Musavat.az
Musavat.az




Müsavat » Xeberler» Xeber

“AKP vaxtile buraxdığı sehvi aradan qaldırmaq isteyir, amma…”

05 Kasım 2016

8:48 am


05/11/2016 [12:44]: xeber –
“Türkiyə rəhbərliyinin vaxtilə buraxdığı səhvlərin acısını dadır. Türkiyədə birdən-birə kürd, erməni və s. açılımları gündəmə gətirdilər və elə fikirləşdilər ki, milli etniklərə səlahiyyətlər, mədəni muxtariyyət verəndə hər şey qaydasına düşəcək. Amma bir də onda ayıldılar ki, Türkiyə tamam parça-parça olur. Lazlar bir cür istədi, ərəblər bir ayrı cür istədi, lazlar, kürdlər, hətta 200 minlik ermənilər belə ayağa durdu. Türkiyə indi ayıldı, amma gecdir, çünki bütün hallarda kürdlərlə bağlı buraxdığı səhv o biri xalqlarla bağlı səhvlərlə eyni deyildi. Kürdlərin sayı çoxdur, rəsmi statistika ilə 15-20 milyondular, bu rəqəm də 79 milyonun içərisində az rəqəm deyil. Ona görə də indi AKP vaxtilə buraxdığı səhvi aradan qaldırmaq istəyir, amma metodu düz deyil”. Bunu sayta açıqlamasında tanınmış politoloq Cümşüd Nuriyev Türkiyədə baş verən son hadisələrə münasivət bildirərkən deyib. C.Nuriyev eyni vaxtda bu qədər millət vəkilinin həbs olunmasının doğru hesab etmədiyini qeyd edib: “Əvvəla, Səlahəddin Dəmirtaş, Ermənistan doğumlu bir adam gəlib Türkiyədə sadəcə müxalifət partiyasının sədri olanda bunların təhlükəsizlik orqanları hara baxırdı?! Onsuz da ermənilər onlara qarşı çoxdan təxribat hazırlayırdı. Türkiyə qanunvericiliyinə görə bu adam Türkiyədə partiya sədri ola bilməzdi, çünki o başqa ölkədə doğulub və o ölkənin vətəndaşı sayılır. Türkiyyə o sonradan gəlib və bu da o demək deyil ki, Türkiyədə hər şey edə bilər. Onun siyasətlə məşğul olması qadağandır, amma nədənsə bu MİK-in gözündən yayınıb, ya bəlkə də bilərəkdən edilib. İkincisi bunlar bilmirdilərmi ki, onları aparıb İmralıda Öcalanla görüşdürəndə Öcalandan hər cür məsləhət alacaqlar? Bu səhvi o zaman buraxıblar. İndi də bunları kütləvi şəkildə həbs etmək Türkiyəyə heç bir başucalığı gətirməyəcək. Əvvəla, istəsələr də, istəməsələr də bunlar siyasi məhbusdur, həm də Türkiyənin hər yerini kütləvi etirazlar, nümayişlər bürüyüb. Digər yandan da Türkiyə qanunvericiliyini dəyişsələr belə, qanun yol versə belə, bütün hallarda bu qədər millət vəkilini eyni vaxtda tutmaq düzgün deyil. Hazırda daha çox Türkiyənin gələcəyini düşünməlidirlər, ancaq AKP sırf hakimiyyətini fikirləşir”. Politoloq onu da vurğulayıb ki, Türkiyədə bundan sonra terror hadisələri arta bilər: “Ürək ağrısı ilə onu da qeyd etməliyik ki, Türkiydə baş verən hadisələr bizimçün çox ağırdır. Çünki dünən səhər artıq terror hadisəsi baş verdi və hər gün bu terrorun olmayacağına heç bir zəmanət yoxdur. Hadisələrin bu şəkildə gedişi göstərir ki, Ərdoğan yenə də səhvə yol verir. Çünki bu, Qərb dövlətlərinin Türkiyəyə qarşı sanksiyası üçün atılmış bir tilovdur, oyundur və Türkiyə iqtidarı da bu oyuna getdi. Güclə ya medianı, ya da HDP-ni  susudurmaq mümkün olmayacaq. Hələ burada Fətullah Gülən faktoru da var, fikir verin, Güləni gətirmək üçün getdilər və avtomatik olaraq Türkiyə yenidən qarışdı. Ardınca da kimsə bunlara başa saldı ki, güya bunlar həbs olunanda hər şey yaxşı olacaq. Bütün hallarda bu xaricdə hazırlanmış çox məkrli və dəhşətli bir ssenaridir. Əgər bu ssenarinin gizli oyuncuları Qərbdədirsə, o deməkdir ki, Ərdoğanı ən azı yaxın vaxtlarda yenidən çevirməyə cəhd edəcəklər, bəlkə də çevirəcəklər.  Çünki hadisələrin gedişi, analizi bunu göstərir. Türkiyə 15 iyun dərbəsindən hələ də ağıllı nəticə çıxarmayıb.Biz bir Tük olaraq hər zaman çılğınıq, beynimiz qızışanda heç nəyi görmürük, bütün məsələlərdə beləyik. Çox qürrəli bir xalqıq və heç vaxt qürrəmizi yenə bilmirik, bu da siyasətdə çox vaxt zərər verir. Türkiyə də çox qürrələndi, mən-mən dedi, hazırda Türkiyədə  diktatura qurmaq istəyirlər. Qurulacaq bu diktaturanın da nəticəsi mütləq çevriliş olacaq, bu, birmənalı şəkildə belədir. Yaxın 2-3 ay ərzində Türkiyənin qarışacağını indidən proqnozlaşdırmaq olar”.Rumiyyə MİRASLAN 


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler