Musavat.az
Musavat.az




Müsavat » Xeberler» Xeber

ABŞ-ın Azerbaycandakı sefirlerinin “alma-armud oyunları”

12 Ekim 2016

7:12 am


12/10/2016 [11:08]: xeber –
ABŞ-ın Azərbaycandakı səfiri Robert Sekutanın Qubadan yayılan fotoları sosial şəbəkələrin əsas müzakirə mövzularından birinə çevrilib. Sekuta Quba xalçası və alma-armudlarla şəkillər çəkdirib. Xalçanın toxuma hissələrini diqqətlə seyr edən, əlində Quba alması ilə poza verən diplomat qısa zamanda sosial şəbəkələrin qəhrəmanına çevrilib. Sekutanın bu fotoları ilə bağlı fikirlər birmənalı deyil. O, həm ələ salınır, həm təriflənir, həm  də tənqid olunur. Əksəriyyət səfiri daha ciddi işlərlə məşğul olmadığına görə qınayır. Əsas önə sürülən arqumentlər isə Dağlıq Qarabağ və digər ciddi problemlər olan ölkədə səfir kimi çalışan bir şəxsin bu cür fotolarla gündəmi zəbt etməsidir.Sekutanın gündəm olması Amerikanın ölkəmizə səfir təyin etdiyi şəxslərin fəaliyyətini müzakirə obyektinə çevirib. 2003-2006-cı illərdə Azərbaycanda səfir işləmiş Rino Harnişdən sonra ABŞ-ın ölkəmizə təyin etdiyi nümayəndələrinin ciddi işlərlə məşğul olmaması, daha çox əyləncə xarakterli fəaliyyətlərə önəm verdikləri vurğulanır. Harnişdən sonra ardıcıllıqla Azərbaycanda səfir olan xanım Enn Dörsi, Metyu Brayza, Riçard Morninqstar və son olaraq R.Sekutanın daha çox belə fəaliyyətlərlə gündəmə gəldikləri qınanır. Səfirlər daha çox müxalifətçilər tərəfindən sərt tənqidlərə məruz qalırlar. Səbəb olaraq da onların demokratiya və insan haqları məsələlərində susqun mövqe sərgiləməsidir. Qeyd edək ki, son 10 ildə ABŞ səfirləri adətən Novruz bayramı ərəfəsində gündəm olurdular. Onları da gündəm edən yandırılan tonqalın üstündən tullanması, Kosa-Keçəllə yumurta döyüşdürməsi idi.  Politoloq Mübariz Əhmədoğlu Sekutanın bu şəkildə gündəmə gəlməsini doğru hesab etmir: “Sekuta bununla ABŞ Dövlət Departamentinə və Amerika cəmiyyətinə göstərmək istəyir ki, Azərbaycan cəmiyyətinin içərisinə bu qədər girmişəm. Səfir hər iki ölkənin cəmiyyətlərinə onu da göstərmək istəyir ki, Azərbaycan və Amerikada əhalinin inkişaf səviyyəsi eynidir. Burada başqa səbəblər axtarmaq lazım deyil. Səfir barədə fikir bildirən şəxslər onun gördüyü işlərdən məlumatlı deyillər. Sadəcə, bizim sosial şəbəkə son vaxtlar daha çox narazı qismində çıxış edir. Sosial şəbəkələrə xarici ölkələrin təsiri o qədər güclüdür ki, Amerikanın daim qara sifətdə görünməsinə cəhdlər olunur. Bir faktı deyim ki, Roma papası Gürcüstan və Ermənistana səfərlər etdi. Həmin ölkələrin prezidentlərinin ailələri ilə tanış olmadı. Amma Azərbaycana səfərində prezidentin evində oldu. Bununla xristian dünyasına göstərdi ki, görün bu ailə, Azərbaycan cəmiyyəti necə xristian dünyasına bağlıdır. Bununla belə, sosial şəbəkələrdə Papanın səfəri ilə bağlı ağıza gələni yazdılar. ABŞ səfirlərinin Dağlıq Qarabağ problemi ilə məşğul olmamasının tənqid edilməsi düzgün deyil. Çünki bu məsələ onların məşğul olduqları iş deyil. Onlar Qarabağ münaqişəsinin anatomiyasını qəşəng bilirlər. Sadəcə, səfir ABŞ Dövlət Departamentinin işçisidir. Oradan nə göstəriş gəlirsə, onu da yerinə yetirir. Səfirlərin göndərdikləri hesabatlar Departamentdə qalır. Bu baxımdan, Amerikanın Dağlıq Qarabağ problemində ölkəmizə qarşı olan mövqelərini müəyyən edən səfirlər deyil. Səfirləri qınamaq düzgün deyil. Bütün dünya praktikasında bu hal mövcuddur ki, kimisə harasa səfir göndərəndə həmin şəxsin o xalqa simpatiyasının olmasını nəzərə alırlar. Barak Obama və ondan əvvəlki ABŞ prezidentləri xalqımıza simpatiyası olan səfirlər göndəriblər. ABŞ Dövlət Departamenti səfirlərlə elə məşğul olur ki, onlar Qarabağ məsələsi ilə bağlı fəaliyyət göstərə bilmirlər. Səfirin fəaliyyətinə hərtərəfli yanaşmaq lazımdır. Qərəzli şəkildə səfirə hücum etmək doğru deyil. Amma onu da qeyd edim ki, Azərbaycan dövlətinin və cəmiyyətinin Amerika ilə bağlı fikirləri başa düşüləndir. El arasında bir məsəl var, ”Uman yerdən küsərlər”. ABŞ-ın 1993-cü ildə burada maraqlarını təmin etmək üçün itkilər vermişik, bir növ Amerikanı bu regiona gətirən bizik. Bundan ötrü başımıza yumruq dəyib. Münasibətlər əvvəlki qaydada olmalıdır. Erməni nə verib sizə ki, daha çox onların maraqlarından çıxış edirsiniz?”(muavat.com)


mənbə : moderator.az



Şərh yazılmayıb.

Şərh yaz.








           
MARAQLI
Maraqlı
- Sitemap - musavat son xeberler Son Xeberler - Son Xəbərlər, yeni musavat, müsavat, musavat qezeti xeberler