Musavat.az
Musavat.az




Müsavat » Xeberler» Xeber

“Bir anın içerisinde on ilin salamını kesmek adi hala çevrilir…”

28 Haziran 2016

3:52 am


28/06/2016 [07:49]: xeber –
Xəyanətin fəlsəfəsi və ya məkr dolu bir yazıya cavabın girişi……..Bu yazını təsadüfü birisi yazmır. Şərif Kərimli yazır. Özü də 28 may tarixində baş tutan “Borçalı” İctimai Cəmiyyətinin çox səliqəli və səviyyəli 8-ci konfransından sonra məsuliyyət hissini itirmiş bir qrup, əksəriyyəti təşkilatın üzvü olmayan 8 nəfər “məşhur ziyalının” şantaj dolu bəyanatından ruhlanaraq yazır. Özü də Cəmiyyətin üst-üstə 200-dən yuxarı tədbirinin heç birində iştirak etmədən yazır. Real faktlara deyil, kiminsə dediyi yalan ifadələrə istinad edərək yazır. Həm də şəxsən tanımasına, bütün əlaqə vasitələrim ondan olmasının fərqində olmadan, aramızda olan salam-kəlama əhəmiyyət vermədən yazır.Təəcüblənmədim, amma bir az təəssüfləndim. Niyə bu kökə salınmışıq? Ömrünü milli davaya həsr etmiş birisi necə ola bilər ki, bütövlükdə regionun təhlükəsizliyi üçün strateji məzmun daşıyan Borçalı mövzusundan bu dərəcədə spekulyativ istifadə etsin. Ötən əsrin 80-ci illərindən fasilə vermədən milli azadlıq və demokratiya, profesional ictimai-siyasi fəaliyyətlə məşğul olan birini milli məsələdə məsuliyyətsizlikdə suçlamaq özü absurddur.Ümumiyyətlə Milli Azadlıq mübarizəsi istiqlal savaşının davamı olaraq milləti, toplumu formalaşdıran, dəyərləri dominant edən, alimin , aydının yerini dəqəq müəyyən edən, əxlaqlı bir dövlət mexanizmini qurmağı hədəflənir. Mənəvi dünyası taraz olan cəmiyyət ədəb-ərkan kimi ali süzgəc formalaşdırır, qınaqdan çəkinmək kimi ictimai məsuliyyət yükü uca olan toplumun təşəkkülü üçün münbit şərait yaradır. Həqiqət bu cür cəmiyyətlərdə qanunun aliliyi, şəxsiyyətin azadlığı, məmur qorxusunun aradan qalxdığı azad və firəvan cəmiyyətin varlığı ilə seçilir. Vətəndaşı və ayrı-ayrı sosial qrupları istismar maşını sındırılır. Qanun toxunulması məsuliyyət yaradan sərhədlər müəyyən edir.Ali İcra hakimiyyətindən tutmuş, digər dövlət qurumları, əksər hüquqi və fiziki şəxsin hərərkət və hərəkətsizliyi bəlli sərhədlərin içərisində azaddır. Ondan kənara çıxmaq yasaqdır. Qanunla Prerzident belə vətəndaşın ali olan hüququna müdaxilə etmək ixtiyarına sahib deyildir.İdeallar gerçəkləşmədiyi üçün naqisliklər kütləviləşir, insanları güvənsiz, inamsız edir, onlar biganələşir, toplum haqları onlar üçün əhəmiyyətsizləşir, fərdiyyəçilik, qeybət vüsət alır. Maddiyət bütün anlamlarda mənəviyyatı üstələyir. Kəsilən duz-çörəyə etinasızlıq, bir anın içərisində on ilin salamını kəsmək adi hala çevrilir. Reallıq budur ki, böyük mexanizm və onun xırda vintləri millətləşmə prosesini bütün vasitələrlə öldürməyə, qara kütlələşmənin hakim olduğu anarxik bir cəmiyyət üçün səfərbər olunub. Bütün vasitələrlə milli davada, demokratiya uğrunda ardıcıl mübarizədə olan təmənnasız milli dəyərlərimizi öz əlimiz, öz baltamızla baltalamaqdadırlar.AXC-Musavat cütlüyü adı altında təqib olunan M.Ə.Rəsulzadədir, Ə.Elçibəydir, onların silahdaşları və varisləridir. Onların varlığı bu millətin və Azərbaycan milli ideallarının təşəkkülündə maraqlı olmayan antitürk, antiislam mərkəzlərini, düşmənlərimizi narahat edir. Bizi döyən, istismat edən rus ayısı, fars şovinizmi, gürcü despotizmi, erməni vandalizmi, bunlara oxşayanlar, onlardan süd əmən, onlardan qidalananlardır.Borçalılıq ədəb-ərkan, əxlaq deməkdir. Ümumiyyətlə türk törəsinə xas olan mənəviyyat, ərənlik yükünü namusla daşımaq deməkdir. Vətən, yurd sevgisi imandandır. İmanlı insan hər şeydən öncə mənən zəngin, tərbiyəli, sözü uca tutan layiqli vətəndaş deməkdir. Vətənə sevgi də özünü tanımaq, özünə, sözünə ehtiramlı olmaqdan başlayır. Bu keyfiyyətlər olmayan kəsin sevgisi pafos, yalan və riyadır.İnşallah….qalanı səfərdən sonra, Allah amanında.Zəlimxan Məmmədli, “Borçalı” Cəmiyyətinin sədri




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler