Musavat.az
Musavat.az




Müsavat » Xeberler» Xeber

ADPU-da yaz semestrinin imtahan sessiyasının monitorinqi ile bağlı tedbir keçirilib

21 Haziran 2016

9:56 am


21/06/2016 [13:55]: xeber –
İyun ayının 21-də Azərbaycan Dövlət Pedaqoji Universitetinə (ADPU) qoşulmuş Azərbaycan Müəllimlər İnstitutunda (AMİ) təhsil ekspertlərinin, qeyri-hökumət təşkilatlarının, ictimai birliklərin və kütləvi informasiya vasitələri nümayəndələrinin iştirakı ilə 2015-2016-cı tədris ilinin yaz semestrinin imtahan sessiyasının monitorinqi ilə bağlı tədbir keçirilib. Tədbirin keçirilməsində məqsəd ictimaiyyəti ADPU-ya qoşulmuş AMİ-də yaz semestrinin imtahan sessiyasının keçirilməsi ilə bağlı geniş və ətraflı məlumatlandırmaq idi. Qeyd edək ki, tədbirdə “Azərbaycan müəllimi” qəzetinin baş redaktoru Bayram Hüseynzadə, “Korrupsiyaya Qarşı Mübarizə Fondu”nun icraçı direktoru Vasif Mövsümov, “Cəmiyyət və vətəndaş münasibətlərinin inkişafı” İctimai Birliyinin icraçı direktoru Əhməd Abbasbəyli, “Şəffaflıq Azərbaycan” İctimai Birliyinin və digər qeyri-hökümət təşkilatlarının nümayəndələri iştirak ediblər.ADPU-nun Elmi işlər üzrə prorektoru, professor Asəf Zamanov tədbiri giriş sözü ilə açaraq bildirib ki, Təhsil naziri cənab Mikayıl Cabbarov may ayının 20-də “İmtahan sessiyasının təşkili və keçirilməsi barədə” müvafiq əmr imzalayıb. Təhsil nazirinin həmin əmrində 2015-2016-cı tədris ilinin yaz semestrinin imtahan sessiyasının mövcud qaydalara uyğun təşkil edilməsi, tələbələrin biliyinin qiymətləndirilməsində şəffaflığın və obyektivliyin təmin olunması, imtahan sessiyasının “Kredit sistemi ilə təhsil alan tələbələrin biliyinin qiymətləndirilməsi haqqında Əsasnamə”yə uyğun təşkil olunması, imtahan sessiyasının mövcud normativ sənədlər əsasında keçirilməsi, ali təhsil müəssisələrində imtahan qərargahlarının yaradılması, bu qərargahlara daxil olan hər bir şikayətin qısa müddətdə çevik şəkildə araşdırılıb lazımi tədbir görülməsi, eyni zamanda imtahanlarda şəffaflığın təmin edilməsi üçün ictimaiyyətin və tələbələrin valideynlərinin iştirakına şərait yaradılması və digər vəzifələr öz əksini tapıb.Azərbaycan Dövlət Pedaqoji Universitetinin (ADPU) rektoru vəzifəsini icra edən, professor Malik Cəbrayılov Təhsil Nazirliyinin həmin əmrinin icrasını təmin etmək və universitetdə yaz semestrinin imtahan sessiyasının obyektiv, şəffaf və mütəşəkkil keçirilməsini, imtahanların gedişində yarana biləcək mənfi halların qarşısının alınmasını, yol verilən nöqsanların vaxtında aradan qaldırılmasını, həmçinin imtahanların gedişi ilə bağlı daxil olan ərizə, şikayət və təkliflərin çevik araşdırılmasını və vətəndaşların müraciətlərinə vaxtında baxılmasını təmin etmək məqsədilə müvafiq əmr imzalayıb. Həmin əmrdə yaz semestrinin imtahan sessiyasının Təhsil Nazirliyinin hüquqi-normativ aktlarına uyğun olaraq şəffaf, obyektiv və müvəffəqiyyətlə keçirilməsi məqsədilə fakültə dekanları, kafedra müdirləri, eləcə də ADPU-ya qoşulmuş Azərbaycan Müəllimlər İnstitutunun və filialların müvafiq struktur bölmələri qarşısında konkret vəzifələr qoyulub. Əmrdə eyni zamanda ADPU-ya qoşulmuş AMİ-də yaradılmış İmtahan qərargahına daxil olan hər bir şikayətin qısa müddətdə çevik araşdırılıb təmin edilməsi, imtahan sessiyasının gedişi barədə universitetin rəhbərliyinə mütəmadi məlumat verilməsi öz əksini tapıb.İmtahan sualları təkmilləşdirilib, onların kefiyyəti xeyli yaxşılaşdırılıb. İmtahanların gedişinə nəzarət edəcək imtahan rəhbərlərinin, nəzarətçi-müəllimlərin, münaqişə komissiyalarının tərkibi öncədən müəyyən edilib. İmtahanlara nəzarəti gücləndirmək üçün xüsusi kameralar quraşdırılıb. Eyni zamanda imtahanların keçirilməsinə nəzarəti təmin etmək məqsədilə imtahan rəhbərləri və nəzarətçi-müəllimlər təyin edilib. İmtahan rəhbərləri və nəzarətçi-müəllimlər də qeyri-ixtisas sahibləridir. İmtahanların nəticələrinin təlimata müvafiq olaraq tələbələrə çatdırılması təmin edilir. İmtahanların keçirildiyi binada qayda-qanunlara riayət olunmasını təmin etmək üçün professor-müəllim heyətinin tərkibindən fakültələr üzrə növbətçilər müəyyənləşdirilib.Qeyd edək ki, imtahandan aldığı qiymətlə razılaşmayan tələbələr fakültələr və universitet üzrə yaradılmış münaqişə komissiyalarına, eləcə də İmtahan qərargahına müraciət edirlər. İmtahan qərargahının üzvləri mütəmadi şəkildə imtahan zallarında olur, onlara ünvanlanan müraciət və təkliflərlə bağlı müvafiq qeydlər aparırlar. Məlumat üçün onu da bildirək ki, İmtahan qərargahının üzvləri tərəfindən hər hansı bir müraciətin araşdırılması və qəbul olunmuş qərar qarşı tərəfi qane etmədikdə və ya müraciətlər İmtahan qərargahının səlahiyyətlərinə aid olmadıqda rektorluğa müraciət edilir və qarşı tərəfin iştirakı ilə məsələyə baxılır.Qeyd etdiklərimizlə yanaşı, bu ali təhsil müəssisəsində valideynlərlə və ictimaiyyət nümayəndələri ilə əlaqələrin yaradılmasına da xüsusi diqqət yetirilir ki, bu da öz növbəsində cəmiyyətdə imtahanların gedişi barədə dolğun təsəvvürün formalaşdırılmasına xidmət edir. Bütövlükdə bu ali məktəbdə imtahan sessiyasına ictimai nəzarət yüksək səviyyədə qurulub.Yazılı imtahanların yoxlanılması üçün xüsusi otaq ayrılıb. Yazılı imtahanlar başa çatdıqdan sonra yazılar şifrələnir, yoxlanılır və həmin gün qiymətlər tələbələrə elan olunur. Günün sonunda isə bütün imtahanlarının nəticələri ADPU-ya qoşulmuş AMİ-nin facebook səhifəsində yerləşdirilir.İmtahan sessiyasının gedişini izləyən təhsil ekspertləri, QHT və KİV nümayəndələri semestr və dövlət imtahanlarının şəffaf, obyektiv keçirilməsindən razı qaldıqlarını bildirərək gələcəkdə bu əməkdaşlığın daha da genişləndirilməsinin və ictimai nəzarətin gücləndirilməsinin vacibliyini qeyd ediblər.ADPU-nun Mətbuat və informasiya şöbəsiƏlaqə telefonları:(012) 498-18-41mob: (050) 628 -72- 08




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler