Musavat.az
Musavat.az




Müsavat » Xeberler» Xeber

Azerbaycan ve İran demiryolçuları serhedde -Foto

09 Kasım 2016

7:28 pm


09/11/2016 [23:26]: xeber –
Azərbaycan və İran dəmiryolçularının sərhəddə – Astara çayı üzərində tikilən körpüdə görüşü keçirilib. “Azərbaycan Dəmir Yolları” QSC-nin mətbuat katibliyindən sayt-a bildiriblər ki, bu qurumun sədri Cavid Qurbanovun rəhbərlik etdiyi Azərbaycan nümayəndə heyəti Astara stansiyasından İran ilə dövlət sərhədinə qədər birxətli, uzunluğu 8,3 kilometr olan dəmir yolunu ilk dəfə dizel qatarla qət edərək Astara çayı üzərində tikilən körpüyə gəlib. İran İslam Respublikasının Dəmir Yolunun baş direktoru Mohsen Purseyid Ağayinin rəhbərlik etdiyi nümayəndə heyəti də körpünü keçərək Azərbaycan tərəfinə gəlib. Səmimi dostluq şəraitində keçən görüşdə çıxış edən Cavid Qurbanov bildirib ki, Avropa ilə Asiyanın qovuşuğunda yerləşən Azərbaycanın nəqliyyat qurumları Şərq-Qərb və Şimal-Cənub beynəlxalq nəqliyyat dəhlizlərində fəal rol oynayır. Azərbaycan Prezidenti İlham Əliyev 2015-ci il dekabrın 7-də “Şimal-Cənub Beynəlxalq Nəqliyyat Dəhlizinin Azərbaycan Respublikasının ərazisindən keçən hissəsində işlərin sürətləndirilməsi haqqında” Sərəncam imzalayıb. Həmin Sərəncama uyğun olaraq, bu il aprelin 20-də Azərbaycan-İran dövlət sərhədində, Astara çayı üzərində dəmir yolu körpüsünün təməli qoyulub. Həmçinin Astara stansiyasından İran ilə dövlət sərhədinə qədər uzunluğu 8,3 kilometr olan birxətli dəmir yolunun çəkilişinə başlanılıb. Artıq həmin dəmir yolu xətti hazırdır. Bu yol boy 12 yoldəyişdirici qurğu, iki yerdə qorunan keçid quraşdırılır. Astara çayı üzərindəki tikilən körpüdə 4 dayaq, istinad divarları tikilib, körpünün üstü betonlanıb, məhəccərlər qoyulub. Körpüdə son tamamlama işləri həyata keçirilir. Hazırda tağların quraşdırılması prosesi gedir. Sonra nümayəndə heyətləri İran tərəfdə tikintisi davam etdirilən yük terminalına baxış keçirib, uzunluğu 1,3 kilometr olan yolun torpaq yatağında görülən işlərlə maraqlanıblar. Daha sonra Cavid Qurbanov İranın kütləvi informasiya vasitələri nümayəndələrinin suallarını cavablandırıb. Sonda görüş iştirakçıları Astara stansiyasından İran dövlət sərhədinə qədər 8,3 kilometr uzunluğunda birxətli dəmir yoluna baxış keçiriblər. Mohsen Purseyid Ağayi Azərbaycan tərəfindən görülən işləri yüksək qiymətləndirib. Şimal-Cənub beynəlxalq nəqliyyat dəhlizi Şimali Avropanı Cənub-Şərqi Asiya ilə birləşdirir. Proqnozlar göstərir ki, tam gücü ilə fəaliyyət göstərəcəyi təqdirdə bu nəqliyyat dəhlizi Avropa ölkələrinin, Rusiyanın, Orta Asiya və Qafqaz regionlarının Fars körfəzinə və Hindistana çıxışına, Xəzəryanı ölkələrin Qara dəniz limanları ilə ticarət əlaqələrinin intensivləşdirilməsinə şərait yaradacaq.


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler