Musavat.az
Musavat.az




Müsavat » Xeberler» Xeber

DADP sedrinden Ramazan Bayramı tebriki…

06 Temmuz 2016

2:16 pm


06/07/2016 [18:12]: xeber –
BAYRAMIN MÜBARƏK OLSUN, ƏZİZ MİLLƏTİM!Düz bir ay idi ki, Azərbaycanımız ruhani, nurani bir ab-havaya köklənmişdi. Hər gün mübarək Ramazan ayının özəlliklərini, gözəlliklərini , hiss və həyacanlarını, sürpriz anlarını yaşayırdıq. Və bu ayın bu qədər tez bitə biləcəyini isə qətiyyən düşünmürdük. Sanki bu ayın bir Əbədiyyət qədər uzun sürəcəyi və heç vaxt bitməyəcəyi düşüncəsi vardı içimizdə…Amma bitdi. Çünki bizim düşüncələrimiz, istəklərimiz bir ayrı, İlahinin biz bəndələri üçün yazısı-pozusu isə tamamilə ayrı bir şeydir. Hər bir işdə olduğu kimi Ramazan ayının necə başlayıb nə vaxt bitməsində də bir ilahi düzən, bir iman fəlsəfəsi var…Uca Yaradanımız bu 29 günü bizə bir an kimi yaşatdı. Bu bizimçün sanki ilahi test idi. On bir ay ərzində vərdiş etdiyimiz, öyrəşdiyimiz yaşam tərzi, iş qrafiki, yuxu rejimi birdən-birə bir kənara qoyuldu və tamamilə fərqli bir qrafiklə yaşamağa başladıq. Çünki İlahinin əmri belə idi. Və buna alternativ həyat da demək olardı. Həmçinin, bu, başlama və bitmə müddəti 29 günə sığan, sığışan ilahi bir imtahan idi bizimçün.İmtahan edildik, sınaqlara çəkildik, Allah tərəfindən sınandıq.Nəyimizlə?Hər şeyimizlə!Rəbbimiz hər şeydən öncə bizim səbrimizi sınmağa başladı…Sonra dözümümüzü sınadı… İradəmizi sınadı… Qətiyyətimizi sınadı… Xarakterimizi imtahana çəkdi… İçimizin, ruhumuzun qarasını-ağını yoxladdı…Və ən nəhayətdə isə, sevgimizlə test edildik. Rəbbimiz oruclu halımızla hər gün sevgimizi yoxladı, içimizdəki sevginin gündəlik həyatımıza, əməllərimizə, insanlarla münasibətimizə yansıyıb- yansımadığını bilmək istədi. Sevgimizi və imkanlarımızı özgələri ilə nə dərəcədə paylaşmağa hazır olduğumuzu, həvəs göstərdiyimizi görmək istədi. Qəlbimizi kindən, nifrətdən uzaq tutub, onun yerinə sevgini qoymağa qərarlı olduğumuzu yoxlamaq istədi. Millətin hər bir fərdinə sevgi ilə, qayğı ilə yanaşmağa, heç bir şəxsə qarşı aqressivlik göstərməməyə israrlı olub-olmadığımızı yəqinləşdirmək istədi…Mən özüm də şəxsən dəfələrlə bütün bu sevgi yoxlanışlarını, iradə və qətiyyətlilik testlərini öz üzərimdə hiss etmişəm. Və bu ay ərzində də Allahu-Təala heç gözlənmədik anlarda mənim qarşıma elə insanları çıxartdı və elə situasiyalarla üzləşdirdi ki, həmin anlarda mənim o insanlara qarşı aqressiv davranmamağım, hər kəsi və hər bir olayı təbəssümlə qarşılamağım da məhz mənim yoxlanışım idi. Allah məni bu yöndən yoxlayırdı.Əminəm ki, eynən mənim kimi oruc tutan digər insanlar da bütünüylə İlahinin sevgi yoxlanışında, imtahanında idilər. Və ümid edirəm hər kəs bu imtahandan ləyaqətlə, alnıaçıq, üzüağ keçməyi bacardı. Çünki mən bu bir ay ərzində paytaxtımızın sakinlərində tamam başqa bir abu-hava müşahidə elədim. İnsanlarımızın üzlərində, gözlərində nur gördüm. Hamı bir-birinə qarşı mehriban idi, həssas idi, şəfqətli idi. İnsanlarımız on bir ayın sultanı sayılan Ramazan ayının rənginə, ruhuna, havasına, fəlsəfəsinə birəbir köklənmişdilər, uyğunlaşmışdılar.Eyni ruh, eyni ab-hava bölgələrimizin insanlarında da hiss olunurdu. Hətta, mən deyərdim ki, bölgə insanında Orucluğun hissi, həyacanı daha güclü idi. Yəni, bütövlükdə Azərbaycan əhalisi kəndlisiylə-şəhərlisiylə, qocasıyla-cavanıyla sözün tam mənasında təpədən dırnağa kimi sevgi toplumuna, mərhəmət və şəfqət ünvanına çevrilmişdi. Hər yerdə, hər evdə, hər kəsdə birlik-bərabərlik hissi, əlində-ovcunda olanı başqalarıyla paylaşmaq niyyəti, yardımlaşma ruhu hökm sürürdü, sezilirdi.Mən ümid edirəm ki, bu ruh, bu sevgi təkcə bu ayın çərçivələrinə qapanıb qalmayacaq. Bu ayın sevgisindən, işığından, müsbət enerjisindən qarşıdaki aylara da pay düşəcək. İnsanlarımız ilin bütün aylarında toplumsal sevgi mühitində, birlik və bərabərlik əhval-ruhiyyəsi ilə yaşayacaqlar. Bəli, bu, məhz belə də olmalıdır. Bu ab-havanı bütün il boyu qoruyub saxlamaq lazımdır. Biz bunu bacarmalıyıq! Çünki bu millətin hal-hazırda ən çox ehtiyac duyduğu hiss məhz sevgidir. Millətimizin bütün fərdlərini bir-birinə bağlayan əsas cəhət məhz sevgi olmalıdır. Vətənə sevgi, Bayrağa sevgi və Dövlətə sayğı sonunda da gəlib məhz İnsana sevgidə tamamlanmalıdır. Bu millətin insanlarında bir-birilərinə qarşı kin, nifrət, aqressivlik yox, məhz sevgi və sayğı hissi üstünlük təşkil etməlidir. Bu millətin insanları bütün problemlərini məhz qarşılıqlı hörmət və xoşgörü əsasında həll etməli, bir-biriləriylə dil tapmalıdılar. Bu millət düşmən tapdağı altında olan Qarabağımızı da məhz ümummilli sevgi, qardaşlıq, birlik hisslərinə söykənərək azad edəcək. Odur ki, Ramazan ayının mənəvi çeşməsindən başlanğıc alan, vüsət tapan bu sevgi atmosferini bütün il boyunca qoruyub saxlamaq hər birimizin boynunun boorcudur.Mən fürsətdən istifadə edib dünyadaki bütün azərbaycanlıları və ümumən, bütün Türk Dünyasını bu müqəddəs və şərafətli Ramazan bayramı münasibətilə həm öz adımdan, həm də Demokratik Azərbaycan Dünyası Partiyasının (DADP) üzvləri adından təbrik edirəm.Bayramınız mübarək olsun, əziz soydaşlarım, dəyərli dindaşlarım !Əlisahib HüseynovDemokratik Azərbaycan Dünyası Partiyasının (DADP) sədri




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler