Musavat.az
Musavat.az




Müsavat » Xeberler» Xeber

“Bir qrup quldur bu milletin qanın içir, hamı da bunu görür ve susur”

11 Temmuz 2016

6:36 pm


11/07/2016 [22:34]: xeber –
Dəyərli Qarabağ əlil və veteranları, bu şəklə diqqətlə baxın və bir anlığa özünüzü  bir zamanlar sizinlə çiyin – çiyinə savaşmış Mahir Rzayevin yerinə qoyun. Bu qardaşımızı şəxsən tanımıram. Amma Qarabağda şavaşdığını və belə dözülməz şəraitdə yaşadığını  sosial şəbəkədən bilirəm. Dəfələrlə bu haqda yazmaq istəmişəm. Düşünmüşəm ki, bu şəkli və Mahirin yaşadığı bu dözülməz şəraiti tək mən görmürəm ki, hamı onun vəziyyəti ilə az- çox tanışdır. Elə isə niyə bu adama dəstək yoxdur? Bu vəziyyəti əks etdirən şəkilləri və ona yazılan rəyləri görəndə adam utanır. “Allah koməyin olsun”  kəlməsindən savayı heç nə yazılmır. Sual edən yoxdur ki, niyə bu adam bu cür vəzıyyətdə yaşamalıdır? Onun balalarına, daxmasının üstündə dalğalanan  Türküyə və Azərbaycan bayraqlarına baxın və düşünün. Düşünün ki, sosial şəbəkənin hüdudları genişdir. Bunları Azərbaycana dost və düşmən dövlətlər də izləyir. Nə fikirləşırlər bizim haqda? Şəhid ailəsınin, komada olan əsgərin evini uçururlar, susuruq. Şəhidin, əlilin qanpulunu vermirlər, yenə susuruq. Veteranlarımızın başına it oyunu açırlar, ağzımıza su alıb “mənə nə?” deyirik. Şəhidin qəbrinin üstünü götürmürlər, “biz nə edə bilərik ” deyirik. Yaxşı, möhtərəm prezident demir ki, mən bu xalqın xidmətçisiyəm, sizi də bu vəzıfəyə mən təyin etmişəm ki, xalqa xidmət edin. Lap yaxşı. İndi Mahirin yaşadığı bu ərazinin icra nümayəndəsi, polisi hara baxır? Niyə bu şərəfsiz məmurları məhşər ayağına çəkmirik? Qorxuruq. Bəli, qorxuruq. Bir qrup quldur bu millətin qanın içir, hamı da bunu görür və susur. Qorxmuruqsa bunun adı nə? Hanı Azərbaycanın pullu kişiləri? Ay şərəfsizlər, bu var – dövləti Mahir kimi öğulların hesabına qazanmısınız eee! Müğənni gözəlçələrə maşın, ev bağışlaya bilirsiniz, amma bu vətən uğrunda can qoyan oğullara, bu var – dövləti sizlərə qazandıran öğullara gəldikdə gözləriniz kor olur. Heç olmasa, sağlığında qiymət verin bu öğullara. Sonda əlil və veteran təşkilatlarının rəhbərlərinə, döyüşçü qardaşlara müraciət edirəm, gəlin Mahir Rzayevə dəstək olaq. Onu və onun kimi dözülməz şəraitfə yaşayan qardaşlara dəstək verək. Elə olmasın ki, rəhmətlik Zaur kimi özünü yandıranda  “biz nə edə bilərdik axı ?” – deməyək.Vaqif Əlisoy, Qarabağ Qazisi




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler