Musavat.az
Musavat.az




Müsavat » Xeberler» Xeber

Azerbaycanın ilk erotik kitabının ikinci hissesi niye çap olunmadı? -MARAQLI

16 Eylül 2016

1:08 pm


16/09/2016 [17:05]: xeber –
Yazıçı Allahverdi Eminovun “Payıza qədər”  adlı bu kitabı  esselərdən ibarətdir. Kitab erotik çalarları ilə fərqlənsə də fəlsəfi məqamları, psixoloji yaşantıları baxımından da çox dəyərlidir. Qadın – kişi  arasında yaşanan mübhəm münasibətlər burada tamamilə açıq-saçıq yox,  fizionomik estetika istiqamətindən təsvir edilib.Müəllifin özü kitabda açıq-saçıqlığı yox gizli  hislərin ülviliyini yazmaq istəyib. Amma təbii ki, ilk edilən cəhd heç zaman uğurla nəticələnmir. Eminovun başı kitaba görə çox  ağrıyıb. Mətbuat nümayəndələri, ədəbi tənqidçilər, ziyalılar əsərin tənqidinə aid 80-dən çox məqalə yazır. Əsərin tənqidi az qala ədəbiyyat sərhədlərini də aşaraq dövlətin kollegiya iclasına çıxacaqdı ki, müəllif özü bunun qarşısını alır. A. Eminov o zaman “Maarif” nəşriyyatının direktoru və baş redaktoru idi. Müəyyən əlaqələrdən istifadə edərək təzyiqlərin qarşısını ala bilir. İlk çapında kitab 30 min nüsxə ilə çap olunur.  Azərbaycan gerçəkliyi nəzərə alaraq deyə bilərik ki, kitab inanılmaz dərəcədə tez satılır.O zaman cəmiyyətdə kitaba olan münasibət sıfıra yaxın idi. Bu yeganə kitab idi ki, onu həmin dövrdə piratlar da ələ keçirdilər. Bir neçə dəfə qeyri-qanuni yolla çap olunan kitab mağazalarda qətiyyən tapılmırdı. Elə bu tələbat səbəbindən onu ikinci dəfə 50 min tirajla çap edirlər. “Payıza qədər” kitabı ilk dəfə 30 min nüsxə, sonra isə 50 min nüsxə ilə çıxıb. Müəllif vaxtilə mətbuata verdiyi açıqlamasında “əsərin məqsədi nə idi?” sualını bu cür cavablandırıb: “O zaman “Maarif” nəşriyyatında baş redaktor idim, dövlət televiziyasında da “Ziya” proqramını aparırdım. İlk dəfə olaraq bütün tabulara, qadağalara əhəmiyyət vermədən, qadın-kişi münasibətlərini fəlsəfi-psixoloji baxımdan qələmə almışam. İlk dəfə olaraq esse janrında yazılıb. Çox hay-küylə qarşılandı. Bütün tənqidləri səmimiyyətlə qarşıladım. Sadəcə olaraq ürəyimdən keçdi ki,  görünür bu kitabı yazmaqda tələsmişəm və nə yaxşı ki, tələsmişəm. Əsər rənglər, rəng çalarlar üzərində qurulub. Təbii ki,  mentalitetə görə o qədər də yaxşı qarşılamadılar. Bəziləri çox üzr istəyirəm, pornoqrafiya ilə qarışdırdı. Yüksək səviyyəli resenziyalar da var. Yuxarı dairələrdən də heç bir təzyiq olmadı, çox adi qarşıladılar. Bir müəllif kimi  məni incitmədilər, sadəcə “çox risklə yazmısan” dedilər”.  Yazıçı vaxtilə sayt saytına bu sətirlərin verdiyi müsahibəsində isə erotik əsər haqqında bunları demişdi:“Şah əsər sayılan “Payıza qədər” çap olunandan bir müddət sonra qadağan edildi. Amma insanlar alıb oxuyurdular. Adını çəkmək istəmədiyim yazıçı nəşriyyatda onun üzərinə pul qoyub satırdı. Amma mən intuitiv olaraq başa düşürdüm ki, bunlar mütləq mənim dediyimə gələcəklər. Roman fəlsəfi-estetik əsər idi. Yeddi rəng və onların estetik çalarlarından, insan psixologiyasına təsirindən bəhs etmişəm. Məndən xəbərsiz üç dəfə qanunsuz şəkildə çap olunaraq yayıldı”.O zaman Allahverdi müəllim “Payıza qədər”in ikinci, hətta üçüncü hissələrini də  yazdığını, lakin imkansızlıqdan çap etdirmədiyini qeyd edib.Elmin Nuri


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler