Musavat.az
Musavat.az




Müsavat » Xeberler» Xeber

“Bax, bunun size heç bir dexli yoxdur!”

31 Ekim 2016

11:56 am


31/10/2016 [15:53]: xeber –
2000-ci illərin əvvəllərindən başlayaraq Azərbaycan ədəbiyyatının 3 böyük nümayəndəsi (buna heç bir şübhəm yoxdu!)– Anar, Elçin və Əkrəm bir-birilə yarışa girib işlədiyim qəzetə tez-tez müsahibələr verərdilər. Burda 2 şeyi dəqiqləşdirmək istəyirəm. Əvvələn, “yarışa girmişdilər” nə deməkdi, saniyən, müsahibə vermək prosesi necə baş verirdi, salisən, niyə yarış bu 3 yazarın arasında gedirdi. Deyəsən 3 oldu, axı.Tutaq ki, sonuncu nömrədə Anarın müsahibəsi gedirdisə, səhərisi mütləq Elçın və Əkrəm redaksiyaya zəng edib, müsahibə vermək istəklərini ifadə edirdilər. Müsahibə vermək isə onu yazıb göndərməkdən ibarət idi. Daha jurnalistin əziyyət çəkib yazıçı ilə görüşməsinə, sual verib cavab almasına, müsahibəni diktafondan köçürməsinə ehtiyac qalmırdı. Özləri sualı qoyub, özləri də cavab verirdilər. Bu 3 yazıçının hər biri özünü ən azından Azərbaycan ədəbiyyatının birincisi saydığından digər ikisinə yerini güzəştə getmək istəmirdi, ədəbi cameə yaxşı bilir ki, ta sovet dövründən onların arasında gizli bir rəqabət gedirdi, üzdə dost kimi görünsələr də, arxada bir-birlərinin gölgəsini qılınclamasalar da, ən azından qamçılayırdılar. Belə görünürdü ki, rəqiblərin hər müsahibəsi onların birincilik mövqeyini sarsıda bilərdi. Ən azından onların hərəkətləri bu qənaətə gəlməyə əsas verirdi. Maraqlıdır ki, hər biri müsahibədə digər rəqiblərindən danışmırdı və öz səviyyəsində ədəbiyyat söhbətləri edirdi. Adamın üstündə Allah var, Anar həmişə özü yazmazdı, hərdən müsahibə verməyə razı olardı. Amma digər ikisi müsahibə yazmaqda peşəkar olduqlarından buna getməzdilər.Günlərin bir gözəl günündə (bu hadisə Anarın müsahibəsi çap olunan günün səhərinə təsadüf edirdi) Elçin özündən yaxşı bir müsahibə yazıb göndərib. Olmayan söhbətin məcrası tez-tez dəyişir və gəlir Anarın üstünə, yazıçı da “dostu” Anarı müdafiə edir. Kimdən müdafiə edir? Gənc yazarlardan, zamandan, havadan, sudan, müxalifətdən və nəhayət, “müsahibəni götürən” xəyali jurnalistdən.”Söhbət” o qədər yüksələn tempdə gedir ki, “jurnalist” müsahibinə təxminən “özünüzə qarşı haqsızlıq edirsiniz” kimi irad bildirir. Yazıçı da hikkə ilə qayıdır ki, “Bax, bunun sizə heç bir dəxli yoxdur!”. Bir ara redaksiyada gərgin anlarda aranı yumşaltmaq məqsədilə ən çox işlənən cümləydi “Bax, bunun sizə heç bir dəxli yoxdur!” ifadəsi.  Qalib Toğrul, iqtisadçı ekspert


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler