Musavat.az
Musavat.az




Müsavat » Xeberler» Xeber

ADNSU-da açıq qapı günü keçirlib… – Fotolar

08 Ekim 2016

1:32 pm


08/10/2016 [17:29]: xeber –
Oktyabrın 8-də Azərbaycan Dövlət Neft və Sənaye Universitetində (ADNSU) açıq qapı günü keçirilib. Tədbirdə ADNSU-nun rektoru, prof. Mustafa Babanlı universitetin professor və müəllim heyəti, eləcə də tələbə və valideyinlər iştirak edib.Rektor, prof. M.Babanlı tədbir iştirakçılarını salamlayaraq ötən ilin yekunları, ali məktəbdə həyata keçirilən islahatlar və gələcək layihələr haqqında məlumat verib. 2015-2016-cı tədris ilində əldə olunan uğurlardan danışan rektor qeyd edib ki, məhz bu il ADNSU –da İlk dəfə yüksək səviyyəli və təmtəraqlı məzun günü keçirilib, İT akademiyaların buraxılışı olub, təcrübələrdə yeni standartlara keçilib, bakalavriatura, doktorantura və magistratura üzrə qəbulda ən yüksək nəticələr əldə olunub, Azərbaycan və Fransa ali təhsilində ilk dəfə məhz ADNSU-nun nəzdində Fransız Azərbaycan Univeristeti (UFAZ) yaradılıb.“İlk növbədə qeyd edim ki, görülən bütün işlər kəmiyyət yox keyfiyyət üzərində qurulub. Bu səbəbdən də bu tədris ilini keyfiyyət ili adlandırmışıq. Bizim üçün önəmli olan keyfiyyətdir. 2016-2017-ci tədris ilinə qəbul prosesindən çox razı qaldım. Bir məqama toxunmaq kifayət edər ki, ADNSU-nun bu il qəbulda yüksək nəticə əldə etdiyi aydın olsun. Belə ki, bu il bakalavriatda 1-ci qrup üzrə 500-dən çox bal topluyan tələbələrin 51%-i məhz ADNSU-nu seçdi. Ötən il 117 nəfər 600-dən çox bal toplayan tələbə vardısa, bu gün univeristetimizdə 165 nəfər 600-dən çox bal toplayan tələbəmiz var. Bu o deməkdir ki, biz düzgün yoldayıq. Hətta universitetimizdə 65 yaşında ikinci ali təhsil almaq istəyən şəxs var, bu isə bizim böyük uğurumuzdur”.Rektor çıxışında magistrların işlə təmin olunması, yeni təqaüdlər verilməsi haqqında da iştirakçılara məlumat verib. Qeyd edib ki, hər bir magstrantın işlə təmin olunmasına çalışılacaq və bu il İsmayıl İbrahimov və Xoşbəxt Yusifzadə adına iki təqaüd təsis olunacaq. Fakültələr arasında tələbələri həvəsləndirmək üçün ən yaxşı qrup nominasıyaları üzrə pul mükafatlarının verilməsi də davam etdiriləcək.“Bütün bunlara baxmayaraq , bu il həyata keçirilən islahatalar nəticəsində uğurlarımız nə qədər çox olsa da təhsildə hazırki nailiyyətlərimiz məni qane edən səviyyədə deyil. Bunlar məni cəmi 10% qane edir. Razıyam elə məqamlar var ki, bizim düz yolda olduğumuzu sübüt edir. Amma bunlarla kifayətlənmək olmaz, daha da irəli getmək və yeniliklər etmək lazimdir. Bunun üçün də hazırda elektron təhsillə bağlı yekunlaşma işlərimiz gedir, yeni yanaşmalar olacaq, regionda ilk dəfə gündəlik təcrübə sistemini tətbiq edəcəyik, sənaye yönümlü müəssisələrlə univeristet arasında əlaqələr genişləndiriləcək, mərkəzləşmiş kollokvi0000umlar keçiriləcək”.ADNSU-nun bu ilki nailiyyətlərindən danışan rektor, prof. M.Babanlı universitetin yeni nəşr etdirdiyi 80 səhifəlik “Oil and industry” jurnalının da tədbir iştiakçılarına nümayiş etdirib. “Oil and industry”-nin də bu uğurlarda xüsusi yeri olduğunu bildirib. Jurnalda universitetin həyatı, taninmış məzunlar, eləcə də digər neft və sənaye haqında mövzuların yer aldığını diqqətə çatdıran rektor aylıq və nəfis tərtibatda nəşr olunan bu jurnalın ölkədə tanıdılacağını da qeyd edib. Nitqinin sonunda rektor bir daha kəmiyyətə yox, keyfiyyətə önəm verildiyini və bu il tədrisdə keyfiyyət ili olduğunu vurğulayıb.Sonra rektor M.Babanlı tələbə və valideynlərin təqaüdlər, imtahan prosedurları, nizam-intizam məsələləri, UFAZ və digər məsələlərlə bağlı suallarını cavablandırıb.


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler