Musavat.az
Musavat.az




Müsavat » Xeberler» Xeber

Azerbaycana teref intizarla boylanan qardaşlarımız – Türkmenler…

28 Ekim 2016

1:04 pm


28/10/2016 [17:01]: xeber –
TÜRKMƏNLƏR İSTƏYİR Kİ, TÜRKİYƏDƏNSƏ DAHA ÇOX MƏHZ AZƏRBAYCAN ONLARA SAHİB ÇIXSINBizim sizinlə Yaxın Şərqdə gedən qanlı prosesləri həyacanla izlədiyimiz bax bu dəqiqələrdə Mosulda, Kərkükdə, eləcə də Suriya və İraqın türkmənlər yaşayan bir sıra digər məntəqələrində böyük humanitar fəlakət yaşanır. Həmin hümanitar fəlakətin ən gerçək nümunəsi isə ölkədən qaçıb özünü, əzizlərini qurtarmaq istəyən, ancaq xeyli hissəsi dənizlərə qərq olan insan kütləsidir. Hələb, Telafer, Mosul kimi bəzi iri şəhər və vilayətlərdə isə insanların hətta yaşayış yerlərini tərk etmək imkanları da yoxdur. Onlar orada mühasirədədirlər, girovdurlar. İŞİD onları orada Rusiyanın və ABŞ-ın bombardmanlarını əngəlləmək üçün canlı müdafiə sipəri kimi saxlayır, çətir kimi istifadə edir. İnsanlar Yaxın Şərqdə ağır insanlıq dramı yaşayır, lakin bütün bunlar hal-hazırda bölgədə bir-birinə qənim kəsilmiş supergüclərin heç birinin vecinə də deyil. Nə ABŞ-ın, nə Rusiyanın, nədəki Fransa və digər ölkələrin siyasətçiləri o insanların göz yaşlarına inanmır.Amma o insanlar bizdəndir. Onlar türkməndir. Təpədən dırnağa qədər qədim azərbaycanlılardır. Onları zamanında Səfəvilərin oralara göndərilmiş səfirləri də hesab etmək olar. Səfəvilər dövlətinin öz ərazilərini Yaxın Şərqə genişləndirməsindən sonra Azərbaycan türk boylarının bir hissəsi də məhz İraq və Suriya ərazilərində məskunlaşdılar. Sonralar həmin ərazilər uzun illər Osmanlı imperiyasının tərkibində qalsa da, lakin ordaki türkmənlər Azərbaycan türkcəsini unutmadılar. Onun üçün də indi Mosul,Kərkük və Hələb türkmənlərinə istənilən formalarda yardımların olunması Azərbaycan insanının mənəvi borcudur. Zatən İraq (Kərkük və Mosul) türkmən liderləri artıq özləri də Türkiyə və Azərbaycana müraciət edərək yardım istəyiblər. Onlar hətta müsahibə və bəyanatlarında Mosul və Kərkükdə yaşayan türkmənlərin özlərini Azərbaycanın ayrılmaz tərkib hissəsi olduqlarını hesab etdiyini də dilə gətiriblər. Türkmənlərin lideri və İraq parlamentinin üzvü Ərşad Salehi açıq şəkildə bildirib ki, rəsmi Bakı türkmənlərə sahib çıxmalıdır. “Türkmən Cəbhəsi” partiyasının lideri ölkədə yaşayan 3 milyona yaxın etnik türkmənin varlığının təhlükə altında olduğunu deyib. Salehi ilk növbədə Azərbaycan hökumətindən İraq türkmənlərinin başına gələn hadisələri qınamasını xahiş edib. Türkmən lideri xatırladıb ki, əsrin əvvəlində türk ordusu ilə Bakıya gələn türkmən hərbçiləri Azərbaycanın müstəqilliyi uğrunda şəhid olublar və Bakıda dəfn olunublar: “Başa düşürük ki, Azərbaycanın Dağlıq Qarabağ kimi problemi var, özünə yeni dərd yaratmaq istəmir. Amma biz bilmək istəyirik ki, Azərbaycan hökuməti və xalqı bizimlə bərabərdir. Yetər ki, mənəvi dəstəyini əsirgəməsin. Biz çox şey istəmirik, mənəvi dəstək istəyirik. Bakı bizə təhlükə yaradanları qınasın”.Maraqlıdır ki, türkmənlər istəyir ki, Türkiyədənsə daha çox məhz Azərbaycan onlara sahib çıxsın, Amma nədən məhz Aərbaycan ? Az öncə də qeyd etdiyim ki, bu, türkmənlərin Azərbaycan türklərinin bir parçası, bir uzantısı olmasından irəli gəlir. Onlar Türkiyəni sadəcə dost və qardaş ölkə, amma Azərbaycanı isə ata yurdu hesab edirlər. Bu ərkləri, bu istəkləri və bu umu-küsüləri də elə burdan qaynaqlanır. Ancaq Türkiyə ilə müqayisədə Azərbaycan dövlətinin bu gün türkmənlərə birbaşa açıq şəkildə yardım etməsi bir neçə səbəblər üzündən qeyri-mümkündür. Bizim bu məsələdə dövlət olaraq Türkiyə qədər əl-qolumuz açıq deyil. Üstəlik də, əgər bu gün qosqoca Türkiyə dövləti Mosul və Kərkük ətrafında cərayan edən proseslərə hələki heç cürə müdaxilə edə bilmirsə, Azərbaycan kimi yenicə müstəqillik qazanmış bir ölkənin Kərkükdən Hələbə qədər böyük bir coğrafiyada qarşı-qarşıya gələn dünya güclərinə bəyanatlar verməsi, meydan oxuması siyasi uzaqgörənlikdən tamamilə uzaq olardı. Nəzərə alsaq ki, bizim öz evimizin içində Dağlıq Qarabağ münaqişəsinin həllinə mane olan da elə həmin dünya gücləridir, o zaman Azərbaycan dövlətinin türkmənlərin taleyi ilə bağlı məsələdə fəaliyyət imkanlarının nə qədər məhdud olduğunu açıq-aşkar görmək olar.Amma cəmiyyət olaraq, sivil toplum quruluşları olaraq və yaxud, hətta tək-tək fərdlər şəklində də türkmən qardaşlarımıza dəstək verməyimizə isə mən heç bir əngəl və problem görmürəm. Sadəcə olaraq, bu işdə biraz təşəbbüskar olmaq lazımdır. Vətəndaşlarımız, QHT-lərimiz türkmənlər üçün humanitar yardım aksiyaları təşəbbüsləri ilə çıxış edə bilərlər. Tibbi ləvazimatlar, isti pal-paltar, yarımfabrikat ərzaq məhsulları, gündəlik məişət əşyaları, adyal və çadırlar və sair bu kimi əsas təlabat vasitələrini toplayıb bir neçə yük maşını ilə və ya mülki aviasiya ilə Türkmənelinə çatdırmaq mümkündür. Amma bu işlər mümkün qədər tez bir müddətdə görülməlidir. Çünki İraq qoşunu, kürd peşmərgələri və ABŞ başda olmaqla koalisiya qüvvələri artıq Mosulun lap həndəvərinə yaxınlaşıblar. Bu gün səhər saatlarında verilən xəbərlərdə İŞİD-ə qarşı birləşən bu qüvvələrin artıq Mosulun 4 kilometrliyində olduğu bildirilirdi. Bu isə İŞİD-in gündən-günə getdikcə daha çox sıxışdırılması deməkdir. İŞİD sıxışdırıldıqca isə getdikcə daha da quduzlaşır və bunun da faciəli nəticələri məhz türkmənlərin başında çatlayır. Humanitar fəlakətin, insan faciələrinin, ölümlərin miqyası gün-gündən artır. Ona görə də bizim yardımlarımızın onlara yetişməsində nəinki hər günün, hətta hər saatın və hər dəqiqənin də əhəmiyyəti var.Ayrıca, maddi yardımlarımızla bərabər, mənəvi-psixoloji dəstəyimiz də çox önəmlidir.Türkmənelindəki insanlar hiss etməlidirlər ki, onlar tək deyillər, onların arxasında Azərbaycan var, azərbaycanlı qardaşları var. Biz onlara bu dəstəyi həm də ona görə verməliyik ki, bu günün sabahı da var. Sabah ikinci Qarabağ Müharibəsi başlayanda bizə ilk köməyə gələnlərdən biri də məhz türkmən qardaşlarımız olacaq. Zatən onlar özləri də elə indidən bunu açıq şəkildə bildirirlər ki, İraqda savaş bitdikdən sonra Qarabağda döyüşəcəklər. Türkmənlər qorxubilməz, döyüşkən insanlardır. Biz arxayınçılıqla onlara çiyin söykəyə bilərik. Onlar bizim gücümüzə əlavə güc qatacaq. Məsələyə bax bu cür geniş planda baxmaq lazımdır.Azərbaycanın və Türk Dünyasının sabahını düşünənlər, gəlin türkmən qandaşlarımızı, soydaşlarımız tək qoymayaq!Əlisahib HüseynovDemokratik Azərbaycan Dünyası Partiyasının (DADP) sədri


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler