Musavat.az
Musavat.az




Müsavat » Xeberler» Xeber

AXCP ve Müsavat açıq-aşkar odla oynayır – Dindarlara siyasi kart-blanş vermekle…

22 Eylül 2016

8:48 am


22/09/2016 [12:46]: xeber –
Referendum və mitinqlər Azərbaycanın siyasi gündəminə yeni bir faktor gətirdi: din faktorunu. Belə ki, radikallığa meylli bəzi dindarlar referendum öncəsi təbliğat-təşviqat kampaniyasının yaratdığı imkanlardan istifadə edərək öz varlıqlarını, mövcudluqlarını həm göstərməyə, həm də təsdiqlətməyə çalışdılar.Son günlər dindarlar xeyli fəallaşıblar. Daha doğrusu, onları fəallaşdıranlar. Onları körükləyib qızışdırmağa çalışanlar və onlardan sadəcə alət kimi istifadə etməyi hədəfləyənlər var. Bu qızışdırıcıların, körükçülərin də kimliyini, nəçiliyini sizlər hamınız yaxşı bilirsiniz . Söhbət təbii ki, Milli Şura- AXCP cütlüyündən və Müsavat partiyasından ibarət olan radikal müxalifət qüvvələrindən gedir. Müxalifətin bu cinahı dindarların narazı təbəqəsini zorla siyasiləşdirməyə, onları meydanlara çıxararaq öz sosial bazasını yenidən formalaşdırmağa, dindarların dəstəyi sayəsində yenidən güclü müxalifət obrazının heç olmasa görüntüsünü yaratmağa çalışırlar.Əli Kərimli və Arif Hacılı mitinq tribunasından dindarları salamlayaraq inanclı kəsimə rəsmən qucaq açdıqlarını sərgilədilər. İsa Qəmbər də onların akapellasına qoşuldu. Beləliklə də, sentyabrın 11-i, 17-i və 18-də keçirilən mitinqlər Azərbaycanın siyasi mozaikasına yeni bir çalar gətirdi, rəng qatdı. Dindarlar da siyasi palitranın bir rənginə çevrilməyə can atdılar. Həm də “Allahu Əkbər” sədalarının müşayiətilə. Və mən həmin sədaları eşidəndə özümü bir anlığa Azərbaycanda deyil, İraqda, Əfqanıstanda, Liviyada, lap elə Suriyada hiss elədim. Sanki “əl-Qaidə”, “əl-Nüsra”, İŞİD yaraqlılarının qəzəbli “Allahu Əkbər” bağırtılarını Bakının tən mərkəzində dinləyirdim.Bu nə deməkdir, bəylər ? Siz nə etmək istəyirsiz ? Nəyə və kimə yol açırsınız ? Məqsədiniz Azərbaycanda İran İslam inqilabına bənzər bir inqilabi hərakat başlatmaqdırmı ? Yoxsa, Suriya gerçəklərini eynən Azərbaycanda da təkrarlamağı hədəfləyirsiniz ? Sizlər müxalifət liderləri olaraq radikal dindarlara yaşıl işıq yandırmaq qərarını verərkən bunun sonunu yüz ölçüb bir biçdinizmi ? Və qucaq açdığınız , söykənmək istədiyiniz , böyük ümidlər bəslədiyiniz dindar kəsimin xarakterini, niyyətlərini, ideoloji məramlarını heç olmasa səthi də olsa təhlil etdinizmi ? Siz Mövsüm Səmədov və Taleh Bağırzadə kimi radikallara, aqressiv islamçılara söykənərəkmi Azərbaycanı AvroAtlantika məkanına daşımağı düşünürsünüz ? Yoxsa, sizlər də sadəcə Türkiyənin ana müxalifət liderləri Kamal Kılıcdaroğlu və Dövlət Baxçalı kimi, yaranmış əlverişli situasiyadan yararlanaraq sadəcə blef edir və dindarları öz tərəfinizə çəkməyə çalışırsınız ?Ancaq CHP və MHP liderlərinin məlum addımlarının fiasko ilə nəticələndiyindən də hər halda xəbərdar olmamış deyilsiniz. İstər Kamal Kılıcdaroğlu, istərsə də Dövlət Baxçalı Ərdoğana qarşı apardıqları siyasi mübarizədə uğur əldə etmək üçün eynilə Ərdoğanın yerişini yerimək və inanclı insanları öz partiyalarının sıralarına cəlb etmək istəsələr də, lakin inanclılar onların bu oyununa getmədilər, hər iki siyasi lideri iqnor etdilər. İndi analoji situasiyanı Azərbaycanda da müşahidə etmək mümkündür. Dinə siyasi alət kimi baxmayan, ondan öz çirkin məqsədləri və qrup maraqları üçün istifadə etməyi düşünməyən, dini yalnız bir iman məsələsi kimi bilən, İslamı yalnız Allahla özü arasında körpü kimi dəyərləndirən və gündəlik ibadətlərini yerinə yetirən sıravi dindarlar nə AXCP-yə, nədəki Müsavat partiyasına rəğbət bəsləmir və mitinqlərinə də dəstək vermir. Bəs AXCP-nin və Müsavatın son mitinqlərinə can atan, “Allahu Əkbər” qışqıran dindarlar kimlər idi ? Ölkədə siyasi hakimiyyəti ələ keçirməyi planlayan və dini ekstremizm hərəkətlərinə yol verən mövsüm səmədovçular, taleh bağırzadəçilər, gülənçilər və vəhhabi-sələfi cərayanına mənsub olan bir qrup dini marginallar. Baxın, Azərbaycanın ana müxalifəti rolunu oynamağa iddialı partiyaları son anda həm cəmiyyət üçün, həm də dövlətin təhlükəsizliyi üçün təhlükə törədən bu cür radikal dini ünsürlərə “stavka” etdilər. Bu isə heç də sıradan bir məsələ deyil.Öz siyasi elektoratını, sosial bazasını, tərəfdarlarını tamamilə itirmiş və indi də bir qrup narazı dindarların ümidinə qalmış aparıcı müxalifət partiyalarının sabah da eynilə Suriyadakı müxalif siyasi qüvvələr kimi silahlı mübarizə üsullarına əl atmayacaqlarına əslində heç bir zəmanət yoxdur. Elə “Məhsul” stadionundaki məlum mitinqlərdə səsləndirilən aqressiv şüarlar və tez-tez təkrarlanan “İstefa” şüarları da bunu deməyə əsas verir ki, radikal müxalifət həqiqətən də radikal mübarizə yolunu seçib. “Allahu Əkbər”i imanının səsiylə deyil, siyasi məqsədlərlə qışqıran dindarlara siyasi kart-blanş vermək isə AXCP və Müsavatın açıq şəkildə odla oynaması deməkdir.Görəsən, bunlar nə etdiklərinin fərqindədilərmi ? Məgər Əli Kərimli, İsa Qəmbər və Arif Hacılı anlamırlarmı ki, dini siyasi alver predmetinə çevirmək olmaz?


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler