Musavat.az
Musavat.az




Müsavat » Xeberler» Xeber

Böyük Britaniyanın Lester Universitetinin nümayendeleri ADNSU-da olublar

08 Eylül 2016

2:04 pm


08/09/2016 [18:03]: xeber –
Sentyabrın 8-də Azərbaycan Dövlət Neft və Sənaye Universitetinin (ADNSU) rektoru prof. Mustafa Babanlı Böyük Britaniyanın Lester Universitetinin nümayəndələri – Universitetinin strateji əməkdaşlıq üzrə direktoru Maykl Qrin, qeydiyyat və əməliyyat direktoru Deyvi Holla görüşüb. Universitetlər arasında uğurlu əməkdaşlıq və təhsil proqramlarının müzakirə olunduğu görüşdə prof. Mustafa Babanlı ADNSU və Lester Universiteti arasındakı əməkdaşlığın bir sıra sahələri əhatə etdiyini diqqətə çatdırıb.“Təmsil etdiyiniz universitetlə bizim əlaqələrimiz kiçik kitabxana üzrə birgə işdən başlasa da bu gün əməkdaşlığımız genişlənib və geniş imkanlar formalaşıb. Biz bundan istifadə edərək tələbə mübadiləsini, eyni zamanda “Erasmus+” proqramı ilə birgə fəaliyyətimizi davam etdirəcəyik”, – deyə rektor M.Babanlı söyləyib və növbəti görüşün Təhsil Nazirliyi nümayəndələrinin iştirakı ilə birgə keçirilə biləcəyini vurğulayıb.Daha sonra çıxış edən Lester Universitetinin qeydiyyat və əməliyyat direktoru Deyvi Holl bildirib ki, bir çox ölkələrlə tələbə mübadiləsində əməkdaşlıq edən Lester Universitetinin prioritet istiqamətləri ingilis dilinin tədrisi, biznes mühitinin inkişaf etdirilməsi, təcrübə və təhsil proqramlarıdır.Lester Universitetinin strateji əməkdaşlıq üzrə direktoru Maykl Qrin isə tələbə mübadiləsinin ikitərəfli olması üçün universitetlərində tələbələrə Azərbaycan, ADNSU haqqında geniş məlumat verildiyini qeyd edib.Görüşdə iki universitet arasında əməkdaşlıq məsələləri və yeni planlar müzakirə olunub. İki universitet arasında birgə proqramın yaradılması məsələsi dəyərləndirilib. Startap sahəsində əməkdaşlığı genişləndirmək məqsədilə yeni layihələr təklif olunub.Daha sonra xarici qonaqlar Erasmus+ proqramı çərçivəsində bir semestr Lester Universitetində davam etdirəcək ADNSU tələbələri ilə görüşüblər. Görüşdə tələbələri marağlandıran suallar cavablandırıblar.Qeyd edək ki 2016-2017-ci tədris ilində ADNSU-nun 4 nəfər tələbəsi Erasmus+ proqramı çərçivəsində payız semestrində Lester Universitetində təhsil alacaqlar. Əməkdaşlıq proqramı ikiillik olub, növbəti semestrlərdə də tələbə və müəllim mübadiləsini nəzərdə tutur.Lester Universitetinin nümayəndələri sonda ADNSU-nun startap məktəbini gəzib, bəzi tələbələrin layihələri ilə tanış olublar.


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler