Musavat.az
Musavat.az




Müsavat » Xeberler» Xeber

ADNSU-nun Tarix muzeyi yeni eksponatlar hesabına zenginleşib

21 Ekim 2016

11:12 am


21/10/2016 [15:11]: xeber –
Son bir il ərzində Azərbaycan Dövlət Neft və Sənaye Universitetinin (ADNSU) Tarix muzeyi yeni eksponatlar hesabına zənginləşib. Universitetin sərəncamında olan bəzi sənədlər, müxtəlif nizaşnlar, ali məktəbdə olmuş ayrı-ayrı xarici qonaqların təqdim etdikləri hədiyyə və suvenirlər muzeyə təqdim olunub. Sonuncu belə eksponatlardan biri Vyetnamın hökumət nümayəndələrinin təqdim etdikləri və həmin ölkəyə məxsus milli ornamentlərlə bəzədilmiş suvenirdir.2000-ci ildən etibarən fəaliyyət göstərən Tarix muzeyində 550-dən artıq eksponat, o cümlədən 160-dan çox kitab, 353-dən artıq fotoşəkil, çoxlu sayda neft buruğu və sənaye avadanlığı maketi, rəsmi sənədlər, təbriklər, müxtəlif nişan və ali məktəbə təqdim olunumuş hədiyyə və suvenirlər qorunub saxlanır. Muzeydə 15 bölmədən ibarət 26 stend üzərində universitetin elmi fəaliyyətini, beynəlxalq əlaqələrini və keçdiyi inkişaf yolunu əks etdirən müxtəlif məzmunlu tarixi sənədlər yerləşdirilib. Stendlərin birində keçmiş rektorların, digərində isə universitetin məhşur məzunlarının fotoşəkilləri yer alıb. Muzeyin eksponatları arasında Azərbaycan Respublikasının ümummilli lideri Heydər Əliyevin 1939-1941-ci illərdə o zaman Azərbaycan İndustrial İnstitutu (Azİİ) adlandırılan bu ali məktəbdə təhsil aldığı dövrü əks etdirən foto və sənədlər də vardır. Ali məktəbdə olmuş xarici qonaqların, rəsmi nümayəndələrin, keçmiş məzunların universitetə təqdim etdiyi hədiyyələr də burada nümayiş etdirilir. Onu da qeyd edək ki, muzeydə nümayiş olunan bəzi eksponatların yaşı 40,50 il və daha artıqdır.ADNSU-nun Tarix muzeyi həftənin 5 günü 8 saat ərzində universitetin professor-müəllim heyəti, ali məktəbin tələbələrinin üzünə açıqdır. Muzey universitetin müəllim və tələbələri ilə yanaşı ADNSU-nun tarixi ilə bağlı araşdırma aparan isanlar, ümumilikdə geniş auditoriya üçün böyük maraq kəsəb edir.


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler