Musavat.az
Musavat.az




Müsavat » Xeberler» Xeber

AMİP deyirmi masa keçirib

10 Kasım 2016

6:32 pm


10/11/2016 [22:29]: xeber –
Bu gün AMİP-in müvəqqəti mərkəzi
qərargahında Azərbaycanın dövlət müstəqilliyinin tanınmasının 25 illiyinə həsr
olunmuş “Azərbaycan beynəlxalq aləmin subyekti kimi” mövzusunda Dəyirmi Masa
keçirilib.

Tədbiri giriş sözü ilə
açan AMİP Baş katibi Arzuxan Əlizadə “Azərbaycanın dövlət müstəqilliyinin ilk dəfə
Türkiyə tərəfindən tanınmasını tarixi hadisə adlandıraraq, bunun təsadüf
olmadığını bildirdi: “Türkiyə hər zaman Azərbyacan xalqının yanında olduğunu,
ona qardaş münasibət bəslədiyini, bununla bir daha təsdiqlədi”.

Etibar Məmmədovun dövlət
müstəqilliyinin tanınması ilə bağlı Türkiyəyə rəsmi səfərini əks etdirən videorolikin
nümayişindən sonra çıxış edən AMİP Siyasi Şurasının üzvü Əli Orucov Azərbaycanın
dövlət müstəqilliyinin beynəlxalq aləm tərəfindən tanıdılmasının Milli Azadlıq
və müstəqillik uğrunda aparılan mübarizənin növbəti fazası olduğunu deyərək, bu
yöndə Etibar Məmmədovun göstərdiyi xidmətlərə diqqət çəkdi.  Azərbaycan beynəlxalq aləmin subyektinə
çevirmək müstəqilliyin elanı qədər çətin və uzun proses idi. SSRİ hələ rəsmən varlığını
saxlayırdı, imperiyanın xofu qalırdı, daxildən də müstəqilliyi istəməyən qüvvələr
hələ tam zəifləməmişdi. Bununla belə Azərbaycanın yenidən öz müstəqilliyi barədə
18 oktyabr 1991-ci il tarixdə qəbul etdiyi Konstitusiya Aktının kağız üzərində
həyata keçmədən təkrar işğala məruz qalması təhlükəsi qalırdı. Belə bir dövrdə
Etibar Məmmədov Türkiyəyə səfər edib qardaş ölkədən tanınma tələbində bulundu.
Yüksək səviyyəli və gərgin keçən görüşlərdən sonra Ankara 9 noyabr 1991-ci ildə
Azərbaycanın dövlət müstəqilliyini tanıdı. Beləliklə də dünya arenasına daha
bir türk dövləti olan Azərbaycan tanınma yolunda ilk addımını uğurla atdı. Azərbaycanın
dövlət müstəqilliyinin ilk dəfə yenidən tanınması həm Azərbaycanda, həm də Türkiyədə
böyük coşqu və sevinclə qarşılandı. Türkiyədən sonra Rumınya 11 dekabr,
Pakistan 13 dekabr 1991-ci il tarixlərində dövlətimizin müstəqilliyini tanıyan
ölkələr oldu. Onu da vurğulamaq lazımdır ki, dekabrın əvvəllərində parlamentin
üzvü və nümayəndə heyətinin rəhbəri E. Məmmədovun Pakistana səfərinin nəticəsi
olaraq İslamabad müstəqilliyimizin tanınması barədə qərar qəbul etdi.

Bu gün Azərbaycan
dünyanın ayrılmaz bir parçasıdır, üçrəngli bayrağımız BMT-də dalğalanır, ölkəmiz
beynəlxalq və regional təşkilatlarda təmsil olunur, diplomatik və digər əlaqələrini
günü-gündən genişləndirir. Qətiyyətlə inanıram ki, böyük və bütöv Azərbaycan
dünyanın ən hörmət edilən və onunla hesablaşılan bir dövləti olacaq.

Çıxış edən Azərbaycan
Milli Dövlətçilik Partiyasının sədri Nehmət Pənahlı dedi ki, Azadlıq meydanına
çıxanda bizə deyirdilər ki, Rusiyaya qarşı çıxmaq olmaz. Amma əliyalın Azərbaycan
xalqı atom silahına malik imperiyaya qalib gəldi. O vaxtlar hərəkatda olan və
özlərini liberallar adlandıran şəxslər Moskvadan azadlıq və müstəqillik tələb
etməyimizi süngü ilə qarşılayırdılar. Lakin E. Məmmədovun rəhbərlik etdiyi
radikal qanad ilk növbədə müstəqillik əldə etməyimizi qəti şəkildə qoymuşdu və
sevindirici haldır ki, Etibar bəyin “radikal” qanadı sonda qalib gəldi. Ölkənin
beynəlxalq aləm tərəfindən tanınması da E.Məmmədovun bu qətiyyətli və özünə
inamlı fəaliyyətinin nəticəsidir. Bu gün Azərbaycandakı çətinliklərə baxmayaraq
hamımız üçün vacib olan dövlət müstəqilliyinin qorunub saxlanılmasıdır. N.Pənahlı
mövcud vəziyyətdən çıxmağın yeganə yolunu mütərəqqi qüvvələrin bir araya gəlməsində
gördü.

Dünyəvi Bozqurd
Partiyasının sədri Şakir Ulubəyli bildirdi ki, M.Ə.Rəsulzadənin ucaltdığı
bayrağı meydanlardan dünya birliyinin sıralarında dalğalandırılmasına qədər daşıyan
şəxsin E.Məmmədov olduğunu heç kəs inkar edə bilməz və bundan böyük xalq
qarşısında xidmətlər ola bilməz. İndi bizim vəzifəmiz dünyada tanınan və
dalğalanan bayrağımızın “bir daha enməsinə” imkan verməmək, “ərazi
bütövlüyümüzü bərpa etməkdən ibarətdir”.

Böyük Azərbaycan
Partiyasının sədri Elşad Musayev çıxışında Azərbaycan tarixinin
saxtalaşdırılmasına diqqət çəkdi:”Ən böyük problem tariximizin
saxxtalaşdırılması və ideologiyalara qurban verilməsidir”. Xalqımızın dövlətçilik
tarixi qədimlərə gedib çıxdığı halda bir qrup bunu 1918-20-ci illərə, digər
qrup isə 1969-cu, yaxud da 1933-cü ilə bağlayırlar. Azərbaycan dövlət müstəqilliyinin
yenidən xarici dövlətlər tərəfindən tanıdılması E.Məmmədovla bağlıdır. Bunun üzərindən
sükutla keçilməsi, elə tariximizin saxtalaşdırıılması deməkdir.

BAB təmsilçisi Aida
xanım, Rusiya Federasiyasının Stavropol diyarında Azərbaycan diaspora təşkilatının
qadınlar şurasının sədri Bəsti Mütəllimova, “Günaz” TV-nin Bakı ofisinin rəhbəri
Araz Obalı, ziyalılardan Arif Əzizov, Aydin Əliyev və digər natiqlər öz
çıxışlarında mövzu ilə bağlı fikirlərini bölüşdürdülər. 


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler