Musavat.az
Musavat.az




Müsavat » Xeberler» Xeber

ADP iqtidarın referendum planına münasibet bildirdi…

26 Temmuz 2016

7:24 am


26/07/2016 [11:22]: xeber –
ADP Idarə Heyətinin növbəti toplantısı keçirilib. Toplantıda ölkədə baş verən siyasi hadisələrə dair müzakirələr aparılıb.Keçirilməsi planlaşdırılan Konstitusiya dəyişikliklərinə dair referendumla bağlı fikir mübadiləsi edən İdarə Heyəti üzvləri təklif olunan dəyişikliklərin böyük əksəriyyətinin, iqtidar tərəfinin əsaslandırmalarına rəğmən hər hansı inkişafla bağlı olmadığını vurğulayıb və bu addımı ölkədəki siyasi rejimin daha da sərtləşdirilməsi, mərkəzi icra hakimiyyətinin, hakimiyyətin digər qolları ilə münasibətdə konstitusion üstünlüyünün artırılması, hakimiyyətin bir əldə cəmləşdirilməsi, parlamentarizmin sıxışdırılmasına cəhd kimi dəyərləndirib. İdarə Heyəti təklif edilən Konstitusiya dəyişikliklərinin obyektiv siyasi zərurətdən irəli gəlmədiyinə, dövlətin və xalqın siyasi maraqlarına xidmət etmədiyinə, habelə hazırkı böhran şəraitində əlavə maliyyə itkisinə səbəb olacağına əsaslanaraq konstitusiya dəyişiklikləri haqqında referendumun keçirilməsinin əleyhinə olduğunu bəyan edib və Azərbaycan xalqını bu təşəbbüslə əlaqədar fəal münasibət bildirməyə çağırıb.ADP İdarə Heyəti iqtisadi böhranın dərinləşməsi, milli valyutanın sürətlə dəyərdən düşməsi, ən zəruri tələbat mallarının qiymətlərinin durmadan qalxması, işsizliyin artması fonunda elektrik tarif qiymətinin artırılmasını əhalinin böyük əksəriyyətinin daha acınacaqlı duruma salınmasına cəhd kimi dəyərləndirib. Eyni zamanda hökumətin nəqliyyatda qiymətlərin artırılmasına hazırlaşmasına dair yayılan məlumatlardan ciddi narahatlıq ifadə edilib, iqtisadi böhranın bütün ağırlığının xalqın üzərinə salınmasının yolverilməz olması bir daha diqqətə çatdırılıb. İdarə Heyəti ölkənin iqtisadi böhrandan daha rahat çıxması üçün sürətli siyasi və iqtisadi islahatlara, mənasız və korrupsiya tutumu yüksək olan layihə və dövlət xərcləmələrinin azaldılmasına, iqtisadi azadlıqların genişləndirilməsinə ciddi ehtiyac olduğunu qeyd edib.Ötən həftə Milli Məclisin sədr müavini Z.Əsgərovun “Dağlıq Qarabağa ən yüksək muxtariyyət” vəd edən bəyanatından narahatlıq ifadə edən partiya İH üzvləri bu bəyanatın ölkənin konstitusion əsaslarına tamamilə zidd olduğunu qeyd edərək, Dağlıq Qarabağa faktiki müstəqil dövlət vəd etmək anlamı verən “yüksək muxtariyyət” planının Azərbaycan xalqına qarşı xəyanət planı olduğunu bildirib.




Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler