Musavat.az
Musavat.az




Müsavat » Xeberler» Xeber

ADPU-nun TGT-si “Yay liderlik mektebi” layihesini heyata keçirir

24 Ağustos 2016

6:32 am


24/08/2016 [10:30]: xeber –
Hazırda Azərbaycan Dövlət Pedaqoji Universitetində (ADPU) tələbələrin universitetin idarə edilməsinə cəlb olunmaları, ictimai təşəbbüslərinin dəstəklənməsi, müxtəlif tədbirləri və layihələri həyata keçirmələri, ölkəmizin ictimai-mədəni və siyasi həyatında fəal iştirak etmələri, asudə vaxtlarının səmərəli təşkili, maarifləndirilmələri, bir sözlə, onların hərtərəfli inkişafı diqqət mərkəzində saxlanılır. Bu baxımdan, ADPU-nun Tələbə Gənclər Təşkilatının (TGT) hazırda universitetin rəhbərliyinin və Azərbaycan Tələbə Gənclər Təşkilatları İttifaqının (ATGTİ) dəstəyi ilə həyata keçirdiyi “Yay liderlik məktəbi”  layihəsi diqqəti cəlb edir. Avqust ayının 23-də ADPU-da “Yay liderlik məktəbi”  layihəsinin açılışına həsr edilmiş tədbir keçirilib. Tədbirdə ADPU-nun rektoru, professor Cəfər Cəfərov, Tərbiyə işləri üzrə prorektoru, professor Fikrət Rzayev, ATGTİ-nin sədri, Milli Məclisin deputatı Şahin İsmayılov, ADPU-nun Şamaxı Filialının direktoru, filologiya üzrə fəlsəfə doktoru Tünzalə Yusifova iştirak ediblər.  Tədbirdə əvvəlcə Azəbaycanın Dövlət Himni səsləndirilib. ADPU-nun rektoru, professor Cəfər Cəfərov tədbirdə çıxış edərək bildirib ki, universitetin indiki yenidənqurma mərhələsində gerçəkləşdirilən bu layihə vacib və maraqlı bir layihədir. Bu layihə böyük bir şəbəkələşməyə səmərəli təsir edəcək. Rektor qeyd edib ki, həyatda qarşıya qoyulan məqsədə çatmaq üçün vahid komanda olmalı, görüləcək işlər, strateji hədəflər müəyyən edilməlidir. Hazırda bizim qarşımızda böyük vəzifələr durur. Azərbaycan Respublikasının Prezidenti cənab İlham Əliyev müəllim hazırlığına xüsusi diqqət yetirir. İyirmi minədək tələbəsi olan ADPU ölkəmizin ali təhsil sistemində xüsusi yer tutur və müəllim hazırlığında bizim üzərimizə böyük məsuliyyət düşür. Bu il ADPU-nun yaranmasının 95 ili tamam olur. Yubiley həm də hesabat deməkdir. ADPU-nun çoxsaylı şanlı məzunları olub və onlar ölkəmizin inkişafında mühüm rol oynayıblar. Həyatımızın sürətlə dəyişməsi, inkişaf etməsi qarşımıza yeni tələblər qoyur. Biz cəmiyyətdə müəllim peşəsinin nüfuzunun yüksəldilməsi, onların bilik və bacarıqlarının, peşəkarlıq səviyyələrinin yaxşılaşdırılması və bütövlükdə ölkəmizdə insan kapitalının formalaşması üçün əzmlə çalışmalıyıq. TGT I kursa qəbul olan tələbələrlə sıx işləməli, onlara hərtərəfli dəstək verməli, universitetin ümumi inkişaf prosesinin fəal qüvvəsi olmalıdır. Rektor çıxışının sonunda layihə iştirakçılarına uğurlar arzulayıb və belə layihələrin davamlı olmasının vacibliyini vurğulayıb.Tədbirdə TGT-nin sədr müavini Aytac Fərzəliyeva çıxış edərək bildirib ki, layihənin məqsədi ADPU-nun tarixi, keçdiyi inkişaf yolu və bugünkü fəaliyyəti haqqında tələbələrə, xüsusilə də, filiallarda və ADPU-nun nəzdində fəaliyyət göstərən Azərbaycan Dövlət Pedaqoji Kollecində (ADPK) təhsil alan tələbələrə ətraflı məlumatların verilməsi, filialların və kollecin tələbə mübadiləsini və inteqrasiyasını təşkil etmək, universitetin yeni imicinin tanıdılması, gənclərin yay istirahətinin səmərəli keçirilməsinin təşkil olunması, tələbələrin ictimai-sosial fəallığının artırılması, gənclərdə liderlik, komanda ilə iş və başqa keyfiyyətlərin yaradılması, TGT və onun strukturu haqqında maarifləndirilmə işlərinin aparılması, fəal və xüsusi istedadlı gənclərin seçilərək aşkara çıxarılması və gələcək fəaliyyətlərə cəlb edilməsi, tələbələr arasında səmimi dostluq əlaqələrinin qurulması və gənclərə öz ideyalarını reallaşdırmaq üçün lazımi biliklərin verilməsidir. Layihənin həyata keçirilməsi üçün Təşkilat Komitəsi yaradılıb, keçiriləcəyi məkan dəqiqləşdirilib, layihənin elanları sosial şəbəkələrdə və saytlarda yerləşdirilib, iştirakçıların seçim mərhələsi, çap işləri gerçəkləşdirilib, təlimçilər, tibb işçiləri, mühafizə xidməti və nəqliyyat məsələləri həll edilib. Layihədə filiallar və ADPK ilə birlikdə 60 nəfər tələbə, o cümlədən bu il universitetə qəbul olmuş 5 nəfər I kurs tələbəsi iştirak edir. Layihənin icrası zamanı sosial şəbəkələrdə yaradılmış səhifələr vasitəsilə davamlı təbliğat aparılacaq. 4 komandanın iştirak etdiyi layihənin sonunda qaliblər mükafatlandırılacaq. Tədbirdə çıxış edən ATGTİ-nin sədri, millət vəkili Şahin İsmayılov və ADPU-nun Tərbiyə işləri üzrə prorektoru, professor Fikrət Rzayev TGT-nin uğurla fəaliyyət göstərdiyini, hazırda həyata keçirdiyi layihənin maraqlı olduğunu və ADPU-nun qarşıya qoyduğu məqsədlərə doğru irəliləməsinə dəstək verəcəyini qeyd edərək tələbələrə uğurlar arzulayıblar. Tədbirdə TGT-nin sədri Cavid Hüseynov çıxış edərək layihənin keçirilməsinə dəstək verdiklərinə görə ADPU-nun və ATGTİ-nin rəhbərliyinə təşəkkür edib və onlara bəslənilən inamı doğruldacaqlarını bildirib.Sonda xatirə şəkli çəkdirilib və tələbə-gənclər layihəni keçirəcəkləri Şəmkir rayonuna yola düşüblər. 


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler