Musavat.az
Musavat.az




Müsavat » Xeberler» Xeber

“Ağ Partiya siyasi palitraya öz rengini verecek…”

26 Haziran 2016

6:32 pm


26/06/2016 [22:28]: xeber –
Bu gün Vətəndaş Həmrəyliyi Partiyasının qərargahında Vahid Azərbaycan Partiyasının qurultayı keçirilib.Qurultayın məqsədi partiyanın adının dəyişdirilməsi, yeni tərkibin ictimaiyyətə təqdim edilməsi idi. Partiya Tural Abbaslının rəhbərlik etdiyi keçmiş “Ağ blok”a uyğun olaraq Ağ Partiya adlandırıldı. Qurultaya bir sıra partiya sədrləri, keçmiş dövlət məmurları gəlsə də, bəzi dəvət olunanlar gəlməmişdi. Bununla və Ağ Partiyanın gələcək fəaliyyəti ilə bağlı partiyanın sədri Tural Abbaslı sayt-a açıqlama verib:”Bilirsiniz, biz qurultayda iştirakla bağlı hətta Yeni Azərbaycan Partiyasına da rəsmi məktub göndərmişdik. Biz siyasi münasibətlərin qaydalarla formalaşmasının tərəfdarıyıq. Yəni siyasi rəqabətdən söhbət gedə bilər, şəxsi rəqabətdən, düşmənçilikdən yox. Bizim nə Yeni Azərbaycan, nə də müxalifətdəki partiyalarla şəxsi düşmənçiliyimiz yoxdur. Və biz siyasi rəqib ola bilərik. Siyasi mədəniyyətin gəlməyinin tərəfdarıyıq. Odur ki, başda Yeni Azərbaycan Partiyası olmaqla digər partiyalara da imkanımız daxilində dəvətlər göndərdik. Düzdür, bəzi partiya rəhbərlərinə texniki səbəbdən dəvətlər gecikdi. Bu bizim səhvimiz ucbatından oldu. Amma çağırdıqlarımızdan böyük əksəriyyət iştirak elədi. Gəlməyənlər də var və bu onların qərarıdır. Biz bunu xüsusi düşmənçilik, jest kimi, hansısa tavrın göstəricisi kimi qiymətləndirməyin tərəfdarı deyilik. Təbii ki, biz Müsavata dəvət göndərmişdik. Yəni gəliblər – gəlməyiblər, onların biləcəyi işdir. Biz istənilən halda, Azərbaycanın inkişafı uğrunda, demokratik mühitin yaradılması uğrunda, Azərbaycanın güclü dövlət olması uğrunda istənilən siyasi partiyalarla əməkdaşlığın tərəfdarıyıq. Müttəfiqliyə önəm veririk. Amma kim də deyirsə illah da əməkdaşlıq etməyəcəyik, biz onlarla zorla müttəfiqlik etməyəcəyik. Biz öz gücümüzə arxayın olmalıyıq, hədəflərimizi müəyyələşdirməliyik. Lazımi istiqamətdə hərəkət etməliyik. Və bu qurultaya qatılıb-qatılmamaq bizim hansısa partiyalarla münasibətimizin tənzimləsnməsində rol oynamayacaq. Uzağı onlar da bizi çağıranda bugünkü fakt dəyərləndiriləcək. Əsas odur ki, qurultay baş tutdu. Artıq olan partiya yenidən yeni adla, yeni formatla meydana qayıtdı. Ağ partiya siyasi palitraya öz rəngini, öz töhfəsini verəcək inşAllah”.Mehman Nəbiyev




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler