Musavat.az
Musavat.az




Müsavat » Xeberler» Xeber

“Cavid Qurbanovun demiryolda etdiyi bu deyişiklik hem de onu gösterdi ki…”

15 Temmuz 2016

8:52 am


15/07/2016 [12:49]: xeber –
Bütöv Azərbaycan Xalq Cəbhəsi Partiyasının sədri, millət vəkili Qüdrət Həsənquliyevin sayt-a müsahibəsini təqdim edirik:Müsahibənin əvvəlini bu linkdən oxumaq olar— moderator.az/news/144360.html- Prezident İlham Əliyevin rəhbərliyi ilə keçirilən sonuncu müşavirədə Mərkəzi Bankın rəhbərinin mürgüləməsi barədə kadrlar sosial şəbəkələrdə yayılanda sayt belə bir başlıqlı yazı ilə çıxış etdi ki, “İkinci devalvasiya Elman Rüstəmovun yuxusunu ərşə çəkib”. Amma gəlin etiraf edək ki, Maliyyə Bazarlarına Nəzarət Palatasının günü-gündən aparatı şişsə və az qala hər həftə quruma yeni təyinatlar olsa da bu qurumun ortaya qoyduğu ciddi bir iş yoxdur. Ən azından problemli kreditlərin aqibəti barədə ağılabatan bir iş görüldüyünü demək olmaz, əksinə, izaholunmaz bir səssizlik hökm sürür…- Sözün doğrusu, bundan sonra həmin problemli kreditlərin qaytarılacağını gözləmək və bu istiqamətdə banklara borcu olan müştərilərin qayğılarının azalacağını da gözləmək sadəlöhvlük olardı. Görürsünüz ki, dolların kursu getdikcə artır və bu formada da artımın davam edəcəyi gözlənilir və bu həm də onu bəri başdan iddia etməyə əsas verir ki, hökumət bu istiqamətdə hansısa kardinal dəyişikliyə hazır deyil. Nəzərə almaq lazımdır ki, qısa zaman kəsiyində qeyri-neft sektorunu inkişaf etdirmək mümkün deyil. Amma bu prosesə başlanılmalıdır və iqtisadiyyatın bütün sahələrində şəffaflıq təmin edilməlidir. Götürək tikinti sektorunu, hansı ki, yüz minlərlə vətəndaşımız işləyib pul qazanırdı, ailəsinin çörəyini təmin edirdi. İndi tikinti sektoru çöküb, yenidən hökumət sosial evlər layihəsini həyata keçirmək yolu ilə bu sahəni canlandırmaq istəyir. Amma gəlin görək tikinti sektorunda şəffaflıq mühitindən danışmağa dəyərmi? Əvvəllər yüksəkmərtəbəli binaların tikintisi üçün sərəncamları Bakı Şəhər İcra Hakimiyyəti verirdi və heç kimə sirr deyildi ki, bu da təmənnasız deyildi, İndi bu səlahiyyətlər rayon icra hakimiyyətlərinə verilib. Amma bu sahədə vəziyyət düzəlmək əvəzinə daha acınacaqlı hal alıb. Bütün icra başçılarını qınamaq istəməzdim, vicdanla işləyənlər də yox deyil, amma gəlin razılaşaq ki, əksəriyyəti bina tikmək istəyənlərdən külli miqdarda vəsait tələb edir. Konkret iş adamları bununla bağlı mənə də şikayətlərini bildiriblər və onları dinlədiyimə görə problemin mahiyyətindən təfərrüatı ilə xəbərim var. Hər blok üçün böyük məbləğdə, yəni bir neçə yüz minlərlə məbləğlə ifadə olunan vəsait tələb olunur, tikilən binadakı mənzillərin 10 faizini də həmin icra hakimiyyətinin balansına verməlisən. Bundan başqa köçürülən adamların yerləşdirilməsini təmin etməlisən və bununla da kifayətlənmirlər və əlavə “şapka” istəyirlər. Deməyim odur ki, iqtisadiyyatda canlanma yaradılması və əhalinin, eləcə də iş adamlarının güzəranının yaxşılaşması üçün bu kimi korrupsiya faktları aradan qaldırılmalıdır. Bundan başqa mən dəfələrlə elə sizin saytda və parlament tribunasından da bildirmişəm ki, ölkənin neft-kimya sənayesini tamamilə yeni texnolgiyaların tətbiqi ilə qurmaq lazımdır. Azərbaycan kənd təsərrüfatı ölkəsidir və bu gün ölkənin bütün gübrə ehtiyacları idxalın hesabına qarşılanır.- Yeri gəlmişkən, Sabirabaddan pambıqçı fermerlər bu günlərdə sayta müraciət edib həyəcan təbili çalırdılar ki, bizə saxta gübrələr sırıdıqlarına görə sovka 1200 hektar pambığın anasın ağladıb…- Mən də oxudum həmin müraciəti. Ona görə də deyirəm ki, gübrə istehsal edən zavodlar tikilməlidir. əslində bu günədək tikilib istifadəyə verilməliydi. Amma hələ də gec deyil və heç olmasa bundan sonra bu istiqamətdə addımlar atılmalıdır. Avtomobillər üçün sürtkü yağları bilirsiniz ki, od qiymətinə satılır. Avtomobillər üçün şinlər də o cümlədən. Axı niyə bunların xammalı Azərbaycanda ola-ola biz onun istehsalına başlamırıq, onqat baha qiymətə xaricdən idxal edirik? Biz bu sahədə ciddi addımlar atmaqla həm daxili bazarı təmin edə bilərik, həm də ixrac da edərik. – Qüdrət bəy, Siz bunları deyəndə heç devalvasiya yox idi və hökumət neft milyardlarını bala-bala investisiya xərcləri adı altında havaya sovurmaqla məşğul idi. Görünən odur ki, bu hökumətin qulaqları yerlərdən gələn çağırışları eşitmir, yaxud qəsdən özlərini eşitməzliyə vurublar…- Çox təəssüf ki, haqlısınız və illərdi bunları desək də hökumət qəbul etmək istəmir. Görünən odur ki, müxalifətdən gələn təkliflər hökumət tərəfindən heç vaxt öyrənilmir və bu istiqamətdə konkret addımlar atılmır. Amma artıq qəbul etmək zorundadırlar ki, necə deyərlər, bıçaq sümüyə dirənib və bu istiqamətdə yubanmadan konkret addımlar atılmalıdır. Ölkənin valyuta ehtiyyatlarını yalnız manatın kursunun stabil saxlanılmasına xərcləmək doğru deyil. Amma biz hələ Neft Fondu formalaşandan, xüsusuilə 2008-ci ildəki böhran başlayandan hər zaman söyləyirdik ki, ölkə banklarında Azərbaycan dövlətinin valyuta ehtiyyatları saxlanılmalıdır. Həm banklar bu vəsaitlərdən səmərəli istifadə edərək inkişaf etməlidir, həm də insanlarımız aşağı faizlərlə kredit əldə edə bilməlidir. Azərbaycan banklarındakı faiz dərəcələri dünyanın heç bir yerində yoxdur. Nəinki 25-35, hətta tikintidə 40 faizədək kredit verilib. Belə faizlə də iqtisadiyyatı inkişaf etdirmək mümkün olan deyil və sonuc elə belə də olmalıydı. Təsəvvür edin ki, bizdə hətta Sahibkarlığa Kömək Milli Fondunda belə ağılasığmaz faizlər tətbiq edilir. Axı 7 faizlə sahibkara kredit verməklə onun inkişaf etməsini gözləmək nə dərəcədə doğrudur? Sahibkara ən uzağı 3-5 faizlə kredit vermək lazım idi və iş adamları da həmiun pul ilə bu gün qeyri-neft sektorunun inkişafında öz sözlərini deyə bilərdilər. Bilirsiniz ki, bu kreditlərin verilməsində də neqativ hallar kifayət qədərdir və bilirsiniz ki, prezident də dəfələrlə bu barədə tənqidi fikirlərini bildirib. Heç kimə sirr deyil ki, verilən kreditlərdən başqa sahibkarlardan əlavə olaraq şapka da alırlar. Ona görə də deyirəm ki, bütün sadaladığım və sadalamadığım bu problemləri kompleks həll etmədən sürətıli iqtisadi inkişafa nail olmaq mümkün olmayacaq, Əlbəttə, etiraf etmək lazımdır ki, qeyri-neft sektorunun inkişafı sahəsində prezidentin şəxsi iradəsi hesabına strateji inkişafımızın təməlini təşkil edən xeyli uğurlu addımlar atılıb. Avqusutun 8-də Rusiya və İranın prezidentləri Bakıya rəsmi səfərə gəlir və yüklərin dəmir yol vasitəsilə Azərbaycan üzərindən daşınması, bu ilin sonunda Bakı-Tiflis-Qars dəmir yolu xəttinin istifadəyə verilməsi çox uzaqgörən iqtisadi siyasətin tərkib hissəsidir. Xüsusən qeyd etmək lazımdır ki, Cavid Qurbanovun “Azərbaycan Dəmir Yolları”na rəhbər təyin olunandan sonra bu işləri xeyli sürətləndirməsi uğurlu addımlardan biridir. Əslində Cavid Qurbanovun ölkənin dəmiryol sistemində etdiyi bu radikal dəyişiklik həm də onu göstərdi ki, doğrudan da yerində olan kadrdan çox şey asılıdır. Yəni bir nümunə kimi etiraf etmək olar ki, Cavid Qurbanovun dəmir yoluna gətirilməsindən sonra bu sistemdə nə qədər böyük və səmərəli işlər görülüb və görülməkdədir. Deməli, kadr islahatları da aparılmalıdır…- Qüdrət bəy, kadr islahatlarının anonsunu sonuncu müşavirədə dövlət başçısı da verdi və bu barədə ayrıca suala Sizdən cavab istəyəcəyik. Siz ondan danışın ki, Maliyyə Bazarlarına Nəzarət Palatası hələ ortaya bir şey qoymamış ölkənin bütün müstəqil ekspertləri onlardan üz döndəriblər ki, bunlar deyəsən heç nəyi bacarana oxşamırlar…- Mən sizə deyim ki, Rüfət Aslanlı peşəkar  bir maliyyəçi kimi tanınır və mən də onu o cür tanıyıram. Təyinatı zamanı da söyləmişdim ki, ondan gözləntilərim böyükdür, amma insan öz işinin peşəkarı olmaqla bərabər həm də bir güclü iradə sahibi olmalıdır, kənar təsirlərdən çəkinməməli, siyasi konyukturaya uyğun addımlar atmamalıdır ki, kimlərin maraqlarına toxunmaq risklidir və buna görə onu hansı tale gözləyə bilər. Belə bir deyim də var ki, ölümünü düşünən əsgərdən qəhrəman olmaz. Söyləmişdim ki, əgər bu faktorlar olmayacaqsa bilirəm ki, onun potensialı uğur qazanamağa kifayət edəcək. Amma bir daha deyirəm ki, bank sektoru iqtisadiyyat üçün nə qədər əhəmiyyət daşısa belə məsələyə kompleks yanaşma lazımdır və hətta təkcə bank sektorunu bu böhrandan çıxarmağa nail olunsa belə, vəziyyətdə ciddi dəyişiklik gözləməyə dəyməz. – Özünüz və ailə üzvlərinizdən kimsə bankdan kredit götürübmü və hansı faizlə, qaytarılmasında necə, problem yaranmayıb ki?- Özüm yox, amma ailə üzvlərindən və yaxın qohumlardan xeyli sayda bankdan kredit götürənlərimiz var. Bəziləri banklara müraciət ediblər ki, heç olmasa onlara zaman versinlər, müddəti uzadıblar, bəziləri sadəcə əvvəlki məbləği ödəmək imkanında deyillər, ona görə də az-az ödəyirlər, başqa çarə yoxdu. Amma hərdən məndən də soruşurlar ki, bunun axırı necə olacaq? Mən də cavab verirəm ki, dövlətin sizin borclarınızı bağşlayacağını gözləməyin, özünüz öz başınızın çarəsinə baxın. Hətta bankı məhkəməyə vermək istəyən qohumlarım da var ki, götürdükləri puldan çox pul ödəsələr də yenə də xeyli borcları var və onlar haqlı olaraq deyirlər ki, banklar bu qədər onları soyublar, heç olmasa geri qalan məbləğin müəyyən qismini bağışlasınlar. – Bayaq islahat məsələsinə toxundunuz. İqtisadçı alim Qubad İbadoğlu prezidentin sonuncu müşavirəsindən sonra mediada ilgi görən bir status paylaşaraq maraqlı hesablama aparıb ki, masa arxasında əyləşənlərdən adları hər kəs bəlli olan ilk altılıqdakı məmurun toplam yaşı 446 il, orta yaşı isə 74,3 ildir və iddia edir ki, belə bir komanda ilə uğur qazanmaq müşkül məsələdir. Siz də dünyanı gəzmisiniz, hansı ölkədə ağasaqqallara bizdəki kimi qədir-qiymət verilir…? Ardı var…




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler