Musavat.az
Musavat.az




Müsavat » Xeberler» Xeber

“Bütün Türk xalqlarının yolu, hedefi birdir: Turandır, Türklükdür!”

13 Eylül 2016

4:36 pm


13/09/2016 [20:34]: xeber –
Bütöv Azərbaycan Ocaqları Şamaxı yaxınlığındakı Türk Şəhidliyini ziyarət edibBu gün Bütöv Azərbaycan Ocaqları (BAO) üzvləri Quzey Azərbaycanın Şamaxı şəhəri  yaxınlığındakı Türk Şəhidliyini ziyarət etdi. Burada Nuru paşanın başçılıq etdiyi Qafqaz İslam Ordusunun 1918-ci ilin sentyabrın 15-də Bakını erməni-bolşevik dəstələrindən və daşnak quldurlarından azad etməsinin 98-ci ildönümü münasibətilə çıxışlar edildi.  Öncə, BAO-nun başqan yardımçısı Şirvani Ədilli bildirdi ki, Azərbaycandakı Türk şəhidlikləri Türkiyəylə Azərbaycanı birləşdirən əsas simollardan biridir. AMEA Tarix İnstitutunun aparıcı elmi işçisi, dosent Dilavər Əzimli Anadolu Türkləriylə Azərbaycan türklərinin tarixən bir-birlərinə dəstək olduqlarını söylədi. Onun fikirnə görə, bu tarixi birlik özünü bütün zamanlarda göstərmiş, 20-ci əsrdə isə Çanaqqalada, Bakıda təkrar olunmuşdur. Bu gün də Azərbaycan Türkiyə birliyinin yüksək səviyyədə olduğunu deyən Əzimli qeyd etdi ki, artıq Türkiyə dünyada sözü keçən bir dövlətə çevrilib.AMEA Fəlsəfə İnstitutunun aparıcı elmi işçisi, dosent Faiq Qəzənfəroğlu isə çıxışında bildirdi ki, Türk Şəhidləri Turan-Türk ellərinin, yəni Anadolu, Azerbaycan, Kerkük, Kırım, Uyğurustan, Tatarıstan, Hələb, İrəvan, Türküstan və başqa Türk diyarlarının hər bir yerində vardır. Onun sözlərinə görə başımızın üstündə Göy çəkilmədikcə, ayaqlarımızın altında Yer qaçmadıqca şərəfli Türk ulusu torpaqlarına daima sahib çıxacaqdır. Azərbaycan Türk aydının fikrincə, bütün Türk xalqlarının yolu, hədəfi birdir: Turandır, Türklükdür!!! Bu yolda bir an durmadan, dayanmadan mücadilə etməyin önəmini vurğulayan Qəzənfəroğlu qeyd etdi ki, burada və dünyanın hər bir yerində əbədi yatan, ancaq heç bir zamayan diz çökməyən Türk şəhidlərinin, Türk aydınlarının-Əli Bəy Hüseynzadələrin, Ziya Gökalpların, Əhməd bəy Ağaoğluların, Mehmet Emin Yurdaqulların, Mehmet Akif Ersoyların Türk böyüklərinin – Alp Arslanların, Məlikşahların, Atatürklərin, Məhəmməd Əmin Rəsulzadələrin izində olmalıyıq.


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler