Musavat.az
Musavat.az




Müsavat » Xeberler» Xeber

“Bilseydim,  ayaqqabı temirçisi olardım” – Eynşteynin müsahibesi

02 Temmuz 2016

3:32 pm


02/07/2016 [19:30]: xeber –

sayt dahi alim, Nobel mükafatı laureatı Albert
Eynşteynin ölümündən əvvəlki son müsahibəsini təqdim edir:

– Dünya niyə xaosun içindədir?

– Dünyadakı
xaos pis insanlar və onların verdiyi pis qərarların nəticəsi deyil. Bu xaos həmin
pis insanları və qərarları görüb, onlara etiraz etməyən insanlar sayəsində
yaranıb.

– Dünya hara gedir?

– Üçüncü
dünya müharibəsi təbii resursların çatışmazlığı səbəbindən baş verəcək. O
müharibədə hansı silahlardan istifadə ediləcəyini bilmirəm. Amma dördüncü dünya
müharibəsində daş və dəyənəklərdən istifadə ediləcək.

– Siz atomu kəşf etdiniz. Xirasimo və Naqasakidə
atom bombasını partlatdılar. Nə düşünürsüz?

– Hər bir
müharibə bəşəriyyətin inkişafını ləngidən pisliklər zəncirinə bir halqa əlavə
edir. Mən atomu bəşəriyyətin xeyri üçün kəşf etdim. Amma
insanlar atomla bir-birlərini öldürdülər. Belə olacağını bilsəydim, ayaqqabı təmirçisi
olardım.

 

– Uğurun formulu nədir?

 

– A=X+Y+Z.
A-uğurun özüdür. X-çalışmaq, Y-əmək sərf etdiyin işə oyun kimi baxmaq, Z- isə
danışmaq əvəzinə iş görməkdir.

 

– Elmin çata biləcəyi ən son nöqtə nədir?

– Dünyada
bir uşağın belə bədbəxt olduğu müddət ərzində böyük ixtiralar və irəliləyişlər
olmayacaq. 

– Dünyanın sirrinə nə zaman vara biləcəyik?

– Bir qum
dənəsinin sirrini çözə bilsək, bütün dünyanın sirrini öyrənə bilərdik.

– Bir ölkənin gələcəyi nəyə bağlıdır?

– O ölkədə
insanların aldığı təhsilə bağlıdır. Təhsil- bir insanın məktəbdə öyrəndiklərini
unutduqdan sonra yerdə qalan hissədir.

 

– Dünyanın axmaqlarla dolu olduğunu deyirsiniz.
Axmağın tərifi necədir?

 

– Axmaq
eyni şeyi dəfələrlə edib, fərqli nəticə almayan adama deyilir. Axmaqlarla dolu
olan dünya çəkilməzdi. Dahiliyin sərhədləri, hüdudları olur, axmaqlığın isə əsla!

– Sizin zərif bir insan olmadığınızı deyirlər…

– Yüksək
ruhlar hər zaman adi ağılların sərt reaksiyasına məruz qalırlar. Əgər elm adamı
olaraq həqiqəti açıqlamaq istəyirsənsə, o zaman zarafatı dərzilər üçün
saxlamalısan. Onu da deyim ki, bu dünyada məni cəmi bir neçə insan anladı,
onlar da səhv anladı.

 

Tərcümə etdi-Elmin Nuri




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler