Musavat.az
Musavat.az




Müsavat » Xeberler» Xeber

“Baş veren son hadiselerin fonunda PKK-nın aktivleşmesi gözlenilen idi”

18 Ağustos 2016

12:44 pm


18/08/2016 [16:42]: xeber –
Xəbər verdiyimiz kimi, Türkiyədə PKK terror örgütü tərəfindən bir-birinin ardınca terror aktları gerçəkləşdirilir. Belə ki, dünən Türkiyənin Elazığ şəhərində Polis İdarəsinin qarşısında partlayış törədildi, bu gün Bitlis vilayətinin Hizan mahalının Gayda kəndinin yaxınlığında yola yerləşdirilən partlayıcı hərbi avtomobilin keçdiyi vaxt partladıldı. Maraqlıdır, PKK-nın dünəndən bəri terror aktlarını intensivləşdirməsi, xüsusilə də, sakit şəhəri kimi tanınan Elazığda terror törədilməsinin bilmədiyimiz hansı səbələri ola bilər? Bu, dövlətin apardığı FETÖ əməliyyatları ilə bağlı ola bilərmi, yəni bu olaylarla diqqəti FETÖ üzərindən bir qədər kənarlaşdırmağa çalışmış ola bilərlərmi? Qeyd edək ki, bir neçə gündür Türkiyə mediasında, sosial şəbəkələrdə “FETÖ-nun kökü kəsilərsə, PKK-nın da kökü kəsilər” sloqanlı yazılar yayımlanır.sayt-ın bu mövzuda suallarına “Oğuz” Müstəqil Araşdırmaçılar Qrupunun rəhbəri, fəlsəfə doktoru Vüqar Zifəroğlu aydınlıq gətirib. V.Zifəroğlu Türkiyədə baş verən terror aktlarının ölkə daxilində gedən siyasi proseslərlə bağlı olduğunu vurğulayıb:“Hazırda bildiyiniz kimi, PYP/YPG qüvvələrinin Suriyadan Türkiyə sərhədlərinə doğru irəliləməsi də ciddi narahlçılıq doğurur. Düşünmək olar ki, daxildəki bölücü qruplaşmalar da fəaliyyətlərini aktivləşdirməklə həmin prosesə dəstək sağlamış olurlar. Bildiyiniz kimi, 15 iyul  çevriliş cəhdi ilə əlaqədar rəsmi Ankara ABŞ-a qarşı müəyyən ittihamlar irəli sürmüşdü. Bu, eləcə də Rusiya ilə son yaxınlaşmalara görə İncirlik bazası ilə bağlı Türkiyənin son təhdidlərini də əlavə etsək, belə nəticə çıxarmaq olar ki, ABŞ hərbi güclərinin müəyyən hissəsini İraqdakı kürd bölgəsinə daşımağa məcbur ola bilər. Bu isə özlüyündə Vaşinqtonun bölücü qruplaşmalara müəyyən dəstəyini təmin edə bilər”. Siyasi şərhçi onu da bildirib ki, ölkədə baş verən son hadisələrin fonunda kürd bölücü qruplaşmalarının aktivləşməsi gözlənilən idi: “Başqa bir məqam, təqribən 4 gün əvvəl Bərzaninin rəhbərliyi altında peşmərgə güclərinin İŞİD-ə qarşı genişmiqyaslı hərbi əməliyyatlara başlamalarıdır. Hədəf Mosulu nəzarət altına almaqdır. Bütün bu baş verənlərin fonunda Türkiyənin daxilindəki kürd bölücü qruplaşmalarının da aktivləşməsi, əslində gözlənilən idi. Hazırkı proseslər onu deməyə əsas verir ki, regionda maraqlı olan güclər “Kürdüstan zolağı” adlanan ərazinin İraqla Suriya hissələrini birləşdirmək niyyətindədir və Mosul bu birləşmədə çox ciddi həlqədir. Türkiyənin daxilində başının FETO-çulara qarşı mübarizəyə qarışdığı bir zamanda, əlavə olaraq da, bölücülərin terroru ilə qarşı-qarşıya qalması əslində bu proseslə əlaqələndirilə bilər”. Rumiyyə 


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler