Musavat.az
Musavat.az




Müsavat » Xeberler» Xeber

Babil ehalisinin dili bir gecede deyişildi -Tarixin qaranlıq sehifesi

15 Ekim 2016

2:04 pm


15/10/2016 [18:02]: xeber –
Dünənki yazımızda Nuhun tufanından bəhs etmişdik. Bu gün isə, tufandan sonra Nuh Peyğəmbərin  övladlarının başına gələn  bəzi hadisələr barədə məlumat verək ki, tarixin bəzi qaranlıq səhifələrinə işıq düşsün. Tufandan sonra Allah-təala Nuha gözaydınlığı verdi ki, artıq ağ günə çıxdınız, bundan sonra sənin övladların hər tərəfə yayılıb dünyanı abad edəcəklər. O da bu xəbəri sevincək oğlanlarına çatdırdı. Günlər keçdikcə Həzrət Nuhun üç oğlundan nəsillər törəyib artmağa başladı. Onlar Dəclə və Fərat çaylarının arasında özlərinə şəhər salıb kompakt halda yaşayırdılar. Bu şəhərdə əvvəl Nuhun nəvəsi (Hamın oğlu) hökumət edirdi. Sonra Peyğəmbərin digər oğlundan (Kənandan) törəyən Böyük Nəmrud hakimiyyətə gəldi. O, əmr etdi ki, şəhərdə uca bir köşk  (və yaxud qala) inşa etsinlər ki, bir daha (Nuhun dövründəki kimi) tufan baş verərsə camaat ora sığınaraq, xilas olsunlar. Onların bu dərrakəsizliyi Allaha xoş getməyərək, başa çatmaqda olan binanı bir gecədə yerlə-yeksan etdi və həmin andaca şəhər əhalisinin dilinin dəyişməsinə qərar verdi. Səhər açılanda insanlar biri-birlərinin danışdıqlarından heç nə başa düşmədilər. Beləliklə, o şəhərdə heç kəs yaşamayıb, hərə öz ailəsin götürüb bir diyara üz tutdu. Bu səbəbdən həmin şəhərin adı Babil qaldı ki, mənası dillərin dəyişilməsi deməkdir. (Hazırda həmin şəhərin xarabalıqları indiki Bağdad şəhərinin 85 km cənubda hələ də qalmaqdadır.)Babildə baş verən təfriqədən sonra Nuhun törəmələri Dünyanın müxtəlif istiqamətlərində məskunlaşdılar və özlərinə yaşayış məskənləri saldılar. İllər keçdikcə Nuhdan qalan din də yox olmağa başladı. Onların bəziləri Günəşi, bəzilri Ayı, bir dəstəsi ulduzu, başqa hissəsi də heyvanları, daşları özlərinə Allah qəbul etdilər.  Beləliklə, müxtəlif millətlər və dinlər  meydana gəlməyə başladı. “… Şübhəsiz ki, bunda (bu əhvalatda) düşünən bir qövm üçün ibrətlər vardır”. “Quran”, “Rumlular” surəsi, 21.Babil şəhərinin adı “Quran”ın cəmi bir ayəsində – “İnək” (Bəqərə) surəsinin 102-ci ayəsində çəkilir: “Süleymanın səltənətinə (şahlığına) dair şeytanların oxuduqlarına (sehr kitablarına) uydular. Süleyman bu kitablara uymadığı üçün kafir olmadı, lakin şeytanlar bildikləri sehri və Babildə Harut və Marut adlı iki mələyə nazil olanları xalqa öyrədərək kafir oldular. Halbuki o iki mələk: “Biz Allah tərəfindən göndərilmiş imtahanıq (sınağıq), sən gəl kafir olma!” – deməmiş heç kəsə sehr öyrətmirdilər. Bununla belə cadugərlər yenə də ər-arvad arasına nifaq salan işləri onlardan öyrənirdilər. Lakin onlar Allahın izni olmadan heç kəsə zərər verə bilməzlər. Onlar (cadugərlər) ancaq özlərinə faydası olmayan, zərər verən şeyləri öyrənirdilər. Həqiqətən, onlar belə şeyləri satın alanların (Allahın kitabını şeytan əməlləri ilə mübadilə edənlərin) axirətdə payı olmadığını yaxşı bilirlər. Kaş ki, onlar özlərini nə qədər yaramaz bir şeyə satdıqlarını biləydilər!” 2:102.Maraqlıdır, niyə Harut və Marut adlı mələklər sehri (tilsimi) məhz Babil şəhərində öyrətdilər? Başqa şəhərdə öyrədə bilməzdilərmi? Bu təsadüfdürmü? “Quran” məntiqinə görə həyatda təsadüf yoxdur və hər şey zərurətdən doğur. Elə isə, onların niyə Babili seçmələrini elmi-lədun yolu ilə araşdıraq. Həmin  vaxt Yerdə xaraba qalmış (və yaxud qalacaq) ilk və yeganə şəhər Babil idi. Sehirin, cadunun da ilk dəfə orada öyrədilməsi barədə “Quran”da xəbər verilməsi oxucuya bu cür bəd əməllərin xarabalığa bağlılığı (xarabalıqla nəticələnməsi) mesajını verməkdədir. Müşahidələr göstərir ki, bu cür fitnə-fəsad əməllər (magiya) baş verdiyi və istiqamətləndirildiyi yerlərdə ailələrin dağılması və həmin yerin xarabalığa çevrilməsi ilə nəticələnir. Ayıq adamlara məlumdur ki, bu gün istər Şərq, istərsə də Qərb dövlətlərində bütün prezidentlərin saraylarında bu cür bəd əməllərlə məşğul olan “maq”lar (cadugərlər) fəaliyyətdədirlər. Məhz bunun nəticəsidir ki, Şərq ölkələrinin bir çoxu bu gün Babilin günündədir – yerində xarabalıq qalıb. Sabah Qərbin də bu vəziyyətdə olmayacağına heç kəs zəmanət vermir. İbrətamiz deyilmi?Təəssüfləndirici haldır ki, bu gün Bakının kitab mağazalarında Babildə öyrədilən sehr əməlləri kitab halında satılmaqdadır və insanlar kütləvi şəkildə bu kitabları alıb ondan “bəhrələnir”lər. Azərbaycanda cadugərlik  bu gün ən gəlirli sahələrdən birinə çevrilmişdir.  Məhz bunun nəticəsidir ki, ölkəmizdə ailələrin sürətlə dağılması (xaraba qalması), ruzi-bərəkətin çəkilməsi və gənclər arasında intihar hallarının az qala kütləvi halda baş verməsi müşahidə olunmaqdadır. Nə qədər ki, ölkəmiz Babilə çevrilməyib, insanlar bu cür bəd əməllərdən uzaq durmalıdırlar. Allaha sığının ki, nicat tapasız.“Biz bu məsəlləri insanlar üçün çəkirik. Onları yalnız (haqqı) bilənlər anlayarlar”. “Hörümçək” surəsi, 43.Paşa Yaqub – tədqiqatçı-yazıçımüəllifin arxivi: http://www.moderator.az/search?q=pa%C5%9Fa+yaqub


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler