bakının erməni-daşnak qüvvələri və digər yadelli işğalçılarrdan azad  edilməsindən gedir. General Nuru Paşanın komandanlığı altında hərəkət edən şanlı bir ordu – Qafqaz Türk-İslam Ordusunun şücaəti və fədakarlığı sayəsində Azərbaycan türkləri yenidən Bakıya sahiblənmək imkanı əldə etdi, millət öz paytaxtına qovuşdu. Bu, sıradan bir hadisə, üstündən tələm-tələsik ötüb keçiləsi tarix fraqmenti deyil. Burda söhbət hər hansı bir şəhərin, hər hansı bir coğrafi ərazinin düşmən tapdağından qurtarılmasından getmir. Söhbət paytaxtın azadlığından gedir. Bu bir şərəf məsələsidir. Milli qürur və ləyaqət məsələsidir. Dövləti olmayan millət bədbəxt millətdir. Dövləti olub, paytaxtı olmayan millət isə yarımçıq millətdir, şikəst millətdir. Həmin dövrdə dünyada dövlətsiz və paytaxtsız millətlər çox idi. Elə indinin özündə də belə xalqlar, millətlər az deyil. Azərbaycan xalqı isə  1918-ci ilin yaz-yay aylarında yenicə dövlət qursa da, lakin  Bakı əvvəlcə bolşevik rusların, daşnak ermənilərin hökmranlıq etdiyi Xalq Komissarları Soveti tərəfindən, sonra da ingilislərin qurduğu “Sentrokaspi” adında oyuncaq bir hökumət tərəfindən qəsb edildiyi üçün biz paytaxtsız qalmışdıq. Amma Qafqaz İslam Ordusunun düşmənə qarşı apardığı qətiyyətli  döyüşlər nəticəsində Azərbaycan Demokratik Respublikası (ADR) özünün paytaxtsızlığına son qoya bildi. Sentyabrın 14-ü və 15-i tarixlərində Bakı və Bakı ətrafında gedən döyüşlərdə 1000-dən çox türk əsgəri, 5 min nəfərə yaxın  Azərbaycan könüllüləri, mücahidləri şəhid oldular. Onlar paytaxtımızı , paytaxtımızın azadlığını qanla əldə etdilər, qazandılar. Bu qan həm də  üçrəngli Bayrağımızdaki qırmızı rəngin mənəvi təsdiqi idi. Bakının işğaldan azad edilməsi tariximizin ən qürurverici səhifələrindən biridir. Və bu gün də bizim Bakını erməni-rus-ingilis qəsbkarlarından azad etmiş o əsgərlərin, o mücahidlərin və o şəhidlərin ruhu qarşısında bir vəfa borcumuz var. Biz onları unutmamalıyıq və unutdurmamalıyıq. Biz onları hər gün xatırlamalıyıq. Çünki yenə deyirəm, söhbət bir millətin paytaxtının işğaldan azad edilməsindən gedir. Bu elə-belə məsələ deyil. Onlar bizim şərəfimizi, heysiyyətimizi qurtarıblar. Və bu gün də Bakının bizim paytaxtımız olmasında, bu gün bu şəhərin küçələrində rahat-rahat gəzməyimizdə, bu şəhərin evlərində hüzur içində yaşamağımızda onların hər birinin danılmaz xidmətləri var. Ona görə də indiki azərbaycanlılar o xilaskarlarımızı hər gün xatırlamalı , onların ruhuna dualar oxumalıdılar. Valideynlər başda Nuru Paşa olmaqla Bakı uğrunda döyüşmüş, canını fəda etmiş hər bir əsgəri və könüllü mücahidi öz övladlarına, nəvələrinə adbaad tanıtmalıdılar. Və uşaqdan tutmuş böyüyə qədər hər kəs onları ansın deyə, hesab edirəm ki, paytaxtımızın ən önəmli yerlərindən birində – Dağüstü Parkda həm Nuru Paşaya, həm də həmin gün Bakının işğaldan azad edilməsində iştirak etmiş bütün şəxslərə abidə ucaldılmalıdır. Bu bizim mənəvi borcumuz olmaqla yanaşı, bu işin həm də siyasi və dövlətçilik yönümü də var. Əgər biz nurçuluq, gülənçilik kimi zərərli ideologiyaların həm Azərbaycanda, həm də Türkiyədə meydan sulamasının qarşısını almaq istəyiriksə və FETÖ-çulara qarşı mübarizə aparırıqsa, o zaman vətənpərvərliyi, milli ruhu, milli düşüncəni önə çəkməliyik. Ekstremist dini hərakatların qarşısını yalnız və yalnız milli ideyaların, milli dəyərlərin təbliğ edilməsi ilə önləmək, əngəlləmək mümkündür. Bakının işğaldan azad edilməsində çiyin-çiyinə verərək birgə döyüşmüş, canından keçmiş Türkiyə qazilərinə və Azərbaycan könüllülərinə abidə ucaldılması da FETÖ-çuluğa ən böyük zərbə olardı. Dünən partiyamızın mərkəzi ofisində DADP-çi gənclərin (Demokratik Azərbaycan Dünyası Partiyasının gənc üzvlərinin) Bakının işğaldan azad edilməsi münasibətilə təşkil etdikləri Anım tədbirində gedən müzakirələr, səslənən fikirlər də bir daha məlum bir həqiqəti təsdiqlədi ki, FETÖ-çuluğa qarşı mübarizə Azərbaycan üçün prinsipial məsələdir və bu mübarizədə hər bir vətəndaş dövlətimizin yanında olmalı, öz dəstəyini əsirgəməməlidir. Biz də bu mübarizədə Demokratik Azərbaycan Dünyası Partiyası (DADP) olaraq Azərbaycan dövlətinin yanındayıq və gənclərimizi yad ideologiyaların, radikal dini meyllərin mənfi təsirlərindən qorumaq üçün dövlət qurumlarımıza hər cürə dəstək verməyə hazırıq. Əlisahib Hüseynov Demokratik Azərbaycan Dünyası Partiyasının (DADP) sədri


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler