Musavat.az
Musavat.az




Müsavat » Xeberler» Xeber

“Dadaş Rzayev gözünün içine qeder yalan danışır”

20 Haziran 2016

9:48 pm


21/06/2016 [01:46]: xeber –
Klassik Xalq Cəbhəsi Partiyasının sədri, Gəncə hadisələri ilə bağlı yaradılmış deputat istintaq komissiyasının ən fəal üzvlərindən olmuş Mirmahmud Mirəlioğlu da Aslan İsmayılovun müsahibəsində onunla bağlı səsləndirdiyi fikirlərlə, yəni həmin olaylarla bağlı çox şey bilsə də az danışması haqqında ittihamı ilə razılaşmadığını bildirdi. Qərara almışdıq ki, ona da cavab haqqı tanınacaq və bu gün, məhz Elçibəyin Bakını tərk edərək Kələkiyə getdiyi 17 iyunun 23-cü ildönümündə Mirmahmud ağa ilə üzbəüz çox ilginc açıqlamalarla zəngin həmsöhbət olduq. Beəliklə, KXCP sədri Mirmahmud Mirəlioğlunun sayt-a müsahibəsini oxuculara təqdim edirik:Müsahibənin əvvəlini bu linkdən oxumaq olar—  moderator.az/news/141492.html- Milli Qvardiyanın komandri olmuş Əzizağa Süleymanov deyir ki, bizi özümüzünkilər Surət Hüseynovun adamlarına təhvil verdilər. Kənar amilləri kənara qoysaq etiraf edilməlidir ki, AXC iqtidarının özü 4 iyunda çox mağmın və səriştəsiz davrandı. Adına “Tufan” qoyulan əməliyyat stəkanda fırtınadan uzağa getmədi…- Tam da belə deyil. Ortada həm də bir böyük insanlıq vardı. Prezident Qvardiyasının komandanı Tahir Məmmədov və ona tabe olanların heç biri Gəncədə qan tökülməsini istəmirlər. Halbuki göndəriliblər orada bu işləri görməyə. Yaxud İsa Sadıqovu götürək. Təbii ki, o Ali Baş Komandanın həmin hərbi hissənin ləğvi ilə bağlı əmrini aparıb təqdim edəndə silahlı dəstə ilə gedə də bilərdi. Amma təkbaşına əlində əmri 709 saylı hərbi hissəyə gətirir. O bunu başqa cür edə bilməzdi? Niyə etmirdi ki. Sadəcə insanlıq vardı və kimsə qardaş qırğının baş verməsini istəmirdi. Kəlbəcərin işğalının ikinci ayı yenicə tamam olub, hamı pərişan, hamnı ermənilərə qarşı qəzəbli. Bütün bunları görə-görə görürsünüz ki, heç kəs atəş açmır. Amma şəhəri tərk etməyə hazırlaşan Milli Qvardiyanın zabitlərini komandanla bir yerdə gülləborana tutaraq qətlə yetirirlər ki, ara qarışsın. Moskva da, İran da görür ki, planları pozuldu və niyyətləri puça çıxdı, o zaman bütün məkrli qüvvələr birləşərək hərəkətə keçirlər. – Mirmahmud bəy, sabah siz prezident seçkilərində qalib gəlirsiniz, Qurana əl basaraq Konstitusiyamıza and içərək ölkə vətəndaşlarının təhlükəsilziyinin qarantı kimi fəaliyyətə başlayırsınız və birdən Allah eləməmiş, Bərdədə, Yardımlıda qiyam qalxır, mərkəzi hakimiyyəti qəbul etməyən əli silahlı dəstə peyda olur. Bu zaman siz qardaş qırğının baş verməməsinə üstünlük verəcəksiniz, yoxsa verdiyiniz anda?- Mənim Qurana və konstitusiyaya əl basıb nəsə etməyim ayrı bir şeydir, təyin etdiyim adamın vəzifəsini yerinə yetirə bilməməsi başqa bir şey. Təyin etdiyim adam vəzifəsini icra edə bilmirsə, onu dəyişdirmək lazımdır. Biz hakimiyyətlə müxalifətdəyik. Hətta kəskin deyişmələrimiz, döyüşmələrimiz də olub. Amma kim Ramil Usubovun bu günki vəzifəsinə görə onu yerinə yetirməsinə irad tuta bilər? Heç kim. Çünki o öz vəzifəsini yerinə yetirir, siyasətlə məşğul deyil, nazir kimi işi nədirsə onu görür. Ona “halal olsun” deməkdən başqa nə demək olar ki? Yəni hər kəs öz işini görməlidir. Amma bizim hakimiyyətdə azadlıq və demokratiya birdən-birə olmuşdu deyə hətta əmrə də tabe olmurdular. Hətta Surət Hüseynovun başının dəstəsindəki, həqiqətən də cinayətkar olan Zobiki, Yurası, Ruslanı və s. adamöldürənlərin hamısı Surətə tabe idilər. Bütün ölənlərimizin ruhları şad olsun. Onlara demək olmazdı niyə əməliyyatı yerinə yetirmədən qayıdırdın ki, sizi də avtobusda qətlə yetirməsinlər. Amma axı bunları göndəriblər ki, gedib o işi görsünlər də. Yaxud qiyam yatırmağa gedən adam gedib girov düşməməlidir ki, qiyam yatırtmalıdır. Bunu etsəydilər hamı da əhsən deyəcəkdi. Guya 94-cü ilin oktyabrında, yaxud 95-ci ilin martında 8-ci kilometrdəki nə idi? Onu necə yatırtdılar? Hələ mart hadisəıləri Bakının göbəyində baş verirdi, Gəncə hadisələri bir az paytaxtdan uzaqda idi. Ona görə də üzr istəyirəm, bunu etmək lazım idi. Amma bunu prezident etməli deyildi. Bunu görəvdə olanlar etməli idi. – Amma gəlin razılaşaq ki, ortada silahla qan yatırtmaq var idisə Ali Baş Komandandan rəsmən əmr alınmalıydı. Dadaş Rzayevin bizə açıqlaması var ki, Ali Baş Komandan nə vaxt əmr verdi ki, biz yerinə yetirmədik?- Ali Baş Komandan ona demişdi ki, get Kür qəsəbəsində gizlən? Dadaş Rzayev gözünün içinə qədər yalan danışır. Ağsaqqal kişi də olsa generaldır, gərək belə danışmaya. İndi nədən qorxur, həqiqəti deməkdənmi çəkinir? Onu şəxsən özüm götürüb gəlmişəm evindən, yolda məndən soruşub ki, mən komissiyadakı dindirmədə nə cavab verim? Qayıtdım ki, başa düşmədim, mən generala məsləhət verəcəm? Mən deməliyəm ki, ay general, sən belə demə, bu cür de?- Siz dediniz ki, bildiyim və deyiləsi hər şeyi zamanında da, indi də danışmısınız. Sizin səmimiyyətinizə məmləkətdə kimsənin şübhəsi olmaz məncə. O zaman başqa bir sual verim, sizcə 4 iyunla bağlı hər şey danışılıbmı və hər şey sonadək aydınlaşıbmı?- Hər şey bu gün gözə girir. 4 iyun qiyamının nəticəsi bu günki hakimiyyətin özüdür. 4 iyun qiyamının nəticəsi bu günki Azərbaycandakı vəziyyətdir. İndi sual edirəm, əgər qiyam yatırılsaydı vəziyyət nə təhər olacaqdı? – Tutaq ki, bu gün hakimiyyət dəyişdi və AXC iqtidarındakı qüvvələr yenidən hakimiyyətə gəldi. 4 iyunla bağlı kimi məhşər ayağına çəkmək lazım gələcək? Təsəvvür edək ki, həmin olaylar təkrar araşdırıldı və Mirmahmud ağanı da komissiya üzvü kimi dəvət elədilər ki, 4 iyunda yaşananlarla bağlı törətdiyi əmələ görə, yaxud ona tapşırılan işi yerinə yetirmədiyinə görə AXC iqtidarı içərisində kimlər cəzalandırılmalıdır?- Belə olsa AXC iqtidarından kimisə cəzalandırmağa ehtiyac qalmayacaq. Onların bir qisminə gəldikdə Azərbaycan üçün onların cəzalanmasının önəmi də yoxdur. Məncə tamam başqa bir şey ola bilər. O da ola bilər ki, dəyən milyardlarla ziyan, rayonlarımızın işğalı, insanlarımızın var-yoxunun talanması bu günki korrupsiyadan təzminatla ödənilməlidir. Bəzi adamlar da var ki, artıq onlar öz cəzalarını çəkiblər. Vaxtilə zarafatla deyirdik ki, əgər əlimizdə imkan olsaydı, bəzi adamlarımız var ki, onları ömürlük həbs edərək zindana atardıq, amma bizim dəstədən, bizim zümrədən, bizim hərəkatdan olduqları üçün onların dəmir barmaqlıqlaqrını qızı suyuna çəkərdik. Onlara hər gün hər kəslə görüşmək imkanı verərdik, amma deyərdik ki, sənin yerin həbsxanadır və sən həmişəlik burda qalmalısan. Sadəcə cəmiyyətə, millətə və məmləklətə bu qədər vurduğun mənəvi ziyanlara görə. Amma indiki hakimiyyətin elə adamları var ki…- Ağa, indiki hakimiyyətdəkilərin kim olduqları hamıya aşağı-yuxarı bəlli, mən sizin hakimiyyətdəkiləri nəzərdə tuturdum. – Mən onları dedim. Allah və millət cəzalandırıb onsuz da. Bircə qalıb hüquqi cəzalanma məsələsi, o da nə vaxtsa olar. Mən inanmıram ki, kimsə 4 iyun qiyamı ilə bağlı özüylə o dünyaya nəsə aparacaq. Əslində 4 iyun qiyamı Azərbaycan üçün məhşəri elə bu dünyada göstərdi. Bəlli oldu ki, bizim adamlarımızın dövlətçilik psixologiyası çətindir. Bizim adamlarımızı daha çox dövlətçilik imtahanından kəsildiklərinə görə cəzalandırmaq lazımdır. Ən böyük cəzanı da məncə Pənah Hüseyn özü dedi ki, cinayətimiz məğlubiyyətimizdir. Yəni bizim məğlubiyyətimiz elə böyük bir cinayət idi.- Bu gün iyunun 17-i və Elçibəyin Bakını tərk edərək Kələkiyə getdiyi gündür. (Müsahibə 17 iyunda götürülüb.-red.)- Bizə-cəmiyyətimizə, təşkilatımıza lazım olan, şəxsən özümü maraqlandıran bütün sualları bəyin özü ilə müzakirə etmişəm. Üstəlik ömrünün son 23 gününü bəylə bir yerdə olmuşuq və mənim üçün aydın olmayan, mənim üçün suala çevrilən nəsə yoxdur. – Elçibəy Kələkiyə getməsəydi və sonadək Bakıda qalmağı tərcih etsəydi sizcə situasiya necə cərəyan edəckdi?- Şərtlə danışanda bir az yaxşı alınmır, bəy özü bütün bu sualların hamısına cavab verib. Bir var bəyin öz cavabı, bir də var Almuradın cavabı, mühafizə xidmətindəkilərin cavabı, Mirmahmudun və ya Fərəcin cavabı, bunlar ayrı-ayrı şeylərdi…- Yeri gəlmişkən, Almurad ağanın bizə müsahibəsini də oxumusunuz hər halda…- Oxumuşam.- Çox qəribə fikirlər səsləndirib.- İndi Almurad ağanın yaşını da, ağsaqqallığını da nəzərə almaq lazımdır. Məni əslində başqa şey narahat edir. Dünənə qədər Elçibəyin adını hörmətlə və ehtiramla çəkən, bəlkə də adını çəkəndə dədəsindən sonra onda təsiri qalan adam indi utanmadan və çəkinmədən “Əbülfəz” deyə müraciət edir. Ayıbdır də.- Etibar Məmmədovun 4 iyun hadisələrindəki rolu cəmiyyətdə birmənalı qarşılanmadı. Ardı var…




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler