Musavat.az
Musavat.az




Müsavat » Xeberler» Xeber

“Bu mehsulun ixracatı ölke iqtisadiyyatına fantastik töhfe vere biler” – Ekspert reyi

19 Ağustos 2016

10:20 am


19/08/2016 [14:18]: xeber –
İqtisadçı ekspert Hüseyn Hüseynov sayt saytına açıqlamasında qoz-fındıq  məhsullarının ölkə iqtisadiyyatına gətirə biləcəyi faydalar barəsində maraqlı açıqlama verib. Onun sözlərinə görə, bu məhsulların çox yaxşı  iqtisadi perspektivə çevirməklə, xeyli gəlir əldə etmək mümkündür:“Verilən məlumatlara görə ölkəmizdə 2015-ci ildə 35 min ton fındıq, 11 min ton qoz tədarük edilib. Təəssüf ki, bu qəbildən olan şabalıd, fıstıq, badam barədə statistik məlumatlar yoxdur. Keçən il fındıq ixracı 11,5 min ton. təşkil edib ki, bu da valyuta ilə 51 mln. ABŞ  dollarına  bərabərdir. Məhsulun 22 milyon dollar  həcmində olan hissəsi Avropa Birliyi ölkələrinə ixrac edilib  ki, bu da əsasən Almaniya ( 41,8% ), İtaliya ( 41,8% ), Fransa ( 4,5% ), Polşa ( 3,5% ), Niderland ( 0,8% ), Litva ( 0,6 ) və s. ölkələrdir. İkinci ən böyük alıcımız Rusiya Federasiyasıdır, bu ölkəyə 19 milyon ABŞ $ həcmində məhsul ixrac etmişik, daha sonra isə Qazaxıstan gəlir ki, keçən il bu ölkəyə 7,5 milyon həcmində fındıq satmışıq. Az miqdarda bir sıra ölkələrə də fındıq ixrac olunub. Avropanın geniş fındıq bazarında ixracımızın xüsusi çəkisi 1,8 % təşkil edib. Bu bazarda böyük perspektiv olduğu göz qabağındadır. Azərbaycan dünya fındıq məhsulunun 75 %-ni verən Türkiyədən və dünya ikincisi olan İtaliyadan sonra bu məhsulun yığım həcminə görə üçüncü yerdədir. Deməli ölkəmiz fındıq tədarük edən lider ölkələr sırasındadır. İxrac etdiyimiz fındıq tədarükümüzün təxminən 1/3-ni təşkil edir, eyni zamanda biz Türkiyə, Özbəkistan, Gürcüstan kimi ölkələrdən fındıq idxal edirik. Ölkədə hazırda fındıq becərilməsinə xüsusi maraq var, yeni fındıq bağları salınır, bu da perspektivdə daha çox məhsul əldə edəcəyimiz anlamına gəlir. Bizim məhsulumuz ekoloji təmizliyinə və yağlılıq dərəcəsinə görə türk fındığından üstündür ki, bu da rəqabət qabiliyyəti yaradır. Yaxın illərdə ölkədə fındıq tədarükünün 65-70 min ton. olacağı proqnozları verilir”. Ekspert xam fındıqla yanaşı ölkədə fındıq yağının da səmərəli fayda verəcəyini proqnozlaşdırır:“Xam fındıqla yanaşı ölkədə fındıq yağının da istehsalını təşkil etməyin vaxtı çoxdan çatıb, Türkiyə belə bir yağı istehsal edir və istər daxili, istərsə də xarici bazarda uğurla satır. Bir haşiyə, 2012-2015 -ci illərdə müşavir kimi çalışdığım “Azərsun Holdinq” şirkətində bu təklifim şirkətin sahibi tərəfindən dəstəklənsə də, ətrafı tərəfindən həyata keçirilmədi, bu görürsünüzmü o qədər də xeyirli bir biznes növü deyil, maya dəyəri baha olacaq, əhali tərəfindən o qədər də alınmayacaq, Türkiyədə subsidiya hesabına litri təxminən 3 -4 dollara satılır , bizdə isə marketlərdə həmin türk mənşəli fındıq yağının 100 qr-ı 3-4 dollaradır…Bundan əlavə fındıq və qoz qabıqlarını da ixrac etmək olar. Rusiyanın Rostov vilayətində sənayedə istifadə məqsədi ilə onu idxal edən şirkət var, sadəcə araşdırmalar aparmaq, işləmək gərəkdir….Ölkədə 11 min ton. qoz məhsulu tədarükü barədə məlumatlara rast gəlsəm də, onun ixracı barədə statistika görə bilmədim”Elmin Nuri


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler