Musavat.az
Musavat.az




Müsavat » Xeberler» Xeber

ADNSU-da Konstitusiyaya deyişikliklerle bağlı referenduma hesr olunmuş tedbir keçirilib

17 Eylül 2016

3:48 pm


17/09/2016 [19:46]: xeber –
Azərbaycan Dövlət Neft və Sənaye Universitetində (ADNSU) sentyabrın 26-da keçiriləcək Azərbaycan Respublikası Konstitusiyasına dəyişikliklərlə bağlı referenduma həsr olunmuş geniş tədbir keçirilib. ADNSU-nun professor-müəllim heyəti və tələbələrin iştirakı ilə keçirilən tədbiri giriş sözü ilə universitetin rektoru, professor Mustafa Babanlı açaraq sentyabrın 26-da keçiriləcək ümumxalq səsverməsinin əhəmiyyətindən danışıb. Rektor Mustafa Babanlı Azərbaycan Respublikası Konstitusiyasına 2002 və 2003-cü illərdə dəyişiklik edildiyini xatırladaraq bu dəfəki referendumun ölkənin bundan sonrakı inkişafı və islahatların davam etdirilməsi baxımından zəruriliyini vurğulayıb. O qeyd edib ki, dövlə başçısı İlham Əliyev dövrün tələblərini, mövcud reallıqları və beynəlxalq təcrübəni nəzərə alaraq konstitusiyaya dəyişikliklərin edilməsi təşəbbüsü ilə çıxış edib. Təklif olunan Təklif olunan referendum aktında Konstitusiyanın 23 maddəsinə dəyişikliklər və 6 yeni maddənin isə əlavə olunmasının nəzərdə tutulduğunu söyləyən rektor M.Babanıı sentyabrın 26-da seçki hüququna malik bütün vətəndaşların ümumxalq səsverməsində iştirakının əhəmiyyətini vurğulayıb.Daha sonra ADNSU-nun prorektoru, dosent Ata Babayev sentyabrın 26-da keçiriləcək Azerbaycan Respublikası Konstitusiyasına dəyişikliklərlə bağlı referendumunün təfərrüatları barədə, Konstitusiyaya dəyişiklikləri şərtləndirən amillər və həmin dəyişikliklərin Azərbaycan qarşısında hansı imkanlar açacağına dair məruzə ilə çıxış edib. Son bir neçə ilin təcrübəsinin 1995-ci ildə qəbul olunmuş Konstitusiya ilə müəyyən edilmiş dövlət və iqtisadi idarəetmə mexanizmlərinin ölkənin hazırkı inkişaf səviyyəsində çevik qərarların qəbul olunmasını və onların səmərəli icrasını, oprimal idarəetməni təmin etmək məqsədilə təkmilləşdirilməli olduğunu bildirib. O vitse-prezidentlik institutunun və prezidentlik müddətinin 7 il müəyyən olunmasını səmərəli və çevik dövlət idarəçiliyi mexanizminin formalaşdırılması və icra intizamının möhkəmləndirilməsi baxımından əhəmiyyətli olduğunu vurğulayıb. Prorektor A.Babayev bir çox ölkələrin konstitusiyalarında – Avstriya, Finlandiya, İsrail, İtaliya, Sinqapur, Rusiya, 2000-ci ilədək Frana kimi ölkələrin konstitusiyalarında prezidentlik müddətinin 6-7 il müəyyən olunduğunu qeyd edib. Prorektor Ata Babayev Konstitusiyaya təklif olunan digər əlavə və dəyişikliklər barədə də məlumat verərək onların dövlət idarəçilik mexanizminin optimallaşdırılması ilə yanaşı vətəndaşların hüquq və azadlıqlarının daha da genişlənəcəyinə xidmət edəcəyini bildirib.ADNSU-nun rektoru, professor Mustafa Babanlı Azərbaycan Respublikası Konstitusiyasına təklif olunan dəyişikliklərin ölkənin inkişafı baxımından mühüm əhəmiyyət kəsb etdiyini qeyd edərək universietin professor-müəllim heyətini, eləcə də səsvermək yaşı tamam olan tələbələri ümumxalq səsverməsində fəal iştirak edərək iradələrini ifadə etməyə səsləyib.Daha sonra rektor, professor Mustafa Babanlı ADNSU-nun həyatında baş verən bir sıra məsələlər barədə çıxış edib. 2016-2017-ci tədris ili üçün qəbulun nəticələrinin gözlənildiyindən də yüksək olduğunu qeyd edən rektor M.Babanlı bu il ADNSU-da I kursda 2269 tələbənin təhsil alacağını bildirib. Universitetin magistratura pilləsinə 419, doktorantura pilləsinə isə 78 nəfərin qəbul olunduğunu söyləyən rektor bunun universitetin nüfuzunun artmasının sübutu olduğunu vurğulayıb. O II ali təhsil almaq məqsədilə universitetə 255 nəfərin qəbul olduğunu qeyd edərək çoxlu sayda gəncin gələcək mütəxxəssis kimi formalaşmasını məhz ADNSU-ya etibar etməsinin ali məktəbin professor-müəllim heyəti üzərinə əlavə məsuliyyət qoyduğunu bildirib. O ADNSU-da çalışan müəllimlərin elmi potensialının yüksək, tədris metodikasının isə köhnə olduğunu söyləyərək müasir tələbələrin köhnə metodika ilə tədris almaq istəmədiyini söyləyib. Universitet müəllimlərinin tədrisin keyfiyyətini artırılması istiqamətində həvəsləndirilməsi üçün görülən tədbirlərdən danışan rektor M.Babanlı Avropa və dünyanın qabaqcıl tədris metodikalarınınADNSU-ya gətirilməsi istiqamətində görülən işlərdən danışıb. O xüsusi olaraq 2016-2017-ci tədris ilində qapılarını tələbələrin üzünü ilk dəfə olaraq açan ADNSU-nun nəzdində fəaliyyət göstərən UFAZ-ın bu baxımdan əhəmiyyətini qeyd edib və dünyanın aparıcı ali məktələrindən biri olan Strasburq Universitetinə Azərbaycan tərəfindən tərəfdaş olaraq ADNSU-nun seçilməsinə görə Azərbaycan Respublikasının Prezidenti İlham Əliyevə təşəkkürünü ifadə edib. Sonra rektor tələbələrin suallarını cavablandırıb.Sonda rektor, professor Mustafa Babanlı sentyabrın 26-da keçiriləcək Azerbaycan Respublikası Konstitusiyasına dəyişikliklərlə bağlı referenduma həsr olunmuş tədbirdə iştirak etdiklərinə görə professor-müəllim heyətinə və tələbələrə təşəkkürünü bildirib.


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler