Musavat.az
Musavat.az




Müsavat » Xeberler» Xeber

“ABŞ türk ordusuna problem yaratmayacaq, amma…”

31 Ağustos 2016

11:00 pm


01/09/2016 [02:59]: xeber –
Türkiyənin Suriyada
apardığı anti-terror əməliyaytları çərçivəsində kürd silahlıların mövqeyinə zərbələr
endirməsi, PYD qüvvələrinə qarşı əməliyyatlar aparması ABŞ-ın ciddi narazılığına
səbəb olub. Türkiyədən kürdlərə qarşı əməliyyatları dayandırmağ tələb edən ABŞ,
bu tələbini ən yüksək rəsmilərin dili ilə durmadan təkrarlamaqdadır.
Maraqlıdır, PYD-ə qarşı əməliyyatlardan məmnunluq duymayan ABŞ Suriyadakı türk
ordusuna problem yarada, onu əngəlləyə bilərmi?

sayt-a açıqlama
verən politoloq Qabil Hüseynli bu ehtimalın reallığına inanmadığını vurğulamaqla
yanaşı, Amerikanın hərəkətlərinin anlaşılan olmadığını qeyd etdi:

“ABŞ-ın Suriyada türk
ordusuna ciddi problem yaradacağını zənn etmirəm.

Amerikanlar vəd etmişdi
ki, onlar YPG-yə Fərat çayının sağ sahilinə keçmək tapşırığı verəcəklər. Bu əmri
verdilər. Üstəlik bildirdilər ki, YPG-nin müstəqil dövlət yaratmaq və ya Suriyanı
federellaşdırmaq fikrini müdafiə etmirlər. Onlara silah-sursat göndərilməsini də
dayandırıblar. YPG Fəraın sağ sahilinə keçməkdən imtina edəndən və türk
ordusuna müqavimət göstərməyə başlayandan Türkiyə bu qüvvələrə qarşı mübarizəyə
başladı. ABŞ isə türkləri qoyub kürdləri dəstəkləməyə başladı.

Hesab edirəm ki, Türkiyə
Azad Suriya Ordusu ilə birlikdə İŞİD-çilərə qarşı uğurlu əməliyyatlar aparacaq
və Suriya ərazisini onlardan təmizləyəcəkdir. YPG-nin də üzərinə gedəcək.

ABŞ Suriya məsələsində,
buradakı münasibətlər sistemi fonunda kor-koranə hərəkət edir. İraqda da bu cür
yanlış hərəkət etdi və nəticədə bu gün də İraqda qarşıdurmalar davam edir.
Liviyada da bu cür yanlışlıqlar edildi və münasibətlər sistemi bərbad vəziyyətə
düşdü. Suriya məsələsində isə nə ruslarla, nə də türklərlə dil tapa bilmirlər.
Halbuki, əvvəldən türklərə söz vermişdilər ki, tampon bölgə yaradacayıq və s.
Amerika verdiyi vədlərin heç birinə əməl etmədi. ABŞ öz hərəkətlərində ardıcıl
olmadığına görə, belə bir vəziyyət yarandı”.

 

Seymur Əliyev

 


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler