Musavat.az
Musavat.az




Müsavat » Xeberler» Xeber

“Çox teessüf edirem ki, bele bir nefeslik fealiyyetini dayandırıb”

08 Eylül 2016

10:56 am


08/09/2016 [14:53]: xeber –
“Mən çox təəssüf edirəm ki, belə bir ocaq, nəfəslik fəaliyyətini dayandırıb”.Bunu sayt-a açıqlamasında gənc yazar Cəlil Cavanşir Bakı Slavyan Universitetinin Yaradıcılıq fakültəsinin bağlanmasına münasibət bildirərkən deyib.Cəlil.Cavanşir daha sonra bunları əlavə edib: “Yaradıcılıq fakültəsi akademik Kamal Abdullanın təşəbbüsü ilə 2007-ci ildə yaradılmışdı və mən də ötən dərs ilində bu fakültənin Oğuz rayonundakı filialına rəhbərlik etmişəm. Bu fakültəyə əsasən yeni yazmağa başlayan gənclər, ədəbiyyatı dərindən mənimsəmək istəyən qələm adamları toplaşmışdı. Müəllimlər də bütün dönəmlərdə istedadlı insanlar olub. Oğuz rayonunda da yaddaqalan işlər gördüyümüzü düşünürəm. Çünki filial yaranandan sonra rayonda yaşayan gənc ədiblərdən 6 nəfərin yaradıcılığını respublika mətbuatında geniş şəkildə təqdim etdik,  onlarla birlikdə müxtəlif tədbirlər, müzakirələr keçirdik. Gənc yazarlar üçün olduqca əhəmiyyətli, vacib bir nəfəslik, gənc yazarların müzakirələr aparması, ustad yazıçılarla görüşə biləcəyi məkan idi. Yarandığı gündən bu yana fakültədən çox dəyərli qələm adamları məzun olub və o şəxslər bu gün ədəbiyyatımızda söz sahibidirlər. Mən çox təəssüf edirəm ki, belə bir ocaq, nəfəslik fəaliyyətini dayandırıb”.Gənc yazar daha sonra yeni bir layihənin yaranacağına ümid etdiyini vurğulayıb: “Ümid edirəm ki, ilk dəfə bu təşəbbüslə çıxış edib Yaradıcılıq fakültəsini yaradan akademik Kamal Abdulla mövcud imkanlarından istifadə edib bu fakültənin hansısa bir formada bərpasına nail olacaq və hansısa alternativ layihə ilə gənc yazarlarımızı sevindirəcək. Kamal müəllim başladığı layihələri sona qədər davam etdirməyi bacaran, gənc yazarların qayğısına qalan insandır. Ümid edirəm yaxın vaxtlarda  ədəbi yaradıcılıqla bağlı hansısa yeni bir layihə start götürəcək. Mən hətta inanıram ki, fakültənin ideya müəllifi və qurucusu Kamal Abdullanın, sonuncu dekan Qismət Rüstəmovun bununla bağlı bir ideyası, layihəsi var”.Xatırladaq ki, BSU-nun tədris işləri üzrə prorektoru Telman Cəfərov mətbuata açıqlamasında yaradıcılıq fakültəsinin bağlanması haqqında bunları demişdi: “Yaradıcılıq fakültəsi təşkil olunan zaman nə Elmi Şuranın qərarı olub, nə də Təhsil Nazirliyinin. Eyni zamanda bu il fakültəyə qəbul üçün bir nəfər də müraciət etməyib. Əgər dinləyici qəbul olunmayıbsa, biz bu fakültəni necə saxlayaq? Bir tərəfdən Təhsil Nazirliyinin icazəsi ilə fəaliyyət göstərmədiyinə görə, büdcə üçün müraciət edə bilmərik. Hüquqi qüvvəsi və bazası olmayan strukturu universitet rəhbərliyi bağlamalı idi. Ona görə də təqdimat hazırlamışıq ki, fakültə bağlansın. Amma bir vacib məqamı da qeyd edim ki, əgər bizə müraciətlər olsaydı, fakültənin qanuni fəaliyyəti barədə düşünərdik”.Rumiyyə


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler