Musavat.az
Musavat.az




Müsavat » Xeberler» Xeber

ADP ve VİP birge toplantı keçirib…

28 Eylül 2016

10:00 am


28/09/2016 [13:58]: xeber –
Bu gün ADP-nin Mərkəzi Qərargahında ADP və VİP birgə toplantı keçirib. Toplantının gündəliyində 26 sentyabr 2016-cı il tarixində keçirilniş referendum və təşkilati məsələ olub. Qarşılıqlı razılaşma əsasında referendumun nəticələrinə birgə münasibət bildirmək məqsədilə 26 sentyabr tarixində keçirilmiş referendumla bağlı geniş müzakirələr aparılıb. Müzakirələrin nəticəsi olaraq refrendumla bağlı hər iki partiyanın mövqeyini əks etdirən bəyanat qəbul edilib. (Əlavə edilir)İkinci məsələ kimi təşkilati məsələ müzakirə olunub. Müzakirələrin nəticəsi olaqraq ADP və VİP arasında uzunmüddətli əməkdaşlıq istiqamətində prinsipial razılıq əldə olunub.Azərbaycan Demokrat Partiyası (ADP) və Vətəndaş və İnkişaf Partiyasının (VİP)26 sentyabr 2016-cı il tarixində keçirilmiş Referendumla bağlı birgəB Ə Y A N A T IADP və VİP 26 sentyabr 2016-cı il tarixində ölkədə keçirilmiş referendumun nəticələrini təhlil edərək,* Azərbaycan Respublikası Konstitusiyasına əlavə və dəyişikliklər barədə Referendum Aktına dair ictimai zərurət öyrənilmədən, ölkə parlamentində qəbul edilərək ümumxalq səsverməsinə təqdim edildiyini;* Referendumqabağı siyasi mühitin demokratik və azad şəraitdə ümumxalq səsverməsi keçirməyə imkan vermədiyini, referendum xalqın apolitik vəziyyətdə olduğu bir dönəmdə keçirildiyini, referendumqabağı təşviqat kampaniyası dövründə ölkə vətəndaşlarının tam və ətraflı məlumatlandırılması üçün heç bir ictimai-siyasi müzakirələrin keçirilmədiyini;* Referendumun istər Milli Məclisdə, istərsə də ictimaiyyət arasında ilkin müzakirələr aparılmadan, tələm-tələsik qısa zaman kəsiyində keçirildiyini, referendumqabağı şəraitdə ölkədə insan hüquq və azadlıqlarının, referendumla bağlı təbliğat və təşviqat imkanlarının həddindən artıq məhdudlaşdırılıdığını, müxalifyönlü təşviqat qruplarının qeyri-qanuni olaraq Mərkəzi Seçki Komissiyası tərəfindən qeydə alınmadığını, referendum zamanı alternativ fikir bildirmək imkanlarının tam məhdudlaşdırıldığını;* Referendum Aktının beynəlxalq ekspertizadan keçirilmədiyini, beynəlxalq hüquq normalarına və Azərbaycanın Avropa Şurası qarşısında götürdüyü konstitusion islahatlarla bağlı öhdəliklərə zidd olduğunu, Avropa Şurasının Venesiya Komissiyasının referendumla bağlı mənfi rəy verdiyini;* Son illər keçirilən seçkilər dövründə olduğu kimi 26 sentyabr 2016-cı il referendumu dövründə də siyasi azadlıqların və mətbuat azadlığının təmin edilmədiyini, referendum günü əvvəlki seçkilərdə müşahidə olunmuş hüquq pozuntuları – seçki prosesinə kənar müdaxilələr, bir şəxsin başqalarının əvəzinə səsverməsi və seçki qutularına saxta bülletenlərin atılması hallarının qeydə alındığına baxmayaraq, bir sıra beynəlxalq müşahidəçilərin referendumun nəticələri ilə bağlı rəylərinin konyukturaya məruz qaldığını;* Referenduma çıxarılan konstitusion dəyişikliklərin ölkədə prezidentə veriləcək hədsiz səlahiyyətlərin hakimiyyət qolları arasında balansın ciddi şəkildə pozacağını, seçkili orqanlara seçilmək üçün yaş senzinin götürülməsinin dövlətidarəçiliyində anarxiyaya yol açacağını, dövlətin əsas siyasi və hüquqi instutlarından olan parlamentin formal xarakter daşıyacağını, ölkədə məhkəmə-hüquq sisteminin müstəqilliyinə bir daha zərbə vuracağını, vətəndaşlıqdan məhrumetməyə dair düzəlişin hakimiyyət tərəfindən sui-istifadə yol veriləcəyini;* Referendumun ölkənin məhsuldar qüvvələrinin Azərbaycanı düşdüyü ağır sosial-siyasi böhrandan çıxarmaq imkanlarının məhdudlaşdıracağını, ölkəyə xarici investisiyaların cəlb olunmasında ciddi maneəyə çevriləcəyini;* Referendumun Konstitusiyaya və Azərbaycan qanunlarına zidd olduğunu, referendum nəticəsi olaraq Azərbaycanda insan və vətəndaş hüquq və azadlıqlarının ciddi şəkildə məhdudlaşdırılacağını, referenduma çıxarılan əlavə və dəyişikliklərin hakimiyyətə xalqın və dövlətin maraqlarına zidd şəkildə fəaliyyət göstərmək imkanının verdiyini;* Referendumun faktiki olaraq Azərbaycan xalqının milli maraqlarına zidd olan hüquqi nəticələrə gətirib çıxaracağını və Azərbaycanda avtoritar idarəçiliyin legitimləşdirilməsinə xidmət edəcəyini bəyan edir.Bakı şəhəri 28.09.2016


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler