Musavat.az
Musavat.az




Müsavat » Xeberler» Xeber

ADNSU-da Milli Qehreman Mübariz İbrahimovun heykelinin açılışı olub

05 Ekim 2016

7:56 am


05/10/2016 [11:54]: xeber –
Oktyabrın 4-də Azərbaycan Dövlət Neft və Sənaye Universitetində (ADNSU) “Qəhrəmanlar ölməz-vətən bölünməz” adlı tədbir keçirilib. Tədbir Azərbaycan Respublikası Müharibə Veteranları, Beynəlmiləlçi Hərbçilər İctimai Birliyi və Azərbaycan Respublikası Prezidentinin QHT-lərə Dövlət Dəstəyi Şurasının dəstəyi ilə, “Azərbaycan Respublikası Silahlı qüvvələrinin hərbi hissələrinin ölkəmizin mənafeyi, ərazi bütövlüyü və müstəqilliyinin təmin edilməsi uğrunda fədakarlığın təbliği” adlı layihə çərçivəsində baş tutub.Tədbirdə ADNSU-nun rektoru prof Mustafa Babanlı, Müharibə Veteranları və Beynəlmiləlçi Hərbçilər İctimai Birliyinin sədri Əzizağa Qənizadə, millət vəkili Elmira Axundova, eləcə də universitetin professor-müəllim heyəti və tələbələr iştirak edib.Dövlət Himni səsləndiirilib, şəhdilərin xatirəsi bir dəqiqəlik sükutla yad edilib. Tədbiri giriş sözü ilə açan rektor, prof. M.Babanlı qonaqları salamalayaraq Mübariz İbrahimov kimi qəhrəmanın heykəlinin ADNSU-da açılmasını yüksək qiymətləndirib.“Bu gün ADNSU-da əlamətdar bir hadisə baş verir. Universitetimizdə Azərbaycanın Mübariz kimi qəhrəman övladının heykəlinin açılışı baş tutur. Mən söz verirəm ki, bura bizim və tələbələrimizin and yeri olacaq. Nə qədər ki, universitetimiz var, Mübarizin ruhu da mütləq bizimlə yaşayacaq və hər kəs onun qəhrəmanlığından danışacaq”-deyə prof. M.Babanlı bildirib.Çıxış edən Azərbaycan Respublikası Müharibə Veteranları və Beynəlmiləlçi Hərbçilər İctimai Birliyinin sədri polkovnik Əzizağa Qənizadə milli qəhrəman Mübariz İbrahimovun həyatı və hərbi fəaliyyətindən danışıb.Sonra Milli qəhrəman Mübariz İbrahimovun heykəlinin təntənəli açılşı olub. Heykəlin müəllifi heykəltəraş Vüqar İmanquliyev çıxış etdikdən sonra millət vəkili Elmira Axundova da Mübarizin qəhrəmanlığının hər kəsə nümunə olduğunu deyib və bu qəhrəmanlığa həsr olunan film çəkilməsinin vacib olduğunu qeyd edib.“ Bu gün çox mənalı hadisə yaşayırıq. Mən Mübariz haqqında çox düşünmüşəm. O adı kimi özü də mübariz oldu. Onun qəhrəmanlğı isə əvəzolunmazdır.Mübariz ölümü ilə ölməzliyə qovuşdu. Lakin qəhrəman olmaq üçün ölmək şərt deyil, elmlə biliklə, yaxşı ixtisasa yiyələnməklə də vətənə xidmət etmək olar”-deyə millət vəkili bildirib.Tədbiri yekun sözü ilə başa vuran ADNSU-nun rektoru prof Mustafa Babanlı tələbələrə vətənpərvər olmağı və Vətənə xidmət etməyi tövsiyə edib.


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler