Musavat.az
Musavat.az




Müsavat » Xeberler» Xeber

“Bizde tehsil yalnız normal fiziki imkanları olan şexsler üçün düşünülüb”

10 Eylül 2016

8:52 am


10/09/2016 [12:49]: xeber –
Artıq yeni dərs ilinin astanasındayıq. 2016-2017-ci dərs ilinin başlanmasına sayılı günlər qalıb. Təhsil müəssisələrində, eləcə də məktəbə gedəcək şagirdlərin evlərində məktəb təlaşı yaşanır. Valideynlər ötən ildə övladlarının qarşılaşdığı hər hansı bir problemin bu il bir daha yaşanmamasını arzu edir. Təhsil müəssisələri də həmin problemlərin həllinə çalışır. Bir sözlə, hər kəs ancaq öz övladının qarşılaşdığı problemin həllinə çalışır. Ancaq unuduruq ki, həyat təkcə bizim övladlarımızdan ibarət deyil və hər şey də təkcə onların ətrafında cərəyan etmir. Bu gün neçə-neçə fiziki əngəlli uşaqlar var ki, onların normal təhsil almağa imkanları yoxdur. Təhsil almaq, savada, biliyə yiyələnmək istəsələr belə, təsəvvür etməyəcəyimiz çətinliklərlə, problemlərlə üzləşirlər. sayt olaraq  fiziki imkanları məhdud şagirdlərin nə kimi çətinliklərlə üzləşdiyini, qarşıdakı təhsil ilində onları hansı problemlərin gözlədiklərini öyrənmək qərarına gəldik. Bu işdə yardımçımız təhsil eksperti, tarixçi Kamran Əsədov oldu.Qeyd edək ki, Kamran Əsədov həm də sağlamlıq imkanları məhdud uşaqlar üçün nəzərdə tutulmuş 5 saylı xüsusi internat məktəbindəki şagirdlərlə çalışır.Kamran Əsədov ilk öncə nəyə görə məhz  5 saylı xüsusi internat məktəbini seçdiyini  açıqladı: “2009-cu ildə TQDK-nın tarix seminarı zamanı ixtisas müəllimləri ilə təhsildə problemləri müzakirə edirdik. Seminardan sonrada çay süfrəsi arxasında da bu müzakirələr davam etdi. Bu, həm də bizim tarix müəllimləri ictimai birliyinin qeyri rəsmi yığıncağı idi. Müəllimlər belə bir təklif etdi ki, gəlin təhsildən məhrum olan, təhsil almaları problemə çevrilən abituriyentlərlə işləməyə başlayaq. Bu məsələlər daha çox sağlamlıq imkanları məhdud uşaqların məktəbində və yetkinlik yaşına çatmayanların cəzaçəkmə müəssisəsində yaşanır. Mən də özümü qabağa verib sağlamlıq imkanları məhdud uşaqlarla işləyə biləcəyimi dedim. Və mənə 5 saylı sağlamlıq imkanları məhdud uşaqlar üçün xüsusi internat məktəbinə getmək və rəhbərliklə danışmaq tövsiyə olundu. 5 illik müəllimlik dövrümdə belə bir təcrübəyə malik deyildim. Buna baxmayaraq məktəbə gəlib məqsədimi açıqladım. O vaxt həmən məktəbin direktoru Namiq müəllim idi. Təklifimi müsbət qarşıladı və məktəbdə onların sağlamlıq imkanları məhdud (görmə ilə bağlı) şagirdlərin ali məktəblərə qəbulu üçün köməklik göstərməyimə razılıq verdi”.Ekspert daha sonra həmin məktəbdə yaşadıqlarını və yaşananları anlatdı: “Mənim üçün bu tipli təhsil müəssisəsində dərs demək çox çətin idi. Düzdür, 5 saylı sağlamlıq imkanları məhdud uşaqlar üçün xüsusi internat məktəbi Heydər Əliyev fondunun prezidenti Mehriban Əliyeva tərəfindən yüksək səviyyədə təmir edilmişdi. Siniflərdə şərait yüksək səviyyədə təşkil olunmuşdu. Ancaq o vaxt görmə qabiliyyətini itirmiş şagirdlərin dərs vəsaiti yox idi. İlk dəfə dərslərimə 7 şagird gəldi və onlarla çətin bir yola çıxdıq. Çünki, orta məktəb proqramı ilə ali məktəblərə qəbul üçün proqram mahiyyət etibarilə fərqli idi. Onlara qısa və vacib materiallar lazım idi. İstifadə edə biləcəkləri testlər yox idi. Hər dəfə dərsdə və evdə onlara öyrənməyə verəcəyim mövzuları mobil telefonun diktafonuna yazırdım və onların telefonuna köçürürdüm. Onlar da həmən səs yazılarını dinləyib mövzunu öyrənirdilər. Öyrəndikləri mövzunu şifahi şəkildə sual-cavab edib testləri oxuyurdum, onlar da cavablarını verirdi. Beləcə çətin bir prosesə başladıq. Amma nəticə uğurla həyata keçdi. Növbəti qəbul ilində şagirdlərimin altısı yüksək balla ali məktəblərə qəbul oldu. Bu, onların və o tipli internat məktəbində ilk belə kütləvi və yüksək səviyyəli qəbul nəticəsi idi. Onlar Bakı Dövlət Universiteti, Azərbaycan Dövlət Pedaqoji universiteti, Xəzər Universiteti, Slavyan universiteti və s. ali təhsil ocaqlarına qəbul olmuşdular”.K.Əsədov ali məktəblərdə təhsil alan fiziki imkanları məhdud tələbələrin də çətinliklərlə üzləşdiyini vurğuladı: “Şagirdlərim tələbə adını qazandı, amma ortaya digər bir problem çıxdı. Belə ki, onların ali məktəblərdə təhsil alan zaman istifadə edə biləcəkləri dərsliklər indi də yoxdur. Məcbur olub ali məktəbə hazırlaşan zaman tətbiq etdiyimiz metoddan istifadə edirlər. Mühazirələri diktafona yazıdırırlar, valideynləri mövzuları oxuyub diktafona yazır. Və həmin səs yazılarını dinləyərək seminarlara, imtahanlara hazırlaşırlar. Təəssüflər olsun ki, bizdə təhsil yalnız normal fiziki imkanları olan şəxslər üçün düşünülüb”.Təhsil ekspertinin fikirlərinin davamı olaraq bir məsələni də nəzərinizə çatdırmaq istəyirik. Belə ki, min bir əziyyətlə ali məktəbə qəbul olan və həmin ali məktəbin bakalavr, hələ üstəlik magistr pilləsini də uğurla başa vuran fiziki imkanlı gənclərimiz var ki, bu gün iş tapmaqda çox çətinlik çəkirlər. Üz tutduqları müəssisələr nədənsə onlara çox laqeyid münasibət sərgiləyir, sözün əsl mənasında döydükləri qapını üzlərinə çırpıb, geri qaytarırlar. Bu, əlbəttə ki, cəmiyyətimizin eyibidir, utancverici bir durumdur. Onların həyat eşqlərini artırmaq üçün əllərindən tutub irəli çəkmək lazımkən, sinələrindən vurub geri itələmək insanlıq adına qara ləkədir. Kamran müəllim və digərləri kimi əl-ələ verib cəmiyyət olaraq, dövlət olaraq həmin gənclərə sahib çıxmalıyıq. Onların problemlərini həll etmək üçün layihələr, böyük işlər həyata keçirməliyik. Ümid edək ki, növbəti tədris ilində sağlamlıq imkanları məhdud şagird və tələbələrin ən azı dərslik problemi həll ediləcək…Rumiyyə 


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler