Musavat.az
Musavat.az




Müsavat » Xeberler» Xeber

“Bezen ele zeif metn olur ki…” – AYB orqanlarının veziyyeti

28 Haziran 2016

3:12 pm


28/06/2016 [19:10]: xeber –
Azərbaycan Yazıçılar Birliyinin mətbuu orqanları sovet dövründə uzun müddət əksər oxucunun stolüstü materialı olub. Sürət əsrində təbii ki, həmin jurnalları o statusda görmək mümkün deyil. Amma birliyin mətbuu orqanları- “Ədəbiyyat qəzeti”, “Azərbaycan” “Ulduz”, “Dünya ədəbiyyatı”, “Qobustan” jurnalları bugün də fəaliyyət göstərirlər.sayt elə həmin mətbuu orqanların fəaliyyətinin necəliyini öyrənmək üçün gənc yazarlar arasında sorğu keçirib. Onlar AYB-nin mətbuu orqanlarından hansını oxuyurlar? Adıçəkilən qəzet-jurnalları ən son nə zaman vərəqləyiblər?:Mirmehdi Ağaoğlu:“Son illər AYB-nin ədəbi orqanlarında xeyli canlanma yaranıb. Bu yaxşı haldır. Məsələn “Ədəbiyyat qəzeti” ancaq nekroloqlardan ibarət olurdu. İndi normal qəzet kimi çıxır. Hər həftə içində azı iki-üç maraqlı material olur, qəzeti alanlar da xeyli artıb, mən hər həftə qəzeti alanda çətinlik çəkirəm, köşk-köşk gəzirəm ki, bəlkəbirində rastıma çıxa. Eyni sözü “Ulduz” jurnalı haqqında da demək olar. Jurnal gənclərə qapısını açıb, onları çap edir. Bir məsələni demək istəyirəm: AYB-nin mətbuat orqanlarında təkcə birliyin üzvü olanlar çap olunmur, kimin imzasını bəyənirlərsə əməkdaşlığa dəvət edirlər, qonorar verirlər. Elə mən də “Ədəbiyyat” qəzeti ilə isə əməkdaşlıq edirəm. Təkcə özüm üçün demirəm, neçə gənc qələm dostlaırmı AYB-nin mətbuat orqanlarında çap olunub qonorar olduğunu görəndə sevinirəm”.Ağa Cəfərli:“Mən daha çox “Azərbaycan” jurnalını oxuyuram. Doğrudur, bu jurnal indi əvvəlki səviyyəsindən, şöhrətindən çox-çox uzaqdır, ancaq hər halda orada hərdən yaxşı romanlar çap olunur. “Azərbaycan” jurnalını sonuncu dəfə bir neçə ay öncə oxumuşam.“Ədəbiyyat qəzeti”nin də materiallarını oxuyuram, Dostlarımız göndərir və onların orda çıxan yazılarını sayta qoyuram”.Cavid Qədir:AYB-nin 3 jurnalını – “Ulduz” “Azərbaycan”, “Dünya ədəbiyyatı” jurnallarını tam oxumasam da, bütün nömrələrini mütəmadi vərəqləyirəm. Aralarında ən bəyəndiyim “Dünya ədəbiyyatı” dərgisidir. Hər sayında müəyyən ölkənin nəsr və poeziya nümunələrinə geniş yer verir. Maraqlı məqalələrlə qarşımıza çıxır. Hazırda ədəbi cameənin ən akademik nəşridir, – deyə düşünürəm. “Azərbaycan” jurnalı daha çox yeni əsərlərə yer ayırması baxımından yadda qalandır. “Ulduz”un adına rəğmən çox da parıltılı olmasını deyə bilmərəm. Əlbəttə, baş redaktor Qulu Ağsəsin jurnalın müsbət yöndə dəyişməsinə verdiyi töfhələri danmaq ədalətsizlik olardı. Amma çıxış edən imzaların əksəriyyəti bayağı mətn sərgiləyir. Üstəlik, təkrarçılığa çox yer verilir. Müxtəlifliyə daha çox yer verilsə yaxşı olar. Bundan başqa, “Ulduz”un zaman-zaman mənim də məzunu olduğum Gənc Ədiblər Məktəbi ilə ortaq layihə kimi bir sayının nəşrini gənclərə etibar etməsini ancaq təqdir edə bilərəm.Aqşin Evren:“Ulduz” və “Azərbaycan” jurnallarını əlimə düşdükcə oxuyuram. Doğrusu, “Azərbaycan” jurnalında may ayında şeirlərim dərc olunub, hələ vaxt edib jurnalı ala bilməmişəm. Hər iki jurnalı sonuncu dəfə 2-3 ay əvvəl oxumuşam. İlk baxışdan elə təəssürat yaranıb ki, indi saytlara daha çox oxunur. Amma jurnalların da ciddi oxucu kütləsi var. Kağız mətbuatında – “Azərbaycan”da, “Ulduz”da hər dəfə şeirlərim çıxandan sonra ölkənin müxtəlif yerlərindən zənglər gəlir. Ancaq hərdən bu jurnallarda elə zəif mətnlər olur ki, onu nəinki jurnalda,heç Feysbukda da paylaşmağa dəyməz. Başa düşürəm, oradakı dəyərli müəllimlər – dostlarımız gəncləri həvəsləndirmək istəyirlər, ancaq məncə, bu, çıxış yolu deyil. Məsələn, 10 dənə zəif mətni çap edib qonorar yazmaqdansa, 4 ciddi müəllifə ikiqat qonorar yazmaq daha yaxşı olar. Nəticədə çap oluna bilməyən dostlarımızın da prinsipiallığı artar, öz üzərlərində işləyərlər”.Dilqəm Əhməd:”Mənim bir köşkdə qəzet satan dostum var. O mənə həmişə imkan yaradır ki, qəzet və ya jurnalı almamışdan qabaq içinə baxım. Olur ki, “Ədəbiyyat” qəzeti və “Ulduz” jurnalında yaxşı yazılar görürəm, o zaman alıram. Yəni davamlı alıcısı deyiləm”.Emin Piri:“Desəm ki, hər nömrələrini alıram, yalan danışmış olaram. Adətən kitabxanalarda nömrələrini oxuyuram. “Azərbaycan”, “Ulduz” jurnalları müasir dövrdə məhdud tirajla çıxmağına baxmayaraq, mədəniyyət evlərinə, kitabxanalara, rayonlara abunə olmasını nəzərə alsaq, ədəbiyyat oxucusuna çatmaq baxımdan hələ də ənprestejli ədəbi mətbu orqanlar olaraq qalır. Sonuncu dəfə “Ədəbiyyat qəzet”ində Elnarə Akimovanın “Səni axtarıram poeziya” yazısı və “Ulduz”un iyun sayını vərəqləmişəm”.Alpay Azər:“Ədəbiyyat” qəzetini daima oxuyuram. “Azərbaycan” və “Ulduz” jurnallarında çıxan hekayələrin çoxunu oxuyuram, hərdən həm qəzet, həm də dediyim jurnallarda çıxan şeirlərə də nəzər salıram”.Elmin Nuri




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler