Musavat.az
Musavat.az




Müsavat » Xeberler» Xeber

Ağdamın meşhur “Çay evi”nin maraqlı – Tarixçesi

27 Ekim 2016

7:00 am


27/10/2016 [10:58]: xeber –
XX əsrin 80-ci illərinin ortalarından başlayaraq, SSRİ-də yeni siyasi, iqtisadi və ictimai mühit formalaşmağa başladı. Sərxoşluğu və alkoqolizmi aradan qaldırmaq haqqında keçmiş Sov.İKP MK-nın məlum qərarı Ağdamda yeni çay evinin yaranmasına təkan verdi. Beləliklə, yeni tikilən çay evi Ağdam şəhərinin simvoluna çevrildi. sayt jurnalist Fəxri Hacıbəyin Ağdamdakı “Çay evi”nin tarixçəsi ilə bağlı Feysbuk səhifəsində paylaşdığı yazını təqdim edir: “Çay evi”nin yaranmasının maraqlı tarixçəsi var. Belə nəql edirlər ki, günlərin birində üzərində Çin memarlığının görüntüsü olan bir jurnal AMEA-nın müxbir üzvü, geologiya-mineralogiya elmləri doktoru, professor Xudu Məmmədovun diqqətini çəkir. Şəklidə çay evinə oxşar binanın təsviri var imiş. O bu şəkli ilk növbədə Ağdam RPK-nın o zamankı birinci katibi işləyən, yaxın dostu Sadıq Murtuzayevə göstərməyi qərara alır. Bu məqsədlə Ağdama gələn Xudu müəllim görüşdə belə bir binanın Ağdamda inşa edilməsini xahiş edir. Şəkil Sadıq Murtuzayevin də xoşuna gəlir və Xudu müəllimin sözünü yerə salmır. Birinci katib rayonun imkanlı təşkilat rəhbərlərinin iştirakı ilə müşavirə keçirir və işi həmin dövrdə Ağdam Rayon İstehlak Cəmiyyəti İdarə Heyətinin sədri vəzifəsində çalışan Rəşid Məmmədova həvalə edir. Həm də tikiləcək bina gələcəkdə onun rəhbərlik etdiyi təşkilatın balansına veriləcəkdi. Prosesə rayonun baş memarı Firdovsi İbrahimov da cəlb edilir. Xudu müəllimin katiblə söhbətində obyektin gələcək təyinatı da müəyyən edilmişdi: obyekt “Çay evi” kimi fəaliyyət göstərəcəkdi. “Çay evi”nin tikintisində ən çətin işi – günbəzin sinklənmiş dəmirlə vurulmasını isə Ağdamda məşhur dəmirçi sayılan Mamed kişi görür. 1986-cı il iyulun  26-da “Çay evi”nin təntənəli açılış mərasimi olur. Bir maraqlı hadisəni də binanın üstünü vuran dəmirçi Mamed nəql edirdi. Mamed kişi illərlə evinə telefon çəkilməsi üçün növbə gözləsə də, məsələ həll olunmurmuş, kişini get-gələ salıblarmış. Binanın günbəzşəkilli damını dəmirlə örtmək həm məsuliyyətli, həm də təhlükəli olduğundan bu işi kimsə üzərinə götürmür, bircə Mamed kişi sinəsini irəli verir ki, işi mən üzərimə götürürəm. Onu S.Murtuzayevin yanına gətirirlər. – Bacararsanmı bu işi? – Allah qoysa, Sadıx məllim! Razılaşırlar və otaqdan çıxarkən, qəfildən yadına düşür ki, katibin qəbuluna düşmək çətindir, elə burda ikən evinə telefon çəkilməsi məsələsini də xahiş eləsin! İş iki gün çəkir. İkinci gün işini bitirib evə gələn Mamed kişi evə artıq telefon çəkildiyini görür və ilk zəngi S.Murtuzayevdən alır. Təbii ki, çay evindəki işini layiqincə yerinə yetirdiyinə görə təşəkkür zəngi”.


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler