Musavat.az
Musavat.az




Müsavat » Xeberler» Xeber

Atasız-anasız şehidimiz – REPORTAJ…

01 Kasım 2016

7:32 pm


01/11/2016 [23:28]: xeber –
Torpaqlarımızın azadlığı uğrunda canından keçən igid oğullarımızdan biri də Cəfərzadə Rəşad Əliyar oğludur. Rəşad 2015-ci ilin dekabr ayının 16-da şəhid olub. Amma bu gün hamı Rəşadın ağrılı taleyindən danışır. Hələ uşaqkən həm atasını, həm də anasını itirən şəhid əsgərimiz bacısı Nübarla birlikdə dayısı Mahir müəllimin himayəsində böyüyüblər. Rəşad uşaqlığını atasına-anasına, gəncliyini isə bu torpağa qurban verdi.Biz sayt olaraq torpaqlarımızın azadlığı uğrunda şirin canından keçən bütün şəhidlərimizin ruhunun qismən də olsa rahatlıq tapması üçün hər dəfə bir şəhid qapısını döyürük. Bu dəfə şəhid əsgərimizin ailəsi ilə görüşmək üçün Binəqədi rayonundakı evlərinə yollandıq. Bizi şəhidimizi öz balası kimi böyüdən dayısı Mahir müəllim qarşıladı. Elə söhbətimizə şəhidimizin dayısı ilə başladıq:“Rəşadın atası beyin iflici xəstəliyinə tutuldu…”“Bizim əslimiz Ağdam rayonundandı. Mən özüm 1964-cü ildə Bakıya gəlmişəm. Rəşadgilin ailəsi isə Ağdam işğal olunandan sonra qaçqın düşdülər. Rəşadgil evdə bir bacı və bir qardaşdılar. Atası Əliyar halal adam idi, elə Binəqədidə işləyib ailəsini dolandırırdı. Elə oldu ki, Rəşadın atası beyin iflici xəstəliyinə tutuldu. Bir neçə il xəstə yatdıqdan sonra atası 2009-cu ildə vəfat etdi. Onda Rəşad ilə Nübar balaca uşaq idilər.“2012-ci ildə Rəşad anası Xatirəni də itirdi…”Çox keçmədi ki, Rəşadın anası Xatirə də səhhəti ilə bağlı şikayətlər etdi. Həkimə apardıqdan sonra məlum oldu ki, xərçəng xəstəliyinə tutulub. Nə qədər müalicə etsək də mümkün olmadı. 2012-ci ildə Rəşad anası Xatirəni də itirdi. Bundan sonra mən həm Rəşadı, həm də bacısı Nübarı öz himayəmə götürdüm. Rəşad çox sakit və gözü tox uşaq idi. Heç vaxt məni incitməzdi. Özümün də üç uşağım var. Elə bacım balalarını da öz uşaqlarımla birlikdə böyütməyə başladım. Rəşad çox zirək uşaq idi, məktəbdən sonra yaxınlıqdakı zavodda işləyirdi. Öz əynini-başını qazandığı pulla alırdı. Hətta bacısı Nübara da köməklik edirdi.“Öz bacım qızını gəlin köçürdüm…”2014-cü ildə Rəşadın bacısı Nübarın toyu oldu. Öz bacım qızını gəlin köçürdüm. Həmin ilin oktyabr ayında isə Rəşad hərbi xidmətə yollandı. İlk olaraq Gəncə şəhərində N saylı hərbi hissədə xidmətə başladı. Yanına da gedib-gəlirdik. Bir dəfə ona dəyməyə gedəndə bildim ki, Rəşad kəşfiyyat bölüyünə yazılıb. Mən də etiraz etmədim. Sonra Rəşad Tərtər rayonuna göndərildi. Tərtərdə şəhərin özündə hərbi hissədə xidmət edirdi. Həmişə telefon əlaqəsi saxlayırdıq. Heç bir problemi yox idi.“Arzularımız var idi…”Polis olmaq istəyirdi. Mən də ona görə çalışırdım ki, xidmətini uğurla başa vursun. Arzularımız var idi. (Kövrəlir) Hərbi xidmətini başa vurmağa üç ayı qalmışdı. 2015-dekabrın 17-də mənə rayon icra nümayəndəliyindən zəng gəldi və Rəşadla maraqlandılar. Sonra məni hərbi komissarlığa dəvət etdilər. Ora gedəndə bildim ki, Rəşad şəhid olub. Dekabrın 17-də Rəşadın cənazəsi gətirildi və yeddinci mikrorayonda Rəşadı öz ata və anasının yanında dəfn etdik.“Həmişə elə gözlərində kədər var idi…”Mən Rəşada həm dayı, həm də valideyn olmuşam. İndinin özünə kimi Rəşada görə bu qapıya gəlib-gedənlər olur. Əsasən də Rəşadın sinif yoldaşları, əsgər yoldaşları və media nümayəndələri gəlirlər. Çox çətindi Rəşadsız. Rəşad heç uşaqlığını yaşamadı. Atas-anası xəstə olduğu üçün o, ancaq dərddən-qəmdən başqa bir şey görmədi. Həmişə elə gözlərində kədər var idi. Oktyabrın 14-də ad gününü qeyd etdik. Əsgər yoldaşları, sinif yoldaşları doğum günündə iştirak etdi. Dekabr ayında il mərasiminə hazırlaşırıq”.Rəşadın dayısı oğlu Bəhuz da onunla bağlı xatirələrini bölüşür:“Rəşad ilə bir evdə böyümüşük. Biz qardaş olmuşuq. Bir çarpayıda yatmışıq. Heç vaxt bizim bir problemimiz olmayıb. Bu xəbərdən sonra hamımız pis olmuşuq. Bizim heç ağlımıza gəlmirdi ki, belə olar. Çox sakit uşaq idi, heç kimə dəyib-dolaşmırdı. 99 saylı orta məktəbdə oxumuşduq. Amma Rəşad məndən yaşca üç yaş kiçik idi”.Sonda şəhidimizin ailəsinə başsağlığı verib oradan ayrılırıq. Allah bütün şəhidlərimizə rəhmət eləsin.Vasif Əlihüseyn


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler