Musavat.az
Musavat.az




Müsavat » Xeberler» Xeber

“Azerbaycan mekteblerinde istifade olunan derslikler şexsiyyet yetişdire bilmir”

28 Ağustos 2016

6:52 pm


28/08/2016 [22:48]: xeber –
Hər bir ölkənin inkişafının əsas amillərindən biri də elm və təhsildir. Təhsilimizin bəzi problemləri həll olunsa da üst-üstə yığılaraq köhnəlib qalanlar da yox deyil. Savadlı nəsil yetişdirmək üçün tədris edilən dərslər ən müasir və təkmilləşdirilmiş səviyyədə şagird və tələbələrə çatdırılmalıdır. Ancaq fənlərin çoxu hələ də təkmilləşdirilməyib, sovet dövründə olduğu kimi qalır. Təhsil üzrə ekspert Kamran Əsədov problemlə bağlı fikirlərini sayt-a bildirib: “Bilirsiniz, hazırda Azərbaycan istər orta məktəblərində, istərsə də ali məktəblərdə istifadə olunan bütün dərsliklərin mövzusu, strukturu, hətta humanitar sahəyə aid dərsliklərdə dövrləşmə sovet dövründən qalmış, müasir standartlara cavab verməyən formadadır. Bu gün dünyada dərsliyə yanaşma və baxış tərzi dəyişib. Amma bizdə təəssüflər olsun ki, dərsliklərdə dəyişikliklər çox zəif və ya dəyişikliklər olunan dərsliklərdə bu proses səhv gedir.Azərbaycan məktəblərində istifadə olunan dərsliklər şəxsiyyət yetişdirə bilmir. Ancaq informasiya verir və ya nəyisə əzbərləməyə yönəldir. 2006-cı ildə “Azərbaycan Respublikasında ümumi təhsilin Konsepsiyası (Milli Kurikulumu)” hazırlandı. Ümid edirdim ki, Azərbaycan dərslikləri artıq sovet təfəkküründən azad olacaq. Bu daha çox tarix fənnindən olan dərsliklərə aiddir. Çünki istifadə olunan tarix dərslikləri nə Avropa, nə də ki, Amerikada istifadə olunan, dünyada qəbul olunmuş meyarlar əsasında hazırlanmayıb. Yenə də ümidlə gözləməyə başladıq. Və 2010-cu ildə “Ümumi təhsil pilləsinin dövlət standartı və proqramları (kurikulumları)” təsdiq edildi. Azərbaycan məktəbləri üçün yeni kurikulum əsasında dərsliklər yazılmağa başladı. Amma təəssüflər olsun ki, 2011-ci ildən sonra Tarix fənnindən yazılmış dərsliklərin heç biri kurikulumun standartlarına uyğun deyil. Sadəcə olaraq, köhnə dərsliklərdə qısa redaktə xarakterli dəyişikliklər edib, şəkil və dizaynını dəyişib yenidən eyni müəlliflər nəşr etdirib. Hesab edirəm ki, dərsliklər şagirdi yormamalı, onda həmin fənnə qarşı maraq, həvəs oyatmalı, şagirdi tədqiqatçılığa, müqayisəyə və təhlil etməyə yönəltməlidir. Dərslik ensiklopediya deyil. Dərslikdə fakt, hadisə haqqında qısa, marağlı məlumat və bilgilər vermək lazımdır. Əgər o şagirdə marağlı olsa, özü əlavə tədqiqatlar aparıb öyrənər. Təssüflər olsun ki, bu gün orta məktəblərdə istifadə olunan tarix dərslikləri ilə ali məktəblərə istifadə olunan tarix dərslikləri arasında heç bir fərq yoxdur. Orta məktəb tarix kitabları həddindən artıq əlavə informasiya ilə yüklənib. Bu qədər informasiyanı qavramaq 12-15 yaşlı uşağın psixologiyası üçün doğru deyil. Dünya təcrübəsi bunu inkar edir”. Mehman Nəbiyev


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler