Musavat.az
Musavat.az




Müsavat » Xeberler» Xeber

ADPU-da tekrar ali tehsilalanlarla görüş keçirilib – Fotolar

19 Eylül 2016

11:32 am


19/09/2016 [15:30]: xeber –
Sentyabr ayının 19-da Azərbaycan Dövlət Pedaqoji Universitetində (ADPU) 2016-2017-ci tədris ilində universitetə qəbul olunmuş təkrar ali təhsilalanlarla görüş keçirilib. ADPU-nun rektoru, professor Cəfər Cəfərov görüşü açaraq təkrar ali təhsilalanları yeni tədris ilinin başlanması münasibətilə təbrik edib, onlara uğurlar arzulayıb. Rektor bildirib ki, cəmiyyətin inkişafının əsasında təhsil dayanır. İnkişaf etmiş ölkələrin təcrübəsi bunun bariz nümunəsidir. Bu gün ölkəmizdə müəllim peşəsinin nüfuzunun yüksəldilməsinə xüsusi diqqət yetirilir. Müəllim təlim-tərbiyə prosesində əsas fiqur, başlıca simadır. 3 ildir ki, Təhsil Nazirliyi tərəfindən “Gələcəyin müəllimi təqaüdü” təsis edilib. Bu təqaüd pedaqoji kadr hazırlığı aparılan ali təhsil müəssisələrinə qəbul imtahanlarında 500 və daha yüksək bal toplayan, ixtisas seçimində birinci və ya ikinci yerdə müəllimlik ixtisasını qeyd edən tələbələrə şamil olunur. Onlara əlavə 100 manat təqaüd verilir. Bununla yanaşı, orta məktəb müəllimlərinin bilik və bacarıqlarının diaqnostik qiymətləndirilməsi həyata keçirilib.Rektor qeyd edib ki, ADPU ölkəmizdə ali pedaqoji təhsilin öncülü hesab edilir. Azərbaycan Respublikasının Prezidenti cənab İlham Əliyevin 26 noyabr 2015-ci il tarixli sərəncamı ilə Azərbaycan Müəllimlər İnstitutunun (AMİ) ADPU-ya birləşməsi və onun filiallarının ADPU-nun strukturuna çevrilməsi nəticəsində ADPU ölkədə pedaqoji kadr hazırlığı ilə məşğul olan unikal ixtisaslaşmış ali təhsil müəssisəsinə çevrilmişdir. Bununla yanaşı, Nazirlər Kabinetinin 3 fevral 2016-cı il tarixli qərarı ilə Bakı Sənaye-Pedaqoji Kolleci Azərbaycan Dövlət Pedaqoji Kollecinə (ADPK) birləşdirilməklə ADPU-nun nəzdində Azərbaycan Dövlət Pedaqoji Kolleci kimi fəaliyyət göstərməyə başlayıb. Hazırda ADPU-nun 5 filialı-Ağcabədi, Quba, Şəki, Şamaxı və Cəlilabad filialları fəaliyyət göstərir. ADPU-nun Bakı şəhərində 4 tədris korpusu var. Təhsil naziri cənab Mikayıl Cabbarovun müvafiq əmri ilə Bakı şəhərindəki Məmməd Rahim adına 7 nömrəli tam orta məktəb 2016-2017-ci tədris ilindən ADPU-nun baza məktəbi kimi müəyyənləşib. Geniş şəbəkəyə malik ali təhsil müəssisəsi olan ADPU-da hazırda 20 minədək tələbə təhsil alır.Hazırda ADPU-da təhsilin keyfiyyətinin yüksəldilməsi, şəffaf və obyektiv tədris mühitinin yaradılması, eyni zamanda çevik, səmərəli və mütərəqqi idarəetmənin formalaşdırılması üçün islahatlar həyata keçirilir. Biz sizə keyfiyyətli təhsil xidməti göstərməyi özümüzün başlıca vəzifəmiz hesab edirik. Eyni zamanda ADPU-nun, bütövlükdə isə cəmiyyətin və məktəbin sizdən böyük gözləntiləri var. Siz bu gözləntiləri doğrultmalı, ölkəmiz üçün yüksək səviyyəli pedaqoji kadrlar kimi yetişməlisiniz.ADPU-nun Elmi işlər üzrə prorektoru, professor Asəf Zamanov görüşdə çıxş edərək universtetdə tədrisin keyfiyyətinin yüksəldilməsi, professor-müəllim heyətinin bilik və peşəkarlıq səviyyəsinin artırılmaıs, maddi-texniki bazanın gücləndirilməsi və idarəetminin optimallaşdırılması üçün görülən işlərdən danışıb. Bildirib ki, bu il ADPU-ya müxtəlif ixtisaslar üzrə müvafiq fakültələrə 95 nəfər təkrar ali təhsilə qəbul olunub. Müqayisə üçün qeyd edək ki, 2014-2015-ci tədris ilində bu rəqəm 25, 2015-2016-cı tədris ilində isə 35 olub. Bu da təbii ki, müəllim peşəsinə olan marağın artmasının təzahürü kimi qiymətləndirilir.Sonda təkrar ali təhsilalanların müxtəlif sualları cavablandırılıb.


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler